張敬軒跟鄧麗欣牽手合唱兼話當年 紅館騷第13場邀COLLAR做壓軸嘉賓

張敬軒《THE NEXT 20 演唱會》昨夜（26日）迎來第13場，今次軒公請來鄧麗欣（Stephy）及人氣女團Collar擔任嘉賓。軒公與老友Stephy同台，免不了緬懷過去兩人合作《十分愛》的日子。軒公更發揮幽默本色，再坐上樂壇關愛座，成為台下觀眾，把舞台讓給新人COLLAR表演。

張敬軒26號舉行第13場《The Next 20》 紅館騷，邀請好友鄧麗欣（Stephy）做嘉賓。

今場嘉賓仲有人氣女團COLLAR！

軒公昨晚在演唱會台上感嘆，人生中有一項工作他甚少涉獵到，那就是拍電影。他曾經拍過一部電影，但上映後多年來，自己一次也不夠膽翻看，嫌自己當年的樣子又乾又瘦似「冇運行」。不過，正正是這部電影讓他和Stephy結緣，好友相聚除了話當年，更甜蜜蜜手拖手合唱《十分愛》。

不過，早前張敬軒受手機品牌邀請出任導演，拍攝手機電影《前夫的愛》。

軒仔體驗做導演，覺得十分過癮。

片中仲一人分飾12角扮MIRROR！

台上軒公、Stephy兩人重談過去拍電影的往事。軒公憶迹當年拍戲的搞笑一幕，問Stephy：「你記唔記得其中有一幕，講我想溝你，你坐係個鋼琴隔離，呆左咁望住我，但係我睇唔到你有愛的眼神。」Stephy都對那幕很有印象：「係呀，我記得拍個晚係凌晨四點幾，我訓著左，導演叫我埋位啦，我就懞懞惺惺出來拍呢場戲，我好記得望住個咁靚仔，咁有才華嘅人嘅背影，但我個樣就好呆滯咁....」

軒公、Stephy手拖手甜蜜合唱《十分愛》。

豈料軒公口快快串爆取笑好友:「唔係⋯⋯你當時望慣左另一個靚仔嘛。」逗得觀眾大笑起哄拍掌，Stephy就尷尷尬尬不知如何回應，軒公唯有補鑊，「哎，我真係亂講o野.....哈哈。」回過神來的Stephy搖著頭接話：「其實我覺得個劇情都唔係咁好啦，你一個咁有才華靚仔，我係戲裡面點解唔係揀你，揀左阿力架呢？劇情唔係好得。」這一刻軒公忍不住爆出金句，很有信心地跟Stephy說：「戲外十幾年後，你揀番我咪得囉！」再次逗得觀眾歡呼拍掌。

為了慶賀好友開騷，Stephy最後亦準備了一個大利是送給軒公，裡面放著兩張她的新作 《飯氣攻心》的換票証。

當年由方力申同鄧麗欣呢對金童玉女主演嘅《十分愛》，張敬軒都有份參演。

來到安歌環節，軒公請來女團COLLAR作為壓軸登場的嘉賓！軒公親自解畫邀請8位靚女新人到紅館騷的原因：「近年樂壇風氣唔同左，歌手不是再一定由唱片公司推介，係由觀眾選出心中super star ，我好鐘意睇比賽節目，過程當中睇住這些小朋友過五關斬六將踏上更高舞台，以下呢班小妹妹，我係一次工作當中見到佢地，所以好希望今晚借觀眾雙手，比佢地感受一下紅館呢個聖殿。」

COLLAR送嘅禮物好特別！

Collar升台後，8女逐一作自我介紹，觀眾熱烈歡迎。軒公說見到她們在演藝路上進步，十分感動，希望她們星途燦爛外，更放心交出舞台讓Collar騷Quali！後輩Collar相當識做，都有送上一份很有創意的禮物給軒公。她們以一籃醬汁寓意軒公「愈食愈好，作品愈來愈高汁」。軒公回應：「你地真係有老人家心。各位睇下，依家d 後生，送禮好似去老人院探病咁，我呢位院友多謝咁多位義工....哈哈... 叔叔降番落去先，轉頭帶你地去睇金魚.....」一班女即圍住軒公睇佢降台並講拜拜，軒公又忍唔住口：「嘩，呢個角度(低炒)望你地，真係大吉利是....」十分鬼馬！之後，Collar又跳又唱表演她們的首本名曲《Call  my name 》。

呢個角度離住8位靚女真係不得了⋯⋯

COLLAR落力表演首本名曲《CALL MY NAME》。

另外，昨晚軒公於天梯上唱到《On my way 》時，發生了一件小意外。由於音響接收出現問題，軒公表演時被音樂中斷了停秘，但他仍臨危不亂地唱完整首歌，果然是專業歌手！事後軒公表示：「表演似人生咁，往往都有意外，好多時生活上遇到困難時侯，無論生活當中出現什麼突然其來變化都好，我都要身處行業成日講個句: The Show Must Go On，thank you 。」

