嚴祺(嚴瀚祺)是《全民造星》第一季的30強參賽者,之前又參加過《超級巨聲4》奪得季軍,歌唱實力雄厚。近日HMVOD《敗者重生戰》出動到監製張建聲,上門邀請他參加比賽,他卻當場婉拒邀請。
![嚴祺雖然少咗玩音樂,但依然好唱得。](https://image.bastillepost.com/1200x/wp-content/uploads/hongkong/2021/10/_2021101014513742181.jpg.webp)
嚴祺雖然少咗玩音樂,但依然好唱得。
![其實嚴祺仲係《超級巨聲4》季軍。](https://image.bastillepost.com/1200x/wp-content/uploads/hongkong/2021/10/_2021101014514285324.jpg.webp)
其實嚴祺仲係《超級巨聲4》季軍。
原來嚴祺已經轉行做普通上班族,兩年前成為人夫的他,明顯有些幸福肥,張建聲都開玩笑稱他為「嚴肥」。嚴祺表示:「因為結咗婚,重心擺返喺家人度,又覺得要做嘅都做咗。我覺得去到一個年紀,差唔多要落返地啲。」
![但嚴祺最後選擇結婚,變相失去做星機會。](https://image.bastillepost.com/900x/wp-content/uploads/hongkong/2021/10/_2021101014514190531.jpg.webp)
但嚴祺最後選擇結婚,變相失去做星機會。
![兩年前結婚,仲有《造星》第一季的兄弟做伴郎團。](https://image.bastillepost.com/900x/wp-content/uploads/hongkong/2021/10/_2021101014514591603.jpg.webp)
兩年前結婚,仲有《造星》第一季的兄弟做伴郎團。
嚴祺分享他也曾被邀請加入MIRROR,不過最後沒有成事:「我曾經有後悔,但而家冇。MIRROR同ERROR出道嘅時候,我有後悔點解唔應承。當初因為我好堅持要結婚,我有問佢哋得唔得?佢哋問返我可唔可以遲兩年先結婚,我話唔得,我即刻就要結婚!」
![嚴祺曾有機會做MIRROR其中一員。](https://image.bastillepost.com/1058x/wp-content/uploads/hongkong/2021/10/_2021101014513920700.jpg.webp)
嚴祺曾有機會做MIRROR其中一員。
![雖然係季軍,但星途行得唔多順暢。](https://image.bastillepost.com/640x/wp-content/uploads/hongkong/2021/10/_2021101014514470354.jpg.webp)
雖然係季軍,但星途行得唔多順暢。
雖然最後未能成為男團成員,但他間中都有玩音樂。但不打算再參加比賽,原因是時間上難以配合,他坦言自己某程度上已放棄夢想:「我會用第二個方式再追尋(夢想)。」
![嚴祺睇嚟好幸福肥。](https://image.bastillepost.com/1200x/wp-content/uploads/hongkong/2021/10/_2021101014560044200.jpg.webp)
嚴祺睇嚟好幸福肥。
![雖然仲想唱歌,但都婉拒再參賽。](https://image.bastillepost.com/1200x/wp-content/uploads/hongkong/2021/10/_2021101014560269166.jpg.webp)
雖然仲想唱歌,但都婉拒再參賽。
![原來MIRROR邀請過咁多人加入。](https://image.bastillepost.com/750x/wp-content/uploads/hongkong/2021/10/_2021101014513722731.jpg.webp)
原來MIRROR邀請過咁多人加入。