得獎後回家做直播 Edan嘆媽咪牌水餃慶功又清唱謝爵屎支持

Edan一邊吃着媽咪親手包的水餃；一邊跟網民傾偈。

MIRROR成員呂爵安（Edan）昨晚（1日）在商台頒獎禮中獲得「叱咤樂壇生力軍男歌手」銀獎，回家後他未有即時休息，反而是在IG做直播繼續分享得獎感言，與「爵屎」們分享心情。雖然已是今早凌晨約1時半多，但仍有約近3萬人收看，人氣果然爆燈。

在昨晚頒獎禮上，Edan得男生力軍銀獎。

Edan一邊吃着媽咪親手包的水餃；一邊跟網民傾偈，他首先多謝身邊每一位支持自己的人，特別是填詞人黃偉文（Wyman），為他度身定做的《E先生連環不幸事件》及《小諧星》等皆大受歡迎。

回家後未有休息，反而做直播跟網友傾偈。

Edan做直播時，大啖大啖食着媽咪整的水餃。

提及昨晚頒獎禮準備宣佈「我最喜愛的男歌手」時，主持林海峰突然恭喜好兄弟盧瀚霆（Anson Lo），Anson Lo頓時以為自己得獎；被嚇得瞪大雙眼更一度企起身準備上台，坐在旁邊的Edan戥好兄弟高興，不停祝賀他及叫他上台，但豈料原來是假，林海峰竟然是整蠱Anson Lo搞氣氛，Edan坦言：「我哋都知道fans好錫我哋，好希望我哋攞獎，但係有啲時候我哋自己覺得可能時候未到，希望再等自己叻啲成熟啲嘅時候攞獎會更加實至名歸、更有說服力。」Edan相信不用急於得勝，在正確的時候正確的事情便會發生，最後Edan更即席清唱幾首歌曲，答謝一班「爵屎」支持。

Anson Lo被林海峰整蠱，一度以為自己得獎想上台。

Edan也信以為真，在旁為AnsonLo加油。

怎料原來是虛驚一場。

陳慧嫻暌違9年再踏紅館！

歌手陳慧嫻（Priscilla）今日（11月12日）舉行記者會，宣布將於明年1月21日至22日﹑24日至25日，假紅館舉行合共4場《The Fabulous 40 Priscilla LIVE IN HONG KONG 陳慧嫻演唱會》，慶祝入行40周年。

陳慧嫻將於明年1月在紅館舉行合共4場演唱會。（本網記者攝）

《The Fabulous 40 Priscilla LIVE IN HONG KONG 陳慧嫻演唱會》海報

今次演唱會以「花」作為主題，花由萌芽到盛放，展現她在不同階段歌唱事業上的轉變，當中有高有低。慧嫻表示：「今次我無咩壓力，因為當係新嘅演唱會去做，40週年只係一個名目，當然係慶祝，但唔會由1983年出道講起，唔想係懷舊同懷緬嘅感覺，想做modern啲嘅嘢。」

慧嫻透露簽約英皇時，已有計劃開演唱會。（本網記者攝）

相隔9年再踏紅館，慧嫻透露今次會是四面台的舞台設計，希望能與觀眾拉近距離，她還率先預告當中一段Dance Medley會加入戲劇元素，在台上與舞者做戲。而完成今天記者會後，她便會閉關養聲同Keep Fit：「我依家120多磅，希望瘦多20磅。（有性感造型？）今次會有七個造型，都係以花做主題，但我係唔會着性感衫，因為我冇咁樣嘅身材，不過我都有『奀皮』嘅一面，Dance Medley可能會『奀皮』啲。」

希望與多些年輕一輩合作。（本網記者攝）

慧嫻大讚Jeffrey好靚仔。

又欣賞Edan夠努力。

問到演唱會嘉賓，慧嫻表示希望與多些年輕一輩合作，包括張敬軒﹑Twins同AGA（江海迦）：「我同軒仔未合作過，但佢成日話細嗰聽我啲歌，佢最近喺澳門開演唱會，聽聞好畀面場場都介紹我。」她又笑言希望請「小鮮肉」自肥，最鍾意靚仔「小鮮肉」魏浚笙（Jeffrey）：「喺電視第一次見到佢，覺得佢真係好靚仔！（佢知唔知你鍾意佢？）佢梗係唔知啦，我又唔會話俾佢知，我唔識佢，睇吓之後會唔會見到佢真人。另外Edan（呂爵安）我都幾鍾意，欣賞佢夠努力、識講嘢，又搞笑！」

慧嫻早前推出新歌《給親愛的親愛》。