做寵物主人並不簡單！網上流傳一段影片，一名女子與兩名女童在寵物公園草地上放兔，引來數隻犬隻瘋狂追逐，情況非常驚險。魔術師兼網絡紅人何穎璇（Miss Hunny）昨日轉載影片，同時身為狗主及兔主的她，提醒網民要好好看管自己的寵物。
影片截圖
從相關影片可見，當時寵物公園內約4隻大型犬及一隻小型犬，兔子在草地上奔跑期間疑吸引多頭犬隻注意，其中兩隻中型犬隻奔向兔子身後，企圖咬噬。女童曾張開雙手「大字型」阻擋犬隻追趕兔子但無果。
影片截圖
影片中，女主人及兩名女童拿著裝兔子的袋在牠背後跟著跑，欲將兔子捉回寵物袋，同場其他寵物主人亦協助捉回兔子。最終兔子疑因奔跑氣促，狀甚驚慌發出聲音，幸狗隻快將擒獲之際，女主人順利把兔子捉回寵物袋裡。
Miss Hunny轉載影片時表示，放兔時應為兔子上「兔仔繩」，以及確保放兔地方沒有犬隻。她提到，兔子在大自然世界中為被捕獵的動物，犬隻為肉食性動物，有些犬隻零食甚至含有兔肉，當犬隻嗅到兔肉味，其獵食本能便會發揮。
女童曾張開雙手「大字型」阻擋犬隻追趕兔子。FB影片截圖
她指，自己有同時飼養兔子及犬隻，與牠們相處分別10年及7年。她指犬隻及兔子可以和平相處，但前提「絕對唔係人哋隻狗同自己隻兔」，因為永遠不知道別人的犬隻是否每日以兔肉為主食。她強調，轉載影片並非想公審兔子主人，希望藉影片提醒各寵物主人放寵物時注意安全、保持警惕，避免不幸事件發生。
影片在網上瘋傳，有網民表示「兔仔好易會嚇死，見過兩次」，亦有網民提醒，「其實公園好多草噴咗滅蟲，唔合適兔仔去。如果係野餐草地，都建議兔仔放風帶一個圍欄或摺疊波波池，見到有其他動物就可以收埋走人，始於控制唔到其他動物，起碼保護自己隻動物先。隻兔咁跑法⋯⋯加上嚇都嚇死」。
有兔主在寵物公園草地上放兔，引來數隻犬隻瘋狂追逐。FB影片截圖
日前有港男搭的士遺留一對「波砵」，由於他當時以PayMe形式支付，故的士司機循該途經找到他，更親自送回對波鞋給樓主，令他非常感動，更在社交平台發文表揚！
資料圖片
司機循Payme轉帳1元聯絡樓主
港男在thereads發文，並一開始已寫到「呢個的士司機一定要開名讚佢」，他指日前搭的士時，漏了一對波砵在車上，由於當時他沒有現金，於是用Payme付車費。於是的士司機循該途經找他，並轉帳1元給樓主，備註「我係星群的士司機，今早你們遺留了一對鞋在車，收到Message麻煩聯 XXXXXXX，謝謝」。
表示願送回波鞋及「唔收錢」
樓主之後聯絡司機，並告之自己將會在黃竹坑踢波，司機表示接更後，會由荃灣趕至黃竹坑交還波砵，還稱「會快啲」因擔心樓主沒波鞋踢波。樓主隨即問對方收費幾多，因他指對波鞋只是400多元，如收費太貴，他就打算不要對波鞋，怎知司機回覆「唔收錢」！
《降魔的》劇照
樓主大為感動貼出司機電話
當樓主拿返波鞋時，想給回荃灣到黃竹坑的車資200元，但司機卻「急急腳話唔洗 走咗去」樓主感到難以置信，他搞笑的問到 「係咪Halloween Cosplay的士佬咋？」，更稱「嚟緊一個月，我唔會講任何的士司機壞話 以表尊重」
而為了答謝該名司機，樓主在文尾貼出了司機的電話號碼，並寫到「Call的士 搵佢！」
網友大讚司機：大家記得要Call佢
帖文隨即引來很多網民大讚，「呢啲好嘅的士佬真心要讚」、「佢仲要花一蚊特登聯絡你」、「可以再PayMe返佢200」、「可能係波友」、「真係好好嘅司機！大家記得要Call佢」。亦有網民分享遇到好司機的經歷：「試過跌手機喺的士，打咗幾十通電話，個司機話係個客聽到電話響，喺條隙到執到，佢空車凌晨送返俾我仲唔收錢，當時身上得一嚿水，夾硬塞畀佢」、「有朋友漏咗部全新未拆盒連袋iPhone，入屋前先發現，落樓見的士冚旗喺度，司機話會等佢15分鐘，一蚊都無收佢」
示意圖
網友們分享被索錢經歷
但亦有網民就要不好的經歷，試過遺留物品車上被最後被司機索錢「我試過漏電話喺Uber，司機話過來俾返我，收我500」、「漏左部電腦喺的士，好彩有的士單，報警之後警察直接用車牌搵到司機電話，Call咗勁多次之後終於接咗，都表示肯交還。我拎咗佢電話單獨聯絡交收嗰陣，佢要求喺佢收工之後去佢屋企嗰頭拎，而且直接開口要錢，最後俾咗700」。
