MIRROR Chef｜4成員齊獲提名頒獎 姜濤搞笑分「豬肉獎」實行人人有獎

 ViuTV節目《森下仁丹Bifina Si益生菌 呈獻：MIRROR Chef》 明晚（1月4日）播出的最後一集，節目組根據12子在節目中的表現，設了特別獎項頒給其中4位成員。

最後一集氣氛十分歡樂。

姜濤率先提議要頒「最佳勤工獎」給隊長楊樂文（Lokman），因為覺得拍攝期間隊長功勞最多。Lokman笑言多謝姜濤提名，否則自己也拿不到獎。 「初心進步獎」就由盧瀚霆（Anson Lo）獲得，因為他的廚藝雖然還有很大的進步空間，但比起之前已有明顯的改善。呂爵安（Edan）聞言隨即表示懷疑Anson Lo的廚藝進步，Lokman開玩笑指「我哋進步唔係講幾多，係講心態」。

楊樂文、盧瀚霆、邱士縉、陳瑞輝獲提名頒獎。

隊長楊樂文被讚拍攝期間功勞最大。

而「最熱誠參與拍攝獎」和「最佳急才獎」則分別由邱士縉（Stanley）和陳瑞輝（Frankie）奪得。其他未得獎的成員仍有「豬肉獎」安慰，由姜濤進行「姜太公分豬肉」儀式。

邱士縉、陳瑞輝獲提名頒獎。

經過15集的拍攝，12子對「煮嘢食」亦有更深的體會。Stanley坦言煮食是一件很繁複的事，所以很欣賞會煮食的人。Anson Lo則更加佩服媽咪，因為由細到大媽咪都毫無怨言地密密煮，還煮得很開心，所以真的很尊敬媽咪。江𤒹生（Anson Kong）亦指如果自己有時間，一定會首選煮給屋企人吃。而說到吃過最溫馨的食物，12子紛紛說出媽媽的菜式，果然媽媽的味道是最好的。

楊樂文、江𤒹生

合照

踏入2025年，姜濤瞬即推出全新派台作品《白果》，道出他對於獎項的心聲，MV更找來900位姜糖拍攝，造就一場別具意義的頒獎禮。

姜濤推出2025年全新派台作品《白果》。

出道至今已6年，《白果》是姜濤對於獎項、頒獎禮的睇法和感悟，他以自己作為例子解釋道：「以我為例，我上年出咗3首歌，fans會話我出唔夠歌，會唔會攞唔到獎，於是我就思考係咪要出多啲歌，符合fans對我嘅期待呢？但上年出歌嘅頻率係我感到舒適嘅節奏。」

《白果》是姜濤對於獎項、頒獎禮的睇法和感悟。

對於獎項，姜濤覺得只屬於鼓勵性質，他表示：「攞到獎故然好，但攞唔到獎都唔代表我做嘅每一首歌係白費。無論攞獎與否，自己點樣評價自己先係最重要，呢個係《白果》想表達嘅訊息。」

姜濤覺得獎項只屬於鼓勵性質。

其實獎項、頒獎禮無處不在，《白果》唱出的亦是眾生相。姜濤續道：「每個行業都會有各種獎項或者唔同嘅頒獎典禮，例如運動員都會緊張自己會唔會攞到冠軍，學生會唔會攞到優異獎，但係咪代表冇獎嘅人就係nothing？我覺得唔係，無論成績如何，我都希望自己可以做到以坦然嘅心情去面對任何結果，同時亦希望每個人都可以做到，因為我覺得人生唔係得一個獎項，人生仲有好多唔同嘅嘢。」

觀看相關影片按連結：https://youtu.be/N2pHRj07BlM

既然說到獎項、頒獎禮，今次《白果》MV的場景設置成一個頒獎典禮，更動員了900位姜糖參與拍攝，其中一些姜糖更戴上面具，原來是有特別原因。姜濤道：「我每次坐喺頒獎典禮場地裡面，我都唔係放鬆，我相信每個歌手坐喺台下嘅時候，應該多少都會有緊張，因為每個人都希望自己嘅努力會被肯定，係好正常嘅一件事，但除咗台上嘅獎項，係咪仲有其他嘢我哋可以攞到呢？MV裡面係一個好抽象嘅頒獎典禮，每個戴住面具嘅fans，係代表各行各業嘅人，我哋去每個頒獎典禮嘅時候，會用面具遮住自己緊張嘅心情。希望大家都可以放低面具去enjoy每一個頒獎典禮，真係enjoy the show，而今次有900位fans成為台下觀眾，好多謝咁多位嘅參與。」

《白果》MV的場景是一個頒獎典禮。

並動員了900位姜糖參與拍攝。

來到2025年，姜濤將會重新出發，姜濤坦言：「我始終係好鍾意唱歌、做歌手，2025年我會做好多一系列，大家期待咗好耐嘅、唔同嘅歌曲俾大家。」大家敬請拭目以待。

姜濤表示2025年將會重新出發。

預告會做好多一系列的歌曲。