娛圈事
單立文（豹哥）日前被TVB處境劇《愛．回家之開心速遞》飾演其姪女的蘇韻姿公開他申領的樂悠咭後，大家才驚覺長得年輕帥氣的豹哥已經62歲！
頭髮亂了仍然濃密
不過年輕時豹哥髮線可高。
今日，豹哥在社交網貼上禿頭造型照，留言認證：「冇錯，我係攞咗樂悠咭，我係長者，我放咗工唔化妝係咁樣嘅，大家記得讓座俾（畀）我。#其實長者真係冇事嘅 #人不older枉老年# #單立文# #樂悠咭 #里加乘#」。
豹哥被蘇韻姿爆拎了樂悠咭後，他貼秃頭照認是長者。
太太胡蓓蔚留言：「我離開香港幾日姐，你竟然老咗咁多」。眾多網民都覺得他似一個人：「成個誠哥咁」、「你就嚟發大達了，翻版李超人」，搞笑是連他也Hashtag「里加乘」；也有人覺得他似鍾景輝：「我以為景（King）Sir添」、「你喺咪喺度扮king sir」；更有人大讚他「心態好」。
老婆離港數日笑言老公老得咁快。
蘇韻姿入錯行？
憑無綫處境劇《愛．回家之開心速遞》飾演「熊心如」一角而成功入屋的蘇韻姿，早前宣布離巢無綫，她日前為YouTube頻道「雲楚笙 奇門遁甲」擔任嘉賓時，被雲師傅批算命格，直指她性格奔放開朗，說話時容易衝口而出得罪人，在事業運上不算太適合演藝娛樂行業，有入錯行之嫌。
蘇韻姿為YouTube頻道「雲楚笙 奇門遁甲」擔任嘉賓。
蘇韻姿被雲師傅批算命格．
節目開首，向來「鬼妹仔」的蘇韻姿表示有得多東西要問雲師傅，更笑言節目一定會overtime，蘇韻姿表示：「呢一行（演藝圈）好risky，我有冇入錯行？呢度適唔適合我？」身旁雲師傅回答：「其實唔算好適合，你喺呢行（演藝圈）好易有超大壓力、超大難題、超多阻礙，會冇方向，呢個行業同你唔算好近，你會做得比較吃力，反而同老師呢個行業緣分較近，可以做多啲教學方面工作，只要喺演藝元素加入教學，會有另一番睇法。」蘇韻姿聞言，表示現階段從事教學工作，自言十分鍾意小朋友，現正教小朋友英語音樂劇。
被批易講錯嘢！
雲楚笙師傅：下半年有起色
雲師傅又指，蘇韻姿性格比較奔放開朗，命格帶着「錯誤」，說話上容易辭不達意，雲師傅說：「說話會唔覺意得罪人，因為性格比較奔放開朗，有時講嘢少咗一份考慮，衝口而出，必然容易講錯嘢。」身旁蘇韻姿無奈笑說：「我一路都講緊錯嘅嘢，哈哈。」
雲師傅續說，指蘇韻姿自2022年開始不太開心，因為今年犯太歲，所以是非特別多，而且徒勞無功，蘇韻姿聽後不禁歎氣，幸好雲師傅指於今年下半年她開始進入黃金期，所有事情都會有點起色。
不合娛圈發展。
