布志綸連任兩屆Band Show比賽評審 ANSONBEAN負傷上陣忍唔住跳舞

布志綸呼籲年青人走出網絡世界。

由屯門民政事務處及屯門區議會轄下的屯門大型活動工作小組，在民政事務總署贊助及新城廣播知訊台全力支持下，於10月19日在屯門黃金泳灘及新咖啡灣泳灘舉辦的「屯門沙灘節2024」在非常熱鬧下順利完成。

左起：伍樂城、張佳添、布志綸為「全港年青人Band Show比賽」擔任評判。

布志綸連任兩屆Band Show比賽評審 。

「全港青年人Band Show比賽」於下午3時開始，比賽共有9支隊伍參加，各隊伍施展混身解數唱出參賽歌曲，並由著名音樂製作人張佳添、監製伍樂城和歌手布志綸擔任評判，選出冠、亞、季軍隊伍。而去年在屯門沙灘節「Band Show比賽」中奪冠的樂隊Locksmiths開鎖佬，今年以樂隊身份應大會邀請在「沙灘音樂會」演出。

鄧小巧

Beanies

ANSONBEAN負傷上陣。

屯門沙灘節是屯門區每年一度的盛事，今年由下午3時至晚上9時舉辦連串精彩節目，包括：全港青年人Band Show比賽、DJ打碟表演、藝墟工作坊、攤位遊戲、堆沙工作坊、沙灘瑜伽、海上750架無人機表演。而晚上壓軸的「沙灘音樂會」大會邀請了多位歌手演出助興，包括：布志綸、鄧小巧、Locksmiths開鎖佬、張蔓莎、力臻、ANSONBEAN、Beanies、Michael C、Daze in White。

ANSONBEAN與Beanies

鄧小巧建議政府立法管制兒童使用手機
為屯門沙灘節「Band Show比賽」連任兩屆評審的布志綸，再為晚上壓軸節目「沙灘音樂會」打頭陣演出，全力支持年青人音樂。布志綸甫出場即引來台下尖叫聲，炒熱全場氣氛。布志綸接受訪問時鼓勵年青人多外走走，玩音樂又好，打波都好。他說：「好多年青人都匿埋室內的網絡世界，人與人之間係好需要面對面接觸及溝通，單靠網上文字訊息，會出現好多誤解。」鄧小巧十分認同布志綸講法，她更建議政府立法14歲以下的兒童禁止使用手機，並謂外國正考慮立法。

力臻物色拆大閘蟹高手！

而ANSONBEAN因拍戲傷了左腳前十字韌帶，但他仍堅持負傷上陣演出，上到台演出時，更加忍不住跳舞，十分敬業。演出完後，落台時一拐一拐，他笑笑口說：「一企上台，就忍唔住跳，跳完至記得隻腳傷咗，依家有些痛。」

演出當天，天文台發出有紀錄以來最遲酷熱天氣日子，氣溫高達33度。力臻笑言等了很久依然未見秋意，已按捺不住最近頻約朋友食火鍋、煲仔飯及大閘蟹，揚言要物色拆蟹勁人：「我的朋友都起碼可以食十二隻，我因為拆（蟹）得唔叻又慢，每次最多只食到六隻，我要開始物色拆蟹高手幫手。」

Daze in White

張蔓莎

Locksmiths開鎖佬與司儀黎莉，跟台下觀眾大合照。

ANSONBEAN每舊腹肌都是「粒粒皆辛苦」！

跳唱歌手ANSONBEAN在新歌《ONE DANCE》MV展示一身弗爆肌肉，為保持最佳狀態，拍攝現場變流動健身室，教練David不但控制他飲食，還帶住健身器材貼身鞭策他。每當導演嗌cut機，即使只有幾分鐘，都要他做掌上壓、sit-up、拉橡皮筋等動作谷肌，ANSONBEAN六舊腹肌可謂「粒粒皆辛苦」。

ANSONBEAN在新歌《ONE DANCE》MV中展示一身弗爆肌肉！

拍攝現場更變成流動健身室。

新歌《ONE DANCE》由ANSONBEAN與女友Jaime聯手作曲、陳詠謙填詞、TonYnoT編曲及周錫漢監製。「呢首歌紀錄我成長過程，其實我好多時候都好困惑、好迷失，唔知點樣對待音樂、Fans、屋企人、身邊人，因為好多嘢都係好新嘅經歷，唔係好識處理。」ANSONBEAN希望找到方法做得更好，新歌就似是在道歉，他說：「希望大家可以原諒我、畀機會我，去接受一個新嘅我！」

觀看相關影片按連結：https://youtu.be/vd5aQuiFMqM

《ONE DANCE》由ANSONBEAN與女友Jaime聯手作曲。

歌曲紀錄ANSONBEAN的成長過程。

因此《ONE DANCE》MV中，出現ANSONBEAN過往MV片段，他就以長矛擊破，而赤膊上陣，寓如他赤裸地展示個人感受。ANSONBEAN說：「唔係因為要拍MV、出碟、有project先至去做健身，其實更早之前，我就好想今年要練好身材，盡量食好啲、操練多啲。而為咗呢個MV，兩星期前認真地戒食澱粉質，五日前開始控制水份吸收。無水飲真係好痛苦，所以要珍惜食水！」

MV中，ANSONBEAN以長矛擊破過往MV片段。

MV中，ANSONBEAN以長矛擊破過往MV片段。

赤膊上陣寓如ANSONBEANM赤裸地展示個人感受。

ANSONBEAN手舞足蹈地說：「因為食外賣好難跟到我嘅餐單，最近我開始自己煮嘢食，第一次煮嘅時候喺IG開直播，煮到好核突、好恐怖。第二日就問工人姐姐點煮，佢教咗我一啲方法煎雞，問女友點樣爆蒜頭，仲有問媽咪、上網查、fans留言教我，然後我買咗啲工具幫手，容易咗好多。」似乎烹飪已成為他的新興趣。

ANSONBEAN透露最近開始自己煮嘢食。

會問工人姐姐、女友、媽咪，又會上網查及睇fans留言教導。

除了一身養眼肌肉，ANSONBEAN在妝容亦花了小心思，他說：「由於今次唱片主題是『火』，MV導演William想呼應返，所以要有『曬燶咗』效果，面紅紅和雀斑。另外邀請咗Masa做Movement Director，除咗跳舞，仲根據歌詞微調動作。希望每件事都再做好啲啲，多謝台前幕後一齊砌靚個MV。」

ANSONBEAN在妝容上亦花了小心思。