揭任教師丈夫同女學生酒店開房 中年婦心碎：扮好男人好易

也有網民分享婚外情見聞

影星張學友在電影《男人四十》飾演一個與17歲女學生發生師生戀被妻子揭發的教師，而現實中也有類似的中年危機。網上討論區「親子王國」有女子發文，揭發結婚逾10年、任職中學教師的丈夫，與一名女學生偷偷傳情，女事主大受打擊，是向網民求教如何是好。

張學友的婚外情被梅艷芳所飾演的妻子發現。男人四十電影劇照

張學友的婚外情被梅艷芳所飾演的妻子發現。男人四十電影劇照

女事主說，丈夫是中學老師，「最近俾我發現佢食學生妹，用IG傳情，我問佢，佢話自己一時糊塗迷咗落去，同我講對唔住」。丈夫聲稱學生已畢業升讀大學，又承諾「以後唔再搵對方，知道自己做錯了」。但女事主表明，事件被揭發一個月，「我真係接受唔到自己老公去搞學生妹，我覺得好恐怖」。

設計圖片

女事主慨嘆，「拍咗拖10年先結婚，結咗婚都有10年，可能愛情變了親情，佢已經忘記咗以前一起捱窮嘅辛苦日子，貪玩要新鮮感要刺激偷情嘅感覺」。女事主以為過了七年之癢，可以與丈夫一生一世，「從沒有想過佢會出軌，同學生妹搞婚外情。這個月佢好努力想我開心，但自問唔可以當冇事發生，我好糾結自己應該如何做，如何走下去。」

女事主透露，揭發事件前幾日，「佢哋（丈夫與女學生）約咗去酒店，幾小時可以做到好多事」。她直言，與其去怪個廿歲妹妹沒有道德破壞別人婚姻，「我最嬲係個老公咁冇定力，只有幾個小時都要同個學生妹去開房。諗下都痴線。我睇返唔同記錄，其實佢哋開房後，佢係趕住來接我放工，扮好男人原來可以好容易。好彩上天有眼俾我發現到個事實」。

設計圖片

不少網民都説無法忍受丈夫婚外情，有人斥責「即係你未發現佢會繼續偷食，依家發現佢話分開」、「學生妹比起做緊嘢嘅女人點都易氹易得手，你老公真係枉為人師，如果個學生妹有日去學校揭發件事，你老公應該以後都唔洗再教書」。

有人建議，「如果個女仔已經唔係佢學生，冇咁驚嚇，現在D大學生好多出來援交，你C6只係一個客。唔好咁快下決定，俾一個限期自己，例如半年，睇下你老公係咪真心挽回你，睇下你能否離開佢。如果佢唔斷小三，就放棄佢啦」。

也有網民分享婚外情見聞指，「我識人個老公同學生搞上，之後臨生時忍不了，趕老公走！最後係離婚，老公同學生再婚！」、「見過個老婆勁大方咁原諒佢，照唔離婚個B照生，仲以為個老公修心養性，其實一直到佢生都唔知個男嘅玩得更小心同換咗第二個女玩啫，兩個仲不時曬恩愛」等。

不少人可能都試過在巴士上睡着了以致過站都懵然不知，日前就有港男因在車上睡得太沉，直至巴士到了總站，全部乘客都已下車了才醒來，卻發現自己被鎖在車廂內！

影片截圖

醒返時車內空無一人車門被鎖

有港男早前在社交平台發文及影片，寫到「點解返工遲到？」由影片中所見，他人身處巴士的下層，車門已鎖，而車內空無一人連司機也不見，只有樓主無奈地坐在空車內。

港男表示因為在巴士上層睡得太熟，到了總站都不知，而司機也沒察覺直接鎖車走人，所以也成為了他當日返工遲到的原因。

影片截圖

網友同情：睇嚟你真係好眼瞓

不少網友睇帖文後留言「司機落車前要巡車架！！！」、「好慘，睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣（太平門掣）離開巴士車廂」，「前門望下門框有個黃色邊紅色開門掣，開門在安全情況下離開，記得撳返車外面嘅綠色閂門掣閂門」。

網民分享類似經歷 竟然睡到巴士已改了路線

不過帖文亦引來不少網民分享類似的經歷「試過坐巴士，去到總站唔知醒，好在巴士司機叫我」、「我試過半夜飲醉咗瞓咗喺架巴士，但個司機收車冇鎖，直接行返出去」、「我試過瞓到，巴士已經返到車廠入油，落到下層時嚇死個司機」。

影片截圖

有網民甚至試過睡到巴士已改了路線，「我嗰次要搭269C返工，一上車肯定係瞓覺，醒嗰陣發現以下嘅事情，車長換咗人；架車轉咗牌變68X；行車方向係入新界方向（仲要已經行到青衣就到汀九橋）」。

城巴fb圖片

有人在車上睡了幾程車超誇張

最誇張的是竟然有網民在車上瞓了幾程車「之前坐89D返學，瞓覺瞓到藍田站嘅時候有少少醒，但係唔知點解繼續又瞓返，跟住返返去馬鞍山又係有少少半睡半醒但係唔知做乜嘢，我選擇繼續瞓（可能諗住瞓到返屋企落車唔返學掛），但係最後醒返已經差唔多準備又上公路出九龍，跟住第二次同樣又係瞓到去藍田站，但係又係半睡半醒之間唔知點解選擇繼續瞓，跟住期間又半睡半醒望到架車行緊觀塘道，但係架車好似冇着燈，後尾架車唔知做乜嘢去咗樂富之後俾個司機叫醒咗」。