Dee姐劇透《殺手廢J》精彩情節 最開心被ANSONBEAN同陳湛文力爭

Dee姐自肥成功！

Dee姐（陳海寧）和ANSONBEAN（陳毅燊）在ViuTV新劇《殺手廢J》初次合作，兩人在劇中是師徒關係。Dee姐最開心ANSONBEAN及陳湛文為她大打出手，完成現實冇可能發生的夢想；而ANSONBEAN興奮拍打戲兩個鐘，然後OT變8個鐘，仲大讚邊拍邊消水腫愈拍愈靚仔。

Dee姐和ANSONBEAN都覺得拍此劇辛苦得來，相當好玩。

Dee姐和ANSONBEAN講起拍攝過程，都表現得好興奮。

Dee姐自爆因為夠肥所以得到「Chloe」一角，「呢個角色係需要肥，要岩巉啲，我同Anglea（袁澧林）有啲微妙嘅角力，有啲反差好啲，不過我對外講都係Mike（導演）迫我增肥。」ANSONBEAN得悉劇集有動作戲，已恨拍到流晒口水，「知道關殺手事，有得用槍，有好多動作場面，第一時間已經好high，仲知道係Mike導係perfect，佢啲嘢會去到好盡，好癲，我平時都好鍾意迫到自己好盡，好鍾意挑戰玩啲極限運動，好彩cast到。」

劇中ANSONBEAN教Dee姐做殺手，仲教她開槍。

Dee姐較拍劇時瘦了不少，但她唔肯公開磅數。

ANSONBEAN興奮開OT

Dee姐忍唔住主動劇透，「真係歷史性第一次，有兩個男人爭我！但係爭咩我係唔會講，等大家誤會多一陣先，我諗起都覺得好爽，收到劇本最期待無端端有男人為我格鬥嘅戲，因為現實生活真係冇可能發生，所以繼續畀我沉醉吓呢個狀態先。」

Dee姐同陳湛文都有不少對手戲，對方亦為她大打出手。

ANSONBEAN為了Dee姐，跟陳湛文格鬥。

這場戲原來ANSONBEAN都拍得好爽，開心位竟然係有得OT，「本身場動作戲拍兩個鐘，之後拍咗8個鐘，嚴重OT，拍得好開心，呢種OT係唔同，因為好多時OT係等拍，但係等咁耐先拍好驚拍出嚟個狀態會殘，但係拍動作戲一路開槍，一路追住『阿J』（陳湛文飾），一路喺度消緊水腫，咁樣OT係會靚仔啲。」ANSONBEAN仲首次成功挑戰打前空翻，可惜搞到走光，「我本身練係平地打，未試過高嘅位打落去，最衰嗰日開工着咗條紅色底褲，打嗰吓好激，我睇片條紅色底褲突咗出嚟，好似露咗少少底，希望剪得走，哈哈！」

ANSONBEAN承認有偶包，演文戲仍然未夠自然。

ANSONBEAN直言好崇尚英雄主義，跟角色「阿政」好似。

ANSONBEAN還破例為豆粉嘟咀賣萌。

擅長跳唱的ANSONBEAN明天（11月22日）24歲生日，日前豆粉（他的歌迷暱稱）為他在舉辦生日會，相隔三年再辦歌迷聚會，父母和弟弟都來參加，媽咪更徇眾要求吻賀壽星仔，非常溫馨。寵粉的ANSONBEAN特別選唱豆粉專屬歌曲，更破例擺可愛甫士合照。

ANSONBEAN相隔三年再辦歌迷聚會。

父母和弟弟都來參加。

媽咪更徇眾要求吻賀壽星仔。

ANSONBEAN選唱了早前寰亞School Tour表演的《RISE》，他表示因為豆粉未能到場欣賞，生日會特別重演，尤其拋咪高峰動作，全場尖叫！之後演唱《GET WILD》和《ONE DANCE》，而壓軸表演《you made my day》，他表示這首歌是特別為豆粉創作，跟他的其他作品風格很大分別，所以不會公開表演，是豆粉專屬。

ANSONBEAN選唱了早前寰亞School Tour表演的《RISE》。

又演唱《GET WILD》和《ONE DANCE》。

壓軸表演特別為豆粉創作的《you made my day》。

寵粉的ANSONBEAN不只是有豆粉專屬歌曲，還有驚喜。玩遊戲時，歌迷分組跳舞比賽，勝出組可與他合照，而且是由豆粉決定他擺甫士，性格內斂的他，竟然為了豆粉破例擺貓耳朵和嘟嘴撒嬌甫士，氹得全場尖叫拍掌。大合唱生日歌、許願和收禮物後，ANSONBEAN對豆粉深情對話，表示雖然不活躍於社交平台，感謝豆粉仍不離不棄，他很感動，並承諾繼續努力，希望得到更多認同，不辜負豆粉的愛戴。

與豆粉大玩遊戲。

寵粉的ANSONBEAN為豆粉破例擺貓耳朵和嘟嘴撒嬌甫士。

ANSONBEAN表示因為工作，三年沒有辦歌迷聚會，他希望將來有更多機會與豆粉見面。他說：「剛才收到好多豆粉生日禮物，我返屋企會慢慢拆和睇大家嘅信，而佢哋入場嘅時候寫咗一啲心意，整咗本紀念冊，我即場讀出嚟，真係好開心，感受到大家對我嘅愛。」

豆料為ANSONBEAN特製了一本紀念冊。

ANSONBEAN亦希望將來有更多機會與豆粉見面。

席上，ANSONBEAN跟豆粉訴心聲，表示曾經因腳傷情緒陷低潮，現在已重新振作。他說：「有段時間準備咗啲作品，例如想拍武術、跳舞片，因為腳傷拍唔到。不過我腳傷啫，仲可以唱歌、寫rap，可以做好多嘢。我亦知道自己喺IG失蹤咗一段時間，多謝豆粉留低和陪伴，我會繼續努力。」

ANSONBEAN席上又與豆粉訴心聲。