Ian陳卓賢推出《以孤獨命名》回歸虐心式情歌 七場個唱盼歌迷不帶前設入場享受當下

Ian再推出新歌《以孤獨命名》描述孤獨感！

正在如火如荼籌備7月19至25日七場個人演唱會的陳卓賢Ian，今年繼推出了《Love at first sight》及《Thank You Postman》 兩首輕快情歌作品後，昨日（7月2日）再推出新歌《以孤獨命名》描述孤獨感，回歸了Ian式的虐心情歌。

陳卓賢（Ian）推出新歌《以孤獨命名》。

Ian回歸虐心式情歌。

新歌由Ian作曲。

新歌《以孤獨命名》由Ian作曲，陳詠謙填詞，歌如其名描寫孤獨的感覺，形容一對情侶對彼此沒有了耐性、沒有了真心，兩個個體的孤獨，令人聯想到了Ian過去的虐心系列情歌《留一天給你喘息》、《再見 寧靜海》、《仍在》等，Ian說：「今年嘅故事第一章《Love at first sight》形容大家一見鍾情，由陌生到一眼就認定想同對方發展嘅感覺，第二章《Thank You Postman》 大家身在異地，但依然有同一顆心去維持好呢段關係，嚟到第三章關係開始出現問題，由兩個人本身好一體變番兩個個體嘅孤獨內容。」過去Ian創作時，慣用鋼琴創作一些偏向抒情或帶點哀傷的歌，但今次《以孤獨命名》Ian選用了結他，以有忠於原有demo孤獨感覺。

今次新歌Ian選用了結他。

以忠於原有demo孤獨感覺。

Ian繼續邀請了許恩怡（Natalie）飾演女友。

MV方面，為延續《Love at first sight》及《Thank You Postman》 的愛情故事，Ian繼續邀請了許恩怡Natalie飾演女友，講述情侶手後重遊舊地，尋找過去二人足跡和甜蜜時光。而演唱會舉行在即，連月閉關的Ian也密鑼緊鼓與創作團隊作最後準備，說：「演唱會籌備至今進展順利，唯一是原來過得好快，眨吓眼原來得返兩三個禮拜就係，希望大家都會好好享受今次演唱會，好好去感受一下我哋整個團隊為大家帶嚟嘅演唱會。」Ian並希望觀眾不帶任何前設，用最放鬆的心情入場欣賞，以活在當下地去感受演唱會每一個moment。

Ian即將舉行演唱會。

盼歌迷不帶前設入場享受當下。

A主動出擊邀請馮允謙共同作曲。

舉行首個個唱在即的江𤒹生AK，在正式閉關籌備演唱會前，昨日（6月24日）推出最新單曲《偽映畫預告》，同日下午在海運戲院舉辦MV首播會，與300生粉先睹為快。新歌《偽映畫預告》由徐浩監製、AK首次與Jay Fung（馮允謙）合作寫曲、好友Oscar填詞及負責操刀MV，透過八大經典電影場景串連，比喻一段關係開始前，就好像電影預告一樣精彩、吸引，但當你真正去欣賞電影時，會發現電影與預告原來是存有落差！

AK推出最新單曲《偽映畫預告》。

這次推出《偽映畫預告》找來Jay Fung首次合作，原來這是AK已久的心願，透露早在多年前活動上，AK已主動邀請JayFung期望合作寫曲，但直至兩年前一次靈感湧現，AK突然那來的勇氣才真正聯絡Jay Fung合作，AK開心道：「好記得一次表演後返到屋企，個腦突然間有啲melody，即刻攞部電話錄起咗，又好膽粗粗send畀Jay Fung，真係一個好rough口哼幾句嘅melody，佢竟然一口就應承咗我！」而兩年後，眼見歌曲成功面世，AK大呼感動外也感謝Jay Fung一路的幫助。

MV玩轉經典電影場景。

《La La Land》場口最深刻！

歌詞部分上，AK說Oscar以電影預告形容一段感情寫照，因為好多關係未正式開始，會像電影預告精彩美好，但事實卻未必是和預期一樣，說：「每段關係開始前，大家都會諗得好美好，好似電影trailer，最精華最好擺晒裡面，但件事最終發生成點，一日唔開呢套戲一日都唔知道。一段戀情一樣，開始咗至知同另一半唔啱、係需要磨合，或者未必最適合你，同你睇嘅trailer（預期）原來唔一樣。」被問到AK的愛情觀，AK覺得與《偽映畫預告》中的男主角相近亦有相似經歷，開始時可能對愛情抱有幻想，但開始後很多事亦不是自己想像中美好、相處是想像中的舒服，關係沒帶想像中的好。

新歌與馮允謙合作。

有走入電影世界的感覺。

配合新歌內容，今次《偽映畫預告》MV穿插八部經典電影場景，AK表示這是填詞兼MV導演Oscar想法，當中場景包括：《教父》、《花樣年華》、《無痛失戀》、《少年Pi的奇幻漂流》、《鋼琴戰曲》、《La La Land》、《布達佩斯大酒店》及《真人show》，當中也穿插了其他電影如《鐵達尼號》、《這個殺手不太冷》、《春光乍洩》、《搏擊會》、《潛行空間》等等的劇情及服飾細節。AK說：「嚟到現場真係有走入電影世界嘅感覺，加埋燈光好靚，自己都不停打卡，好鍾意《布達佩斯大酒店》及《教父》兩個場景，而第一下入到嚟見到《La La Land》，自己好大感覺，因為我好鍾意L.A呢個地方，人生第一次到L.A仲係dancer嘅時候，有特登上天文台山睇呢個夜景，到今次望到呢個假夜景，上年又拍完《Blue Monkey》返嚟，有啲掛住係L.A生活、朋友，同嗰邊拍嘢嘅回憶，即刻問大家幾時再有機會去拍過。」

《教父》場景。

電影預告比喻愛情，想像與真實存有落差。