網民在「香港討論區」發帖，埋怨月入1萬多元的工作低薪，又不滿已經退休父母早年無未雨綢繆，導致他成為家庭經濟支柱，「你哋兩個養我一個都話辛苦，我搵得萬零蚊要養你哋，我係咪已經無將來」。
設計圖片
他指，他大學讀的科目不吃香，而英文又欠佳，無甚麽特別技能。他見到紀律部隊又加薪，新入職都有2.2萬元，可能他現職的辦公室白領工作做十年才有這個水平。他抱怨，雖然明知道他不適合做政府工，都想在私人市場發展，為何私人市場這麽剝削。
設計圖片
他又發牢騷，父母退休沒甚麽積蓄，「我一個要養三個，交租交水電煤俾家用，我打份萬幾蚊嘅工，唔好講儲錢，係根本唔夠使。我成日諗係咪要做哋產做保險考政府工先係唯一出路」
雖然他聲稱「唔係想怨父母」，但又質疑「唔明點解佢哋打左成世工，可以銀行連一萬蚊都無，你哋兩個養我一個都話辛苦，我搵得萬零蚊要養你哋，我係咪已經無將來」
資料圖片
不少網民認為，發文者只是一味怪罪父母，「其實我覺得，如果要你中六畢業就出嚟做嘢，唔供你讀大學，又唔使畀零用錢你應付校園生活，咁佢哋至少可以慳20萬。」、「佢要養父母，但佢父母都有父母要養，佢都識講父母打咗成世工，一萬蚊都無啦，咪就係因為要養大佢，打成世工連一萬蚊都冇囉」、「係你個人問題喎，點解你當年唔努力讀書大學唔讀醫生律師會計師呢？到出嚟做嘢搵唔到錢就怨天尤人，仲要話唔想養父母」、「你冇錢錯在父母，父母冇錢錯在社會，你仲話冇埋怨。面對現實吧，你嘅將來都係只能靠自己」
也有人認為，供養父母是應分，「父母養你，你長大了盡一點力養他們，天公地道。」
網民不滿要供養已經退休卻沒有儲蓄的父母。示意圖片