軒公為個唱上嘅小插曲向觀眾致歉

追求完美嘅軒公PO完IG後，發現有錯字都唔怕認！

一直要求帶給觀眾最完美、最優質的表演的軒公，似是完騷後心中仍放不下這次的瑕疵，於IG有感而發: 「今晚係23場以o黎最多設備、技術及人為固障的一晚，我代表我個人以及製作團隊向今晚入場支持o既觀眾致歉！作為一個專業表演者及製作團隊，我o地有義務要每晚都為觀眾帶來相當水準、負責任o既演出。」並寄語製作團隊保持謙卑、好學、能接受意見並且時刻自我反省，切勿自信和驕傲。

Stephy約定大家紅館見！

鄧麗欣（Stephy）今日（10月15日）快樂生辰，前日Fans Club特別為她籌辦生日會，與逾百fans切蛋糕、唱生日歌、玩遊戲、分享追星點滴，非常熱鬧。Stephy更率先宣布明年三月紅館舉行首次個人演唱會作為「回禮」，她與fans齊齊感動落淚。

Stephy獲Fans Club特別為她籌辦生日會。

Stephy台上說：「我有一份禮物送俾大家，但呢份禮物今日攞唔到住，幾時攞呢？我約定你哋，明年三月⋯⋯」此時她眼泛淚光，有fans似乎猜到報以歡呼聲，她掩嘴點頭示意猜對了，全場掌聲。冷靜幾秒後，她續說：「明年三月紅館見！」台下fans立即興奮歡呼，有不少感動抹眼淚。Stephy說：「我嘅生日願望真係好簡單，希望大家以最開心、最健康嘅身體嚟睇我嘅演唱會，嗌大聲啲！」全場尖叫。

Stephy宣布將於明年三月紅館舉行首次個人演唱會。

與fans齊灑淚。

Stephy指她的生日願望好簡單，希望大家以最開心、最健康的身體去看她演唱會。

之後Stephy接受訪問笑言以為會忍得住眼淚，結果還是失守，「其實咁多年無論任何嘅歌迷聚會我都會喊，今年以為自己勁咗，點知都係忍唔住。我覺得好感動，尤其是望住咁多位好熟悉嘅面孔，支持咗我咁多年，我覺得呢一個回饋對於佢哋、對於我自己都係好重要。希望大家得到呢份禮物覺得開心，希望所有fans都買到飛入場，真係好開心，約定大家紅館見。」台下有fans跟住喊，Stephy說：「佢哋可能都諗『終於等到呢一日啦』，見到佢哋開心和感動，對我嚟講真係好重要，令我更加努力去做好呢個演唱會，唔好令佢哋失望。」

Stephy希望所有fans都買到飛入場。

Stephy 19歲出道，不少fans都支持她接近十幾年，其實她在生日會fans分享環節，聽到他們的追星故事和見到他們的珍藏品已經好感動，不時見她眼紅紅強忍眼淚。她說：「佢哋好多人都支持咗我十幾年，而我好細個入行，佔咗我人生超過一半時間，全部都同大家一齊渡過。呢啲經歷得來不易，好值得珍惜。」有fans表示因Stephy而找到自己的人生目標、事業、愛情，甚至改善與家人關係。

Stephy感謝fan接近十幾年的支持。

Stephy 表示：「相隔咗幾年冇辦生日會，再慶祝好開心，今日好多人嚟咗，有跟咗我好多年嘅歌迷，亦都有新臉孔，非常多謝大家參與。個蛋糕好靚，好有心思。咁多年來收咗好多fans嘅禮物，我送返俾佢哋嘅禮物，除咗係我嘅努力和進步，都諗唔到送乜嘢更加好，所以就趁一個咁好嘅時機同大家宣佈，我相信對佢哋嚟講係最好嘅禮物，就係我明年紅館演唱會。」

Fans為Stephy特別訂製的生日蛋糕。

上面有Stephy的照片。

Stephy都好鍾意。

Stephy收到很多fans手造的生日禮物，特別開心，「禮物不在乎價錢，最緊要係佢哋嘅心意，所以好多年之前佢哋已經開始會親手整禮物俾我。今年Fans Club忡特別整咗一部扭卡機，所有扭卡得到嘅錢都捐去慈善機構。呢份禮物對我嚟講係最好，見大家排晒長龍，多謝大家落力參與。」Stephy更放入幾十張親筆簽名隱藏版給fans驚喜。

Stephy放入幾十張親筆簽名隱藏版給fans驚喜。

大合照

大合照