早前15場個唱門票，一掃而空。
張敬軒將於本月尾開始在紅館舉行《THE NEXT 20演唱會》，但早前15場門票開售不久已火速售馨，不少歌迷依然未能搶購到門票，經過再三安排後，主辦單位今日宣佈加開明年1月13日至15日最後3場演唱會，加場門票將於後日（8日）在網上發售。
早前15場個唱門票，一掃而空。
軒仔的紅館跨年演唱會，今日宣佈加開3場。
軒仔多謝歌迷對他的支持，他表示能力可以應付的話就盡量唱多幾場，以免令歌迷失望，此外，軒仔更收到歌迷私訊，指有騙徒借機行騙：「有歌迷朋友同我講，有人冒稱係演唱會贊助商，指可以代買演唱會飛，但當大家俾咗錢後，當然就係搵唔到對方。」軒仔獲悉後便向公司爭取希望能再加場。
軒仔得知有歌迷購票受騙，即向公司爭取加場。
軒仔如何保養身體以應付18場演唱會？他表示：「今次我有專業團隊照顧我聲帶健康，聲樂老師同照顧我聲帶嘅醫生商量過，得出嚟嘅專業意見係吩咐我唱5日休兩日係最好，咁樣聲帶就可以得到最佳狀態，所以公司一早就已經按照呢個專業意見去規劃我成個演出，依家我唯一敵人就係部手機囉，大家都知我有手機成癮症，成日一睇就唔知點解又天光，演唱會期間真係要戒。」軒仔笑言若自己戒不掉陋習，可能屆時直情叫人沒收了他的手機。
希望可以跟歌迷度過一個愉快聖誕節。
著名堪輿學家李居明向《巴士的報》進行運程預測，他指2025年踏入蛇年，透過生肖分析，屬狗與屬猴人士在蛇年中運勢最旺。
李居明大師稱屬狗與屬猴人士，在蛇年當中運勢最旺。（本網記者攝）
李居明預告2025年即將踏入蛇年，而與之相沖的正是屬豬，李居明表示：「豬係咩呢？係『亥』，指我哋隻腳，所以2025年我哋每個人隻腳都會受沖，即係話如果你係經常運動呢，你要小心仆親，亦即係話好多人都會坐輪椅，或者佢本身隻腳有腳痛。」
同時，他又指：「蛇代表著四大驛馬，係代表我哋每個人都會轉工、搬屋同去旅遊。講到蛇年裡面，呢個字係可以打開一個叫『丑』嘅金庫，係代表會打開呢個庫，就係冇咁悶局，以前我哋行咗入去個墳墓，而家我哋喺個墳墓行返出嚟，呢個就係香港嘅運，所以香港明年係由個墳墓度返出嚟，咁咪幾好呢！」
（本網記者攝）
屬猴藝人：張敬軒
屬狗藝人：姚焯菲（Chantel）
李居明表示：「2025年係屬狗同屬猴排第一同排第二之外，咁多生肖裡面，其他一啲唔好嘅生肖，我哋比較低調啲講，先唔好影響咗你嘅潛意識。大家要明白喺2025年由於網絡流行，網絡世界裏面浮現好多預言，但係你永遠記住一樣嘢，就係預言始終一講咗出嚟，通常就唔係好靈驗，因為大家都記得嗰樣嘢，嗰樣嘢變成咗另外一個層次嘅一種念力，係會令到嗰樣嘢反而唔靈，所以我話俾大家聽，唔好恐懼，恐懼先至係喺2025年最大嘅瘟疫！」
他強調：「不驚不懼係2025年我哋要面對，儘管2025年可能有七星逆轉，有不幸嘅事發生，我話俾你聽殺到嚟你先食！」
要小心腳傷。
李居明最後再補充面對恐懼時，千萬不要驚慌:「唔好事前驚餐懵，如果你要逃避亦逃避唔到嘅，既然係咁，不如就喺香港呢個少少嘅地方，呢個少少嘅安樂裡應外面好好活着。你走出世界任何一個地方，戰爭、地震同海嘯，分分鐘本來你無事，你都走咗一個好危險嘅地方，咁咪仲衰，所以人呢唔好咁驚，最緊要記住一樣嘢殺到先食，千祈唔好自己呃自己，香港人而家最大嘅毛病，就係『神經衰弱症』！」
增加了轉工、搬屋同旅遊的機會。
