MC表示Jay Fung相當nice。
馮允謙(Jay Fung)早前於《第三屆KKBOX香港風雲榜 》奪得「年度編輯推薦歌手」。近日為樂壇新人MC張天賦作曲的新歌《反對無效》，獲外界一致好評，MV在YouTube點擊更突破200萬。日前MC邀請Jay到錄音室合唱《反對無效》英文版《How Many Times》，以及Jay的新歌《因愛之罪名》英文版《Can’t Stop Myself Tonight》，兩首歌的曲及英文歌詞，均由Jay親自譜寫，充分表現音樂才華。當日錄音是兩人首次見面，Jay對後輩照顧有加，由於兩首歌的高音部分相當多，Jay細心指導MC一些飆高音小技巧。兩人之後更在鏡頭後又唱又跳，很快打成一片。MC表示能邀請Jay合唱感到非常開心，更稱:「好緊張，之前聽人講阿Jay份人好nice，而家見埋真人，真人原來更加nice。」
MC大讚阿Jay好nice。
Jay追下次再寫隻飆高音嘅歌俾MC。
MC回想收到《反對無效》的demo時，只聽前奏便愛上這首歌，他分享：「Jay喺個demo一開頭有段ad-lib，我一聽到就同同事講『得嘞！我要呢首歌！』我好想學到你嗰段ad-lib，但我到而家都精通唔到。」於是Jay順應MC要求，現場演繹該段ad-lib，更鼓勵MC：「其實辛苦晒MC，因為《反對無效》呢首歌好高音，好難唱，但MC唱得好正，啲高音好正，我之前有睇你《全民造星II》，知道你唱歌好好聽，下次我再寫隻飆高音嘅歌俾你。」
MC新歌《反對無效》YouTube點擊已突破200萬。
MC於2019年奪得《全民造星II》亞軍。
觀看相關影片按以下畫面或連結：
VIDEO
音樂會吸引Fans和途人逾千人圍觀！
「寰亞音樂」其中兩位唱將，馮允謙（Jay）和陳健安（安仔），一同在12月12日推出個人專輯，日前他們更一同在尖沙咀星光大道梳士巴利花園活動平台舉行「Jay Fung x On Chan MUSIC NIGHT AT THE HARBOUR」音樂會，他們的家人、新碟歌曲班底、音樂人朋友等捧場。在四面台上演出，Fans和途人逾千人圍觀，反應非常熱烈，他們即興encore，全場尖叫歡呼。
Jay和安仔一同舉行「Jay Fung x On Chan MUSIC NIGHT AT THE HARBOUR」音樂會，師妹Me&擔任表演嘉賓。
音樂會由Me&的黃淑蔓（Feanna）和連家穎（Vian）打頭陣，演唱充滿聖誕氣氛的新歌《Me& My Christmas Town》，雖然當日是入冬最寒冷晚上，室外只有13度又大風，但她們穿著短裙大曬長腿跳唱，全場氣溫急升。接著Jay和安仔出場，合唱安仔新碟內作品《我違和但我不糾正》 。
音樂會由Me&打頭陣。
演唱充滿聖誕氣氛的新歌《Me& My Christmas Town》。
Jay和安仔接著出場，並合唱安仔新碟內作品《我違和但我不糾正》 。
之後安仔獨唱《戀愛腦之死》和《我很不愛你》後，安仔分享了兩個故事：「早幾年有一個朋友因病離開咗，佢臨走前一晚，叫晒啲朋友去醫院見佢，佢每一眼都好用力，好好記住每一個人。我亦諗起第二個朋友，早前佢有一位好親、好愛嘅人離世，佢覺得生無可戀，甚至乎諗過自己都離開呢個世界。我呢首歌係想送畀我現世嘅朋友，希望當你有啲諗唔開嘅時候，好似歌詞所講，每個人心入面都有美好嘅嘢，值得我哋留喺現世，就好似『象牙白』呢隻顏色，就算褪色仍然優雅。」然後他唱出新歌《心裡尚有象牙白》和《當我們返回現世》。
安仔之後獨唱《戀愛腦之死》和《我很不愛你》。
又分享了兩個故事。
接著Jay出場，一口氣唱出《無理取樂》、《在愛面前投降》、《膽量鍛鍊之旅》和《你是我的回憶殺》等新碟歌曲，台下Fans熱情揮動燈牌和歡呼。安仔再度上台，Jay表示當年參加歌唱比賽時，安仔以C AllStar身份擔任表演嘉賓，他記憶猶新。原定二人合唱《遠在眼前》後完騷，但Fans反應太熱烈，狂嗌encore，Jay和安仔即興拉埋捧場睇騷的音樂人，分別唱出《在最好的時間做最好的你》和《在錯誤的宇宙尋找愛》，音樂會圓滿結束。
接著Jay出場。
並一口氣唱出《無理取樂》、《在愛面前投降》、《膽量鍛鍊之旅》和《你是我的回憶殺》等新碟歌曲。
音樂會後，Jay和安仔都表示非常喜歡戶外表演，安仔說：「見到好多人圍觀好熱鬧，唱歌嘅時候仲見到有船駛過，感覺好特別。」Jay透露唱歌時吸了一口冷風後咳嗽，狂飲水舒緩。Jay帶著新碟《EMO》，安仔亦帶著新碟《PROJECT REJECT》，互相向對方介紹自己新碟的特別包裝設計。Jay說：「你可以轉動旁邊呢個位置，咁封面嘅顏色就會變，代表唔同嘅情緒！」百厭的安仔立即來回狂轉動，笑言：「嘩，情緒波動呀！」而安仔就向Jay講解要撕爛其包裝才可取出唱片，寓意打破既有思想。Jay一邊撕開一邊笑說：「搣爛晒，我好心痛呀！」
安仔、Jay
而表演嘉賓Me&的Vian說：「我第一次喺耳機聽到Jay和安仔唱歌，感覺好神奇，好好聽。」Feanna說：「我覺得最神奇係聽到你唱歌，進步咗好多。其實每次上台表演前我都特別緊張，但你好淡定，幫咗我好多。」她們表示相隔一年，Me&再有新歌表演非常開心，希望有更多表演機會。Vian自爆出場前一邊耳機臨時故障，被Feanna取笑是「機器之鬼」。
全場大合照。
Jay和安仔的家人、新碟歌曲班底、音樂人朋友及粉絲捧場。
Jay和安仔的家人、新碟歌曲班底、音樂人朋友及粉絲捧場。
Jay和安仔的家人、新碟歌曲班底、音樂人朋友及粉絲捧場。
Jay和安仔的家人、新碟歌曲班底、音樂人朋友及粉絲捧場。
