洪永城挑戰忍者運動不敵小朋友 《成人教科書》率領小朋友打破常規

3月27日起一連四星期、逢周一至周三晚十點半翡翠台將推出全新「無框架」綜藝節目《成人教科書》，透過升呢人父的洪永城（Tony）與23名小朋友的相處，帶領觀眾突破傳統思維框框，在沒有標準答案下的前提下跳出常規、開啟思維發掘可能性；帶出家長、生活及日常行為是一本會行走的教科書，小朋友不斷閱讀才得以成就更全面的成長；節目中「成人」二字既代表為成人而設，也代表探討的課題是每人成長的必然經歷。

到底Tony係做戲定真係搞唔掂。

「成人教科書」沒有標準答案，有的只是四大對立主題：「男女」、「你我」、「生死」及「美醜」，首周探討主題是「男女」，大眾自以為有一定概念的「男女」二字，如何透過三集節目去探討可能性及多樣性？為了讓觀眾更具體了解「男女」的伸延性，製作組安排了多個有趣任務，包括「姓名競猜」、「空間處理能力」、「性別斷捨離」、「忍者運動」及「男孩扮靚室」等，每個任務結果亦「出人意表」。

一班小朋友玩得投入。

製作組請嚟「忍者教練」黃敏婷作現場指導做體能挑戰！

笑指遭女兒啟發參加中年好聲音

在「姓名競猜」挑戰，節目請來楊證樺、鄧英敏、黃梓瑋、李漫芬、黎瑞業及簡思恩六名擁有特別姓名的資深藝人，在確保參與任務小朋友本身不認識他們的前提下、單靠名字競猜「姓名持有人」，結果小朋友的答案近乎九成出錯，情況有趣。「忍者運動」則極盡刺激，大家更可一睹Tony「嗌救命」實錄，包保過癮。「性別斷拾離」則引發爆喊事件，Tony及小朋友何朗怡的媽咪，在製作組要求下將朗怡心愛的「肉桂狗」公仔及房間裏的粉色物件丟棄，結果朗怡失控爆喊，令Tony大感不知所措，他事後笑言：「我好驚見到女士喊，如果阿囡喊，我會即刻播youtube又或者唱歌畀佢聽，以前當然係揦手唔成勢，依家經過一段時間嘅音樂洗禮，我準備下屆參加《中年好聲音》。老婆喊更加嚴重，我哋成日話《成人教科書》冇標準答案，但係我領悟到做老公有標準答案，就係一定係佢啱架喇，佢話一加一等於三，就係三。」

參與「姓名競猜」嘅藝人有鄧英敏、黃梓瑋、楊證樺、李漫芬、簡思恩同黎瑞業。咪以為只係估到名咁簡單，佢哋除咗玩得好開心，仲有好多啟發架。

Tony同朗怡媽媽夾手夾腳幫朗怡「斷拾離」，而被清走嘅公仔同物品，將會捐出作慈善用途。

朗怡知道真係冇晒啲公仔後好失落。

朗怡媽媽事後都話好心痛。Tony就話最驚女仔喊。

為了讓來自不同背景兼擁有不同性格的小朋友加入「探索多樣可能性」之旅，製作組花了接近一年時間、面試超過70個小朋友及家庭，短短十二集的拍攝，則花了近半年時間資料搜集及半年拍攝，製作認真。在23名入圍拍攝名單的小朋友各有特色，有循規蹈矩乖乖女、貪靚萬能男、豪邁低調女、嘴Gel Gel得意妹、慢半拍佛系女等。

首周出場小朋友

首周出場小朋友

首周出場小朋友

首周出場小朋友

首周出場小朋友

首周出場小朋友

問到人生閱歷相對豐富的「旅遊達人」Tony與小朋友合作多時的感受，他笑言很開心能與他們一起成長：「啲小朋友好得意，好開心佢哋全部拍完呢個節目之後都大膽咗同埋自信咗，更加了解自己嘅長處，我相信呢個亦係製作組想做到嘅效果。」談到首周任務，Tony笑指不但「男女」強弱不易定奪，就連成年人與小朋友之間的強弱亦然，他說：「好似忍者運動咁，我根本仲渣過啲小朋友。製作組亦好有心，每集都會提供同主題相關嘅冷知識，令我自己都腦洞大開咗。」

洪永城（Tony Hung）近日於社交平台分享與愛女Amber快閃澳門新濠影滙的溫馨親子時光，並大曬父女合照。

洪永城透露，作為《反斗奇兵》（Toy Story）忠實粉絲，得知新濠影滙舉辦30週年主題活動，便決定帶女兒親身體驗經典動畫世界。 從洪永城IG帖文及圖片可見，他懷抱著女兒站在水上樂園內，父女神情親暱，畫面溫馨。

洪永城更在帖文中分享：「快閃澳門新濠影滙！作為Toy Story迷，每一集故事都有嘢學、都有嘢袋到落袋，正當我喺度重溫第二集嘅時候 Amber 就出現喺電視機旁邊，從此我哋屋企就唔淨係得Elsa ，係有埋Woody 同巴斯光年，適逢我又知道新濠影滙有個反斗奇兵活動，點可以唔去啊，去完之後，個女已經將屋企變成Andy 間房，同埋周圍都係T-Rex，無時無刻聽到恐龍嘅聲音。」

洪永城、Amber與胡迪合照。

兩父女齊心玩遊戲。

洪永城抱Amber新濠影滙水上樂園合照

Amber最愛恐龍角色。