姜濤喊住衝入DJ房 豪言要香港做「亞洲第一」全因湯令山

湯令山是目前炙手可熱新晉音樂人。

姜濤經常在社交網撰寫長文分享感受，姜濤回顧2021年仍是感觸良多。他昨日上載叱咤頒獎禮兩大獎座，寫著：「2021對我而言，既漫長又短暫，漫長是因為經歷了很多悲歡離合；而短暫則是自己還未來得切逐一改善自身好多缺點以及有很多要做的事還未有時間好好完成。但無論如何，我非常感恩，感謝支持和陪伴我走過這一年的每一位，包括所有台前幕後工作人員、合作單位、mirror兄弟和姜🍬們。感謝金魯花給予我充分的創作空間去實現我天馬行空的想法、去做自己喜歡的音樂，感謝你們信任，我會爭氣。」

Gareth.T 亦有上載姜濤一邊聽demo一邊食嘢嘅可愛片段。

姜濤多謝好多人，其中一位係Gareth.T。

在頒獎禮台上，姜濤豪言要香港歌手及歌曲，成為「亞洲第一」，場面感動。他亦有特別多謝一個人：「都想特別多謝今年我最喜愛新世代音樂人及合作夥伴Gareth @gareth_tong（湯令山），令我在頒獎禮上『口出狂言』的其中一個原因是見到你，好欣賞你的才華，希望可以繼續合作，發掘廣東歌更多可能性。我會努力，希望有一日可以做到對得住『歌手』這個身份和獲得的所有榮譽。」Gareth. T亦有回覆：「使唔使咁呀🥺🥺今年一齊加油🤝let goooooooo」。

Gareth.T被姜濤讚有才華，「口出狂言」其中一個原因都係因為見到佢。

姜濤嘅《鏡中鏡》，就係由Gareth.T負責作曲。

謝茜嘉爆姜濤唱完歌衝入女DJ房

另外，姜濤當晚憑《Dear My Friend,》奪得「叱咤樂壇我最喜愛的歌曲」，唱歌時因懷念故友而泣不成聲。謝茜嘉、梁文禮昨日在電台節目《叱咤樂壇》大爆姜濤唱完歌衝入後台女DJ換衫的房間，謝茜嘉說：「有同事話返俾我哋聽，姜濤一落台就衝咗入去我哋嘅DJ房，我哋嘅DJ房係最近台，佢衝入去第一間房就係我哋女DJ換衫嘅房，當時Vani喺度，Vani話『你知唔知頭先姜濤衝入嚟，佢直入廁所閂埋道門』。佢的確需要處理情緒。」謝茜嘉指經理人花姐也在場，在門外跟姜濤說了一番說話，她說：「呢番說話唔應該on air講，跟住佢就靚靚仔仔出返嚟！」

姜濤唱完歌即衝入後台女DJ房，整理情緒。

憶起亡友爆喊。

姜濤被爆喊住衝入女DJ房 豪言做「亞洲第一」受一個人影響

踏入2025年，姜濤瞬即推出全新派台作品《白果》，道出他對於獎項的心聲，MV更找來900位姜糖拍攝，造就一場別具意義的頒獎禮。

姜濤推出2025年全新派台作品《白果》。

出道至今已6年，《白果》是姜濤對於獎項、頒獎禮的睇法和感悟，他以自己作為例子解釋道：「以我為例，我上年出咗3首歌，fans會話我出唔夠歌，會唔會攞唔到獎，於是我就思考係咪要出多啲歌，符合fans對我嘅期待呢？但上年出歌嘅頻率係我感到舒適嘅節奏。」

《白果》是姜濤對於獎項、頒獎禮的睇法和感悟。

對於獎項，姜濤覺得只屬於鼓勵性質，他表示：「攞到獎故然好，但攞唔到獎都唔代表我做嘅每一首歌係白費。無論攞獎與否，自己點樣評價自己先係最重要，呢個係《白果》想表達嘅訊息。」

姜濤覺得獎項只屬於鼓勵性質。

其實獎項、頒獎禮無處不在，《白果》唱出的亦是眾生相。姜濤續道：「每個行業都會有各種獎項或者唔同嘅頒獎典禮，例如運動員都會緊張自己會唔會攞到冠軍，學生會唔會攞到優異獎，但係咪代表冇獎嘅人就係nothing？我覺得唔係，無論成績如何，我都希望自己可以做到以坦然嘅心情去面對任何結果，同時亦希望每個人都可以做到，因為我覺得人生唔係得一個獎項，人生仲有好多唔同嘅嘢。」

觀看相關影片按連結：https://youtu.be/N2pHRj07BlM

既然說到獎項、頒獎禮，今次《白果》MV的場景設置成一個頒獎典禮，更動員了900位姜糖參與拍攝，其中一些姜糖更戴上面具，原來是有特別原因。姜濤道：「我每次坐喺頒獎典禮場地裡面，我都唔係放鬆，我相信每個歌手坐喺台下嘅時候，應該多少都會有緊張，因為每個人都希望自己嘅努力會被肯定，係好正常嘅一件事，但除咗台上嘅獎項，係咪仲有其他嘢我哋可以攞到呢？MV裡面係一個好抽象嘅頒獎典禮，每個戴住面具嘅fans，係代表各行各業嘅人，我哋去每個頒獎典禮嘅時候，會用面具遮住自己緊張嘅心情。希望大家都可以放低面具去enjoy每一個頒獎典禮，真係enjoy the show，而今次有900位fans成為台下觀眾，好多謝咁多位嘅參與。」

《白果》MV的場景是一個頒獎典禮。

並動員了900位姜糖參與拍攝。

來到2025年，姜濤將會重新出發，姜濤坦言：「我始終係好鍾意唱歌、做歌手，2025年我會做好多一系列，大家期待咗好耐嘅、唔同嘅歌曲俾大家。」大家敬請拭目以待。

姜濤表示2025年將會重新出發。

預告會做好多一系列的歌曲。