兩人甚有默契。
由肥媽Maria Cordero和陸浩明（6號）主持的全新綜藝節目《煮．野食》將於2月7日（下周一）首播，節目共有15集，逢星期一至三晚十點半翡翠台播映。除了有肥媽和陸浩明做主持外，部分集數更會邀請嘉賓「助陣」，分別是謝嘉怡、徐文浩、黑妹及鞏姿希，四人更會在節目中一展所長，期待指數爆燈。肥媽與6號兩「母子」合作多年、默契十足，《美國樂怡善無痛關節360特約：煮．野食》更是他們第十三度合作的飲食節目。有別以往，今次玩玩新意思，肥媽與6號走出街市和錄影廠，除了會去到魚塘、農莊等地方拍攝外，更會秘探香港平時很少人會去的地方，包括鴨洲、落馬洲、汀角東海岸等，大玩「人在野」就地取材煮「好西」！
6號同肥媽玩人在野！
今次節目的構思，原來靈感來自6號，他受訪時透露：「呢個節目我構思咗好耐，源於有人問過我一個問題『如果你流落荒島，會選擇同邊個人一齊？』，我諗都唔使諗，一定係肥媽。」之後他將構思Sell給總經理曾志偉，對方大表支持，最後促成節目的誕生。
黑妹（左）同埋鞏姿希（右）都係嘉賓之一。
肥媽以往《食平D》系列均是在室內或街市拍攝，所以郊外煮食對她來說可算是一大挑戰，6號續指：「好多時都冇完善嘅煮食工具，可能要自己砌磚。肥媽真係勁，好似喺魚塘捉咗啲魚，佢可以即刻煮到一味餸出嚟；又試過個農莊淨係得仙人掌，肥媽又煮到嘢食㗎喎，今次可以話每集都有好多驚喜！」節目「取材」的重任落在6號身上，肥媽則主要負責落手煮餸。早前肥媽曾爆料指6號去睡蓮塘採蓮梗時差點遇溺；雖然6號今次拍攝過程真的蠻辛苦，但他笑指為了節目效果絕對值得：「我哋去咗好多香港好少人去嘅地方，原來香港有啲咁靚嘅地方，好似第一集去咗鴨洲，嗰度嘅海岸線靚到不得了！」
佢哋仲會去香港平時好少人去嘅地方度取景，而且仲好靚添。
6號又大讚肥媽有野外求生之才，他說：「佢實在太犀利喇，佢又識種菜又識捉魚，我懷疑佢連搭棚起屋都識，拍咗呢個節目之後肥媽仲多咗個綽號叫『野外之母』！」他又笑言曾幻想跟肥媽流落荒島：「我諗我哋唔會死，我仲會愈嚟愈肥添。」
肥媽與6號今次已是第十三度合作飲食節目，自然默契十足啦。
陳芷盈奪97分最高分數 劉曉昆成唯一9字頭「下弦」
《香港何濟公止痛退熱散呈獻：中年好聲音3》逢周日晚上8點翡翠台播映，由車婉婉擔任主持，評審團除了固定班底肥媽、張佳添、周國豐外，還有音樂女神海兒和陳曉東擔任嘉賓評審。昨晚（16日）播出的一集，是16強晉身14強一對一PK賽上半場競賽，本集共有4位參賽者奪得9字頭亮麗分數，分別是「上弦」97分的陳芷盈《心有獨鍾》、96分的李金凱《當愛已成往事》、93分的黃博《華麗緣》，而唯一「下弦」則是跳唱《獨一無二／獨家試唱》獲得90分的劉曉昆，惟PK對手是李金凱，最終暫跌入「中年危機區」。
李金凱PK劉曉昆呢個對戰組合超激烈！
李金凱PK劉曉昆呢個對戰組合超激烈！
有「中3天使」之稱的生命鬥士李金凱，本輪獻唱《當愛已成往事》再次搞喊評審們的「水煲」，海兒和肥媽被金凱動人聲線感動得落淚，海兒拭淚後說：「成日都搞到我喊，搞到我妝化咗！每次聽佢唱歌好受觸動，佢嗰種自由係由心而發。」肥媽笑謂：「乞人憎！本來諗住紙巾唔使點用，成日話我同婉婉水煲好易著，依家側邊都著，證明你唱歌感動自己、感動到人。」東東坦言深受感動：「你唱歌種方式好真摰，係直出，享受緊、訴說緊人生經歷，我非常喜歡。」連自認冷血的周國豐都一度聽到要「咬唇」：「好喜歡一開始由嘆氣到唱第一句，連我呢啲咁冷血嘅人，我要忍住、我要咬唇！因為呢首歌本身係每一句歌詞都針拮咁樣，針拮得嚟最後又領略到人生個感悟，你唱得好好。」
李金凱獻唱《當愛已成往事》獲得96分。
再次搞喊海兒同肥媽個「水煲」！
再次搞喊海兒同肥媽個「水煲」！
周國豐自認冷血都被金凱動人聲線感動。
東東批黃博Chorus唱得惡
緊接獲得第三高分，是黃博獻唱葉蒨文（莎莉）歌曲《華麗緣》奪得93分成績，一如既往輕鬆揮低「下弦」對手陸成東85分的《留言》。黃博透露從小已很喜歡莎莉姐姐，被對方獨特聲線及大器台風吸引著：「佢聲線range好闊，處理每一個音，柔嘅地方好柔，有力地方好有力量，所以啟發到自己好多。」封黃博為「女大魔王」的周國豐，對於本回合黃博的演出，坦言並非他喜歡的版本：「我覺得呢首歌唔係好啱你唱，好少會見到黃博唱歌有少少辛苦。」張佳添亦認為黃博揀錯歌：「莎莉曲目有好多更好嘅選擇，以比賽歌未必最理想嘅選擇，暫時呢首歌未去到人歌合一，但技術上你梗係冇得頂。」至於東東評語則有讚有彈，他表示：「好鍾意黃博唱歌嘅從容，ad lip用力位轉輕聲，可以手到拿來變聲。但反而今日，chorus略嫌重得滯，我期待更加swing住去，有幾吓chorus有少少惡，但都係好高分，太犀利！」
黃博獻唱《華麗緣》奪得93分成績。
張佳添批黃博揀錯歌，未達到「人歌合一」境界。
周國豐指黃博今次演出「有少少辛苦」。
陳曉東就覺得黃博唱到Chorus時有啲惡。
另再度與陳芷盈PK的「下弦」曹越，本回合獻唱《想你的365天》獲得86分，期間甩轆忘了拿咪唱歌，對此海兒直指曹越肢體語言太多：「你唱歌好有power，但body language就會有啲too much power。」說畢更自揭曾經試過同樣經歷，海兒說：「我自己試過呢個狀況，經驗係好care嗰刻個樣、body movement做緊咩，如果純粹係（動作）設計，好易distract到。」
黃博PK陸東成。
黃博PK陸東成。
海兒自揭同曹越一樣，試過唔記得拎起支咪唱歌！
海兒自揭同曹越一樣，試過唔記得拎起支咪唱歌！
