網民看完帖文後，都紛紛勸樓主不要為女友放棄大好前途，並提出不同建議予樓主。
大學聯招（JUPAS）今日放榜，不少人都關心自己能否入讀心儀大學及學科。不過有港男不愁無書讀，反而愁女友入唔到大學，事關女友詢問順利入讀中文大學的樓主，可否陪她一起重讀，令他陷入兩難當中！
資料圖片
該名港男在網上討論區「Dcard」發文，指之前與女友約定「一齊入中大」，不過DSE放榜時，已知道女友應該「無乜機會」。樓主表示，女友希望重讀一年「博上去」，更問樓主「要唔要一齊陪佢」。
資料圖片
樓主坦言，入中大一直都是自己夢寐以求的，自己並不想重讀重考，亦不想為女友放棄學位，但同時又不想傷害女友的感受，遂詢問一眾網民「應該點拒絕又唔會令佢傷心好？」
資料圖片
網民看完帖文後，都紛紛勸樓主不要為女友放棄大好前途，並提出不同建議予樓主，「如果你自己入到大學，梗係唔好陪佢癲啦」、「唔好俾人影響自己前途，你可以陪佢溫書，但一定唔可以為咗佢放棄前途」、「直接同佢講，我陪你讀都無補於事，我會係中大等你」、「點會為咗一個女仔放棄自己嘅前途，你仲要唔可以肯定到自己係咪100%同到佢永遠一齊」、「認真，佢提出呢個建議，我聽落就係冇為你着想」。
資料來源：「Dcard」
港男順利入讀中文大學，但女友則落榜，更問他可否陪自己重讀。資料圖片
不少人可能都試過在巴士上睡着了以致過站都懵然不知，日前就有港男因在車上睡得太沉，直至巴士到了總站，全部乘客都已下車了才醒來，卻發現自己被鎖在車廂內！
影片截圖
醒返時車內空無一人車門被鎖
有港男早前在社交平台發文及影片，寫到「點解返工遲到？」由影片中所見，他人身處巴士的下層，車門已鎖，而車內空無一人連司機也不見，只有樓主無奈地坐在空車內。
港男表示因為在巴士上層睡得太熟，到了總站都不知，而司機也沒察覺直接鎖車走人，所以也成為了他當日返工遲到的原因。
影片截圖
網友同情：睇嚟你真係好眼瞓
不少網友睇帖文後留言「司機落車前要巡車架！！！」、「好慘，睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣（太平門掣）離開巴士車廂」，「前門望下門框有個黃色邊紅色開門掣，開門在安全情況下離開，記得撳返車外面嘅綠色閂門掣閂門」。
網民分享類似經歷 竟然睡到巴士已改了路線
不過帖文亦引來不少網民分享類似的經歷「試過坐巴士，去到總站唔知醒，好在巴士司機叫我」、「我試過半夜飲醉咗瞓咗喺架巴士，但個司機收車冇鎖，直接行返出去」、「我試過瞓到，巴士已經返到車廠入油，落到下層時嚇死個司機」。
影片截圖
有網民甚至試過睡到巴士已改了路線，「我嗰次要搭269C返工，一上車肯定係瞓覺，醒嗰陣發現以下嘅事情，車長換咗人；架車轉咗牌變68X；行車方向係入新界方向（仲要已經行到青衣就到汀九橋）」。
城巴fb圖片
有人在車上睡了幾程車超誇張
最誇張的是竟然有網民在車上瞓了幾程車「之前坐89D返學，瞓覺瞓到藍田站嘅時候有少少醒，但係唔知點解繼續又瞓返，跟住返返去馬鞍山又係有少少半睡半醒但係唔知做乜嘢，我選擇繼續瞓（可能諗住瞓到返屋企落車唔返學掛），但係最後醒返已經差唔多準備又上公路出九龍，跟住第二次同樣又係瞓到去藍田站，但係又係半睡半醒之間唔知點解選擇繼續瞓，跟住期間又半睡半醒望到架車行緊觀塘道，但係架車好似冇着燈，後尾架車唔知做乜嘢去咗樂富之後俾個司機叫醒咗」。
