尚有大概一個月便是情人節，又是每對情侶「放閃」的時節。不過有港女指，男友竟預告當日將與同事舉行單身派對，暗示無暇與她慶祝；她要求男友推卻同事，不料對方竟一口拒絕，更表明「想同班同事玩」，令她大感不滿！
設計圖片
該名港女在網上討論區「Dcard」發文，指日前與男友提起下月情人節如何慶祝，對方竟指「嗰日公司成班同事要開party呀」，追問之下對方才表示是「單身P（Party）」。她不禁生氣爆粗質問「黐X線，有女朋友去乜嘢單身P？」，要求男友推卻同事，不料對方不認為出席派對有問題，更一口拒絕，「想同班同事玩」。
設計圖片
帖文引起網民熱議，不少人都認為樓主與男友的關係不太樂觀，「擺明佢就係想自己可以以單身名義喺公司繼續玩，未玩夠唔好出嚟害人，渣男確認」、「佢都講得咁清楚，話畀公司啲人知佢係單身，又同你講2月14唔同你一齊，其實都係想你主動講分手」。亦有人質疑樓主男友出席派對的動機不單純，建議盡早分手，「分手啦，佢都冇尊重過你，放過自己啦」、「成全佢，分咗手佢咪可以去單身party」。
資料來源：「Dcard」
設計圖片
港女的男友預告情人節當日將與同事舉行單身派對，暗示無暇與她慶祝，令她大感不滿。unsplash圖片（示意圖）
乘搭巴士時如太大聲傾電話或談話，都會對其它乘客甚至司機遭成滋擾。有港女在社交平台發文指有兩名大叔乘搭九巴時，疑太大聲傾談騷擾到正在開車的司機，最後司機忍無可忍要出聲制止！
資料圖片
司機忍唔住出聲喝止
港女在Threads發文，指日前乘搭九巴270B回家，坐在巴士的上層，而樓下則有兩名年約40至50歲的大叔再傾計，但聲浪卻非常大，當巴士駛至尖山隧道時，司機終於忍無可忍，大聲喝止二人「叫佢哋收聲唔好影響司機揸車」，兩名大叔聽到，隨即收聲，港女表示「然後架車真係安靜咗」。
示意圖。《愛回家》劇照
大叔不忿落車時話返個司機轉頭
不過兩位大叔似是心有不忿，下車時趁機「話返個司機轉頭」，表示「係咪傾偈都唔畀呀？」、「講句嘢都唔得呀？」、「我邊有阻住你啊！」。司機見狀只是冷靜地說，根據巴士條例，乘客禁止騷擾司機。
示意圖。《愛回家》劇照
司機冷靜出絕招大叔無嘢講
但大叔並沒有停止，繼續責罵司機，司機最後惟使出「絕招」，報警處理「司機話咁報警囉，然後就熄匙打電話報警。」最後大叔在友人的勸告下，惟有面懵懵下車。
示意圖。《愛回家》劇照
網友揶揄：面係人哋畀，架係自己丟
而大叔仍心有不甘，即使下了車仍要對着門大叫「叫警察嚟搵我囉X頭！」司機沒有理會，開車走人。最終兩名大叔轉乘火車返內地，樓主笑言「唉，真係睇到都覺得尷尬，啲人化少少好唔好。咁大個人都唔化咁面懵嘅，丟架！」。
網民留言揶揄「勁X」、「面係人哋畀，架係自己丟」、「大癲」、「佢應該冇諗個司機真係會報」。
