193同古天樂好friend喎！
ERROR成員193(郭嘉駿)早前在IG story上載兩對限量波鞋的照片，向網民徵求購買方法，殊不知被網上作者撰長文稱「明星，唔係咁做的」並謂「藝人搲job見得多，搲鞋第一次見。」結果遭到網民反擊，最後連193都現身留言：「你真係唔識㗎喎」
193話：「呢行嘅壽命唔知有幾長，所以搵到錢時盡量搵。」
193話用成本價買到對波鞋喇！
193今日出席活動，他指當時會發文是想找到買正版波鞋的方法，因為自己試過用炒價買波鞋卻買了翻版：「我而家買到喇，只能講唔係粉絲送，我係用咗成本價去買。（你之前說1個工作都可以買20對波鞋？）啱呀，但公司出糧一向慢，唔知身家有冇暴漲，相信公司幫我接工作嘅價錢係合理，我都有經營自己嘅品牌，用自己嘅方法賺錢，做呢行嘅壽命唔知有幾長，可能聽日就變咗吳亦凡，起伏好大，所以搵到錢時盡量搵。」又說有買樓的想法，更已經儲到首期，但笑言只夠買劏房，他指很開心和古仔再次合作，對方很提攜後輩，給他很多意見，「古生有睇過我哋嘅節目，會話俾我哋知可以點樣改善，點樣繼續發展落去。」講到近日被捲入桃色新聞的隊友保錡，他指對方心情Ok，稍後會一起出席公開活動。
193表示稍後與保錡出席活動。
193同古天樂好friend喎！
阿Dee笑言：「高大就鑿住靚仔，有才華都冇用！」
由雲浩影（Cloud）、吳家忻（kayan9896）、蘇皓兒（Chloe）、郭嘉駿（193）、何啟華（阿Dee）及林德信等主演的Viu Original本地原創劇《同居少女諸事卜》好評如潮，故事講述三位同居女生所遇到的不同愛情問題，當中Cloud便要周旋於193與阿Dee的三角關係，劇中193更向Cloud求婚，但因Cloud心繫阿Dee，最終193慘食檸檬；然而現實中，阿Dee自嘲沒可能爭女爭贏193 ！
《同居少女諸事卜》劇照
《同居少女諸事卜》劇照
《同居少女諸事卜》劇照
阿Dee與193同屬男團ERROR成員，早已默契十足，今次在劇中他們飾演「情敵」，有不少對手戲，阿Dee笑言：「我同193爭女？代表戲劇，係假嘅，仲要話係我爭贏，邊有可能，現實世界係唔會發生，因為我同3哥出trip，feel到差別待遇，大家都係男仔，但女士們對大家真係有差別待遇，多你20cm係唔同，高大就鑿住靚仔，有才華都冇用。」
《同居少女諸事卜》劇照
193就斬釘截鐵表示二人在現實中絕不會爭女：「現實中我哋唔會爭，佢（阿Dee）鍾意黑人，有紋身、瘦啦、ABC嗰啲，我覺得呢類太激進，我比較鍾意溫文爾雅、白白淨，同阿Dee係相反，我鍾意文靜、乖巧，聽我講多啲，阿Dee鍾意控制佢、鬧番佢轉頭嘅。」
《同居少女諸事卜》劇照
《同居少女諸事卜》劇照
在劇中首次跟Cloud合作，二人大讚Cloud很有演戲天分，更異口同聲指被Cloud「口才」嚇一跳，阿Dee指：「第一次同Cloud合作，估唔到佢表面斯斯文文，其實講嘢都幾寸，不過佢好玩，意外地發現佢幾有天分做戲，佢除咗唱歌之外，可以考慮做多啲戲。」193就指：「Cloud第一次做戲都做得幾好，冇乜NG，睇得出都做足功課，係平時喺戲外搶口咗少少。」
《同居少女諸事卜》劇照
《同居少女諸事卜》劇照
Cloud則自言首次拍劇感覺有點緊張：「之前參與過《深宵閃避球》拍攝，未算係主角，今次拍攝有幾版幾版紙對白，有好多感情戲，亦係第一次有感情戲，所以比較緊張，都擔心會連累對手NG，但好開心，佢哋全部好好，冇畀到壓力我，同阿Dee拍攝更是非常順利，佢係一個好有經驗演員，所以提點咗我好多。最大挑戰係同阿Dee嘅分手場口，因為要拍好多個鏡頭，好難Keep住情緒，但阿Dee好好戲，我好被佢帶動。」問到現實中，可有試過同時被兩位異性追求？她笑說：「自己唔係好多人追，但如果要揀，會以性格行先，講感覺。」
《同居少女諸事卜》劇照
