泳兒憑歌曲《荊棘海》於昨晚（1日）在亞博舉行的《2021年度叱咤樂壇流行榜頒獎典禮》得到歌曲獎；泳兒上台領獎激動爆喊，隨後入後台接受訪問時也仍然禁不落淚，她稱因今次是繼新人獎後；相隔15年重上「叱咤」頒獎禮舞台，原以為已經再無機會，因3年前推出「暗黑系」歌曲時，已抱著豁出去的心態，若不能成功就可能是自己事業的終站，事關不是自己選擇不唱歌、而是觀眾的選擇。
泳兒坦言再次踏上叱咤舞台，十分驚喜。
上台時裙腳又被勾着，有點尷尬。
泳兒入到後台訪問仍然眼濕濕。
泳兒表示：「當時真係諗過要轉行，但始終最鍾意唱歌，所以咬緊難關；半夜練歌，拍MV不單止跳落水、又搞到一身泥，用上加倍嘅努力....冇諗過憑住堅持及團體嘅支持可以再攞𠮟咤獎項。」她又坦言最初做「暗黑系」的時候是不被看好，朋友和粉絲都擔心曲風太偏不夠主流，但自己選擇了一條難行的路，沒想過能令事業重生。泳兒又指因頒獎禮前收到很多人的短訊及團隊都希望看到她上台，不諱言有點心理壓力，不想大家失望。
坦言若轉唱暗黑系歌曲都不成功，想過從此退出。
跟同公司的軒仔互相祝賀。
泳兒（Vincy）、黃明德（Dark）、黎展峯（Andy）及洪助昇（Aiden）日前出席於海洋公園水上樂園「Aqualand」舉行的「New Bomb音樂會」。四人預備了多首歌曲，炒熱氣氛，Andy及Aiden更唱到除衫，將氣氛推上頂點。
Andy、Dark、Vincy及Aiden日前出席於海洋公園水上樂園舉行的「New Bomb音樂會」。
最近經常出席「濕身音樂會」的Vincy當日帶隊三位師弟開唱，Vincy坦言愈來愈喜歡唱戶外live show，「覺得自己開始有少少個人比較『E』咗，入面有好多Energy需要放出嚟，所以今年都做咗兩隻歌係特別tailor made for live show，可以同觀眾多啲互動。」
Vincy坦言愈來愈喜歡唱戶外live show！
事先張揚會以泳衣打底的Vincy當日表示「冇泳衣打底」，「襯唔到呀，不過我黐咗好多膠紙打底，哈哈。因為驚出汗，怕件衫會跣落嚟。」除咗服裝，Vincy在化妝及髮型上都早有準備，「化妝師幫我化咗個防水妝；髮型師就幫我整咗個wet wet look，流汗都唔會好覺眼，流汗都唔會塌呀。」Vincy亦預先收到風Andy跟Aiden會除衫，所以特別預備了兩套衫出擊，「見Andy同Aiden佢哋除衫，咁我冇得除，所以為咗贏取觀眾嘅尖叫聲，我決定換衫，我都唔執輸！哈哈。」
Vincy原本打算以泳衣打底，但因為襯唔到，所以改為狂黐膠紙打底。
而原本穿長袖衫的Andy跟Aiden唱得興起時，都脫去外套，Andy背心上陣，露出結實的手臂，問他是否乘機展示頻頻操肌的成果，他直言「係吖」，「難得氣溫同埋氣氛適合，展現下少少操肌成果，亦都偷偷俾自己唞一下涼。」不過原來他開show前兩個星期前弄傷頸，所以未能將最完美的一面展現，「所以做gym都唔敢做得太重，最理想當然係練到上身夠大同靚比例，特別係練多啲腹肌。」Aiden則以窄身短袖tee示人，話要吊一吊fans胃口，「若隱若現，吊住fans啲胃口先，哈哈。下一次show自己健身的成果。」
Andy和Aiden唱得興起時都脫去外套。
Andy和Aiden唱得興起時都脫去外套。
Andy以背心上陣。
Aiden則以窄身短袖tee示人。
相反，近日減肥成功的Dark則十分密實，以牛仔褸造型出現，「減肥成功係我嘅第一步，之後應該會操吓啲肌肉，因為我之前已經得知Andy會除衫，所以喺佢隔離係有啲蝕，所以我就唔除啦。」
Dark雖然減肥成功，但依然十分密實。
