只要兩個人是真心相愛，年齡並不是阻礙。有20歲的港女在網上發文，指男友比自己年長15年，並分享與「大叔」拍拖的感受。她認為與「大叔」拍拖的壓力大，但指對方在現實層面可帶來很大幫助。
樓主指，自己今年20歲，而男友則為35歲，雙方相差15年。《雛妓》劇照
該名港女日前在Dcard討論區以「有冇人男朋友大自己好多」為題發文，提到「依家好興大叔，估唔到自己都會成為一份子同咗個大叔一齊。」她指，自己今年20歲，而男友則為35歲，雙方相差15年，並在工作場合相識。她指，與男友拍拖一年，「感受就係，真係冇人係完美，同大叔拍拖壓力真係比較大啲。」她指，「啲大叔好貪心，一方面又鍾意你小妹妹有年輕活力聽聽話話天真單純嘅感覺，另一方面又要你好似成熟女人咁知性體貼明白事理」，認為他們甚為矛盾。
點擊看圖輯
樓主指，自己今年20歲，而男友則為35歲，雙方相差15年。《雛妓》劇照
有人指出，雙方年齡相差大的問題。網頁截圖
有人則祝福他們幸福。網頁截圖
有人認為，樓主要分清楚「真係鍾意佢，定純粹你鍾意佢識照顧你/佢嘅成熟」。網頁截圖
另有同樣與「大叔」拍拖的網民分享感受。網頁截圖
有20歲的港女分享與「大叔」拍拖的感受。《雛妓》劇照
有人指出，雙方年齡相差大的問題。網頁截圖
有人則祝福他們幸福。網頁截圖
她又指，與「大叔」拍拖比較孤獨，「佢唔會好似後生仔咁成日同你痴埋一齊」，大部分時間亦是忙於工作，而且希望女朋友可以照顧自己。她亦提到，自己開始與「大叔」拍拖後成熟了不少，但是壓力亦甚大，不可以任性，「大叔唔鍾意你太煩，鐘意你聽話獨立」。她又指，雖然「大叔」無法有太多時間可以陪伴自己，但在現實層面可帶來很大幫助，亦可教授人生道理及日常生活的人際問題，並可幫助解決到經濟問題，而且可以照顧女朋友。樓主續指，「不過大叔對女友要求高，壓力大係真，要同大叔拍拖都真係唔係咁容易」。她隨後又補充指，「我依家享受得大叔嘅成熟，就要預咗佢唔會陪我好耐。不過我覺得每一段感情都有考驗，同齡人會有幼稚嘅問題，大叔個身體問題就係我地嘅考驗。但係佢真係對我好好，雖然年齡差距唔會一齊得耐，但都叫做幸福過。」
相關帖文隨即引起熱議，有人指出「3字頭就大叔，利串:廿尾」、「其實成熟呢樣野只係階段同經歷嘅問題，身邊男仔先20頭，唔成熟好正常，但要知道嘅係，佢哋唔會永遠都唔成熟。相對，大叔已經30幾，成熟係個個年齡應有嘅表現，係一件普通不過嘅事，只係對啲20歲嘅靚妹嚟講，就會覺得好特別。所以，我覺得你要分清楚你係真係鍾意佢，定純粹你鍾意佢識照顧你/佢嘅成熟。」、「我29，最近遇到一個24歲嘅妹妹。5年我已經feel到好大壓力，諗緊追唔追佢好，真係好佩服你哋，要幸福呀」等。
有人認為，樓主要分清楚「真係鍾意佢，定純粹你鍾意佢識照顧你/佢嘅成熟」。網頁截圖
有人則指出，「其實過多幾年，你就會發現有問題。當你25歲，佢已經40，體力、身體會追唔上你；到你30歲，身邊嘅男性朋友開始成熟、有事業，你伴侶已經45歲，你要開始照顧佢健康；我當佢65歲退休，你50歲就要擔起賺錢嘅責任」。
另有同樣與「大叔」拍拖的網民分享感受。網頁截圖
有同樣與「大叔」拍拖的網民則指，「我嗰個都係3字頭，自己21，但佢好痴我。我哋相處都係比較casual，唔會因為佢大我好多，就有架子/成日教我做嘢。佢都好細心，會記得我講過嘅嘢。佢返工都有時間chat，所以都feel到陪嘅感覺」、「我啱啱大學畢業，男朋友大我十年。之前個男朋友同年，依家同完叔叔一齊之後，真係覺得叔叔好好。佢人生經驗豐富，所以各方面都識take care我。而且我本身性格獨立，所以佢陪唔到我或者唔過節我又無乜所謂，我會自己搵嘢做或者搵朋友陪。」
帖文來源：Dcard討論區
有20歲的港女分享與「大叔」拍拖的感受。《雛妓》劇照
