舞台劇《戰將無雙》舉行記者會。
袁富華、何啟華（阿Dee）及魯文傑等今日出席舞台劇《戰將無雙》記者會，戲中飾演廉頗的袁富華與飾演藺相如的阿Dee上演負荊請罪的經典故事，並以時裝Look演繹。
點擊看圖輯
袁富華（右）要在舞台劇中騷肌，他指是展現男人與男人之間的浪漫。
袁富華（左）與阿Dee在舞台劇《戰將無雙》將分別飾演廉頗及藺相如。
阿Dee（中）表示穿上時裝演古代人物，相信要有實力先會演得好睇。
袁富華（右）要在舞台劇中騷肌，他指是展現男人與男人之間的浪漫。
兩年未演過舞台劇的阿Dee，表示今次初嘗演繹古代人物卻穿上時裝演出舞台劇，相信要有實力先會演得好睇。他說：「我本住條命去嚟學嘢，覺得自己好唔夠，因為近年做影視工作，係完全兩種感覺，但在舞台上一氣呵成演出，非常期待。」
袁富華（左）與阿Dee在舞台劇《戰將無雙》將分別飾演廉頗及藺相如。
對於在戲中要騷肌演出，袁富華笑言並非HeHe情，而是演繹一段兄弟情，展現男人與男人之間的浪漫。在旁的阿Dee即搞笑謂：「唔係《叔叔無雙》！」談到阿dee經常爆肚搞笑，袁富華說：「我仲搞笑過佢，在台上我百厭過佢。」阿Dee自認是失控搞笑，反而袁富華是掌握之中的搞笑。
阿Dee（中）表示穿上時裝演古代人物，相信要有實力先會演得好睇。
舞台劇《戰將無雙》舉行記者會。
袁富華笑言在台上比阿Dee（右）更百厭。
阿Dee笑言：「高大就鑿住靚仔，有才華都冇用！」
由雲浩影（Cloud）、吳家忻（kayan9896）、蘇皓兒（Chloe）、郭嘉駿（193）、何啟華（阿Dee）及林德信等主演的Viu Original本地原創劇《同居少女諸事卜》好評如潮，故事講述三位同居女生所遇到的不同愛情問題，當中Cloud便要周旋於193與阿Dee的三角關係，劇中193更向Cloud求婚，但因Cloud心繫阿Dee，最終193慘食檸檬；然而現實中，阿Dee自嘲沒可能爭女爭贏193 ！
《同居少女諸事卜》劇照
《同居少女諸事卜》劇照
《同居少女諸事卜》劇照
阿Dee與193同屬男團ERROR成員，早已默契十足，今次在劇中他們飾演「情敵」，有不少對手戲，阿Dee笑言：「我同193爭女？代表戲劇，係假嘅，仲要話係我爭贏，邊有可能，現實世界係唔會發生，因為我同3哥出trip，feel到差別待遇，大家都係男仔，但女士們對大家真係有差別待遇，多你20cm係唔同，高大就鑿住靚仔，有才華都冇用。」
《同居少女諸事卜》劇照
193就斬釘截鐵表示二人在現實中絕不會爭女：「現實中我哋唔會爭，佢（阿Dee）鍾意黑人，有紋身、瘦啦、ABC嗰啲，我覺得呢類太激進，我比較鍾意溫文爾雅、白白淨，同阿Dee係相反，我鍾意文靜、乖巧，聽我講多啲，阿Dee鍾意控制佢、鬧番佢轉頭嘅。」
《同居少女諸事卜》劇照
《同居少女諸事卜》劇照
在劇中首次跟Cloud合作，二人大讚Cloud很有演戲天分，更異口同聲指被Cloud「口才」嚇一跳，阿Dee指：「第一次同Cloud合作，估唔到佢表面斯斯文文，其實講嘢都幾寸，不過佢好玩，意外地發現佢幾有天分做戲，佢除咗唱歌之外，可以考慮做多啲戲。」193就指：「Cloud第一次做戲都做得幾好，冇乜NG，睇得出都做足功課，係平時喺戲外搶口咗少少。」
《同居少女諸事卜》劇照
《同居少女諸事卜》劇照
Cloud則自言首次拍劇感覺有點緊張：「之前參與過《深宵閃避球》拍攝，未算係主角，今次拍攝有幾版幾版紙對白，有好多感情戲，亦係第一次有感情戲，所以比較緊張，都擔心會連累對手NG，但好開心，佢哋全部好好，冇畀到壓力我，同阿Dee拍攝更是非常順利，佢係一個好有經驗演員，所以提點咗我好多。最大挑戰係同阿Dee嘅分手場口，因為要拍好多個鏡頭，好難Keep住情緒，但阿Dee好好戲，我好被佢帶動。」問到現實中，可有試過同時被兩位異性追求？她笑說：「自己唔係好多人追，但如果要揀，會以性格行先，講感覺。」
《同居少女諸事卜》劇照
