一名結婚20年育有3名子女的資深人妻,早前以「發現老公出面有女人,仲係有夫之婦」為題在網上「香港討論區」發文,糾結是否拆穿事件,與丈夫攤牌。
![樓主帖文。網上截圖](https://image.bastillepost.com/675x/wp-content/uploads/hongkong/2023/05/_2023050107320228283.jpg.webp)
樓主帖文。網上截圖
回應的網民各有心思,有人勸「靜觀其變、冷靜、唔好小事化大事」,有人著眼於錢銀及子女,建議「搞清楚自己的經濟狀況先,考慮到子女,把個人情緒放低先」,並忠告「三思, 三思, 三思」。
樓主發長文表示:「我同老公成20年感情,有3個仔女,佢對屋企畀足錢。但一向好少理家中嘢,大部分時間都係我和他阿媽打理。
![網民回應。網上截圖](https://image.bastillepost.com/390x/wp-content/uploads/hongkong/2023/05/_2023050107320461382.jpg.webp)
網民回應。網上截圖
我知道佢一向有喺出面偷食,但果D係建立係金錢上面。我隻眼開隻眼閉。但最近發現他同一個女人(有老公)動咗真感情。而且佢會夜晚每隔一至兩日就見面。在家一直微信。一直keep(保持)住,因為個女人話明,我老公唔使係佢身上使錢。因為個女人有錢」。
樓主續指「朋友叫我唔好拆穿佢,就當大家搭夥過日子,因為仔女行先。但我一時三刻都好難做到。因為心裏面仲係有佢」。
![樓主育有3名子女。網上截圖](https://image.bastillepost.com/681x/wp-content/uploads/hongkong/2023/05/_2023050107320868036.jpg.webp)
樓主育有3名子女。網上截圖
樓主回應網民時指,「我並無大吵大鬧,因我唔係一哭二鬧三上吊嘅女人。因為知道老公同外面女人對話(自己暗中查到),佢地兩個都以不想影響自己家庭。但會一直保持互相聯繫,或者兩人有相同嘅話題。就算我暗示過(做出這些行為時可否考慮一下我感受)。佢可能老公為咗仔女,應該暫時都唔會同我離」。
她續指,「相處20年感情,唔係短時間。我比較重感情。我最年輕20年都畀晒頭家同佢……生活重心都在家庭。唔係一時三刻可以當佢死」。
![網民指「比著我真係接受唔到,會離婚」。網上截圖](https://image.bastillepost.com/678x/wp-content/uploads/hongkong/2023/05/_2023050107321088172.jpg.webp)
網民指「比著我真係接受唔到,會離婚」。網上截圖
網民回應:
「比著我真係接受唔到,會離婚」、
「搞清楚自己的經濟狀況先, 考慮到子女, 把個人情緒放低先」、
「你要學吓當老公死咗,話知佢做乜,只要俾錢養家,你就老定。到仔女大個,就係你嘅天下,到時你去邊都得」、「嘅然老公變心,為咗仔女,相信行呢步都係權宜之計」、
「3個小朋友。如果你要離婚,想要幾個? 然後自身能不能滿足到以後的生活。如果唔得就係要考慮。忍唔到又唔想離婚住就直接講咯。你出去搞,但返來唔好搞我就得了」。
![網民指有兩條路:拆穿同扮唔知。網上截圖](https://image.bastillepost.com/671x/wp-content/uploads/hongkong/2023/05/_2023050107321484205.jpg.webp)
網民指有兩條路:拆穿同扮唔知。網上截圖
另有網民詳細分析:
•「首先, 妳要諗清楚妳拆穿佢的後果會係點?佢會改過? 定係會離婚?離婚後妳帶住三個細路點樣生活?20年了, 妳年紀都唔輕啦!估計妳亦唔會再搵另一個男人,所以我勸妳都係當唔知算啦。佢地係咪真係有感情,要佢地自己先知的,或者兩個都只係玩玩下,當然最終決定點做,係妳自己的決定!三思, 三思, 三思」。
•「如果樓主主動提出離婚,而離婚,咁......你損失更大、返唔倒轉頭同後悔。老公大不了玩吓玩吓,好似細路哥玩玩具咁,遲D就會厭。你無小朋友而離婚尚可以,而家有三個,就唔係咁簡單。就算你大把錢養得起,唔使靠老公,但小朋友唔可以失去父母。你再嫁老公再娶,都唔係小朋友親生父或母。做個好媽媽,唔使教老公做人,佢都咁大個」。
•「首先
1) 你小朋友幾大
2) 無咗佢嘅金錢,你自己可以應付幾多 ?
3) 小朋友分配
兩條路:拆穿同扮唔知
要諗下自己拆穿之後嘅生活,如果接受唔到佢出軌,你又應付到生活嘅話頭都唔回啦。相反如果仲好愛佢,又接受唔到後果,又唔捨得失去佢,唯有死忍」。
•「女人一係做好媽媽、好新抱,一係做好老婆。要兩樣都好,好難。女人做好老婆係孤注一擲,好冒險同好靠唔住。因為男人天生花心漂泊,家有溫暖都好,佢走出去滾吓,有夫之婦又好,離婚婦又好,有兩點要知,佢是咪大家講到明有家庭同偷情,動機為乜。
![網民忠告「三思, 三思, 三思」。網上截圖](https://image.bastillepost.com/385x/wp-content/uploads/hongkong/2023/05/_2023050107321751057.jpg.webp)
網民忠告「三思, 三思, 三思」。網上截圖
站在樓主一方,要靜觀其變、冷靜、唔好小事化大事。如果係叻男人,佢自有分數。你暫作唔知,以及對老公好D甚至溫柔D。等佢明白老婆心知肚明但唔攪大佢,要老公適可而止收斂,咁.....你就成功。
![網民積極回應。網上截圖](https://image.bastillepost.com/381x/wp-content/uploads/hongkong/2023/05/_2023050107322091329.jpg.webp)
網民積極回應。網上截圖
註:本人已婚四十多年,過往亦有多次婚外情,而老婆起初亦睇唔開,要自殺。但經過我嘅處理方式及用心,到今時今日,我D婚外情人係好朋友,太太依然深信我係愛佢一輩子」。
帖文來源:香港討論區
![樓主回應網民時指,「我並無大吵大鬧,因我唔係一哭二鬧三上吊嘅女人」。網上截圖](https://image.bastillepost.com/471x/wp-content/uploads/hongkong/2023/05/_2023050107322379565.jpg.webp)
樓主回應網民時指,「我並無大吵大鬧,因我唔係一哭二鬧三上吊嘅女人」。網上截圖
![示意圖。設計圖片](https://image.bastillepost.com/704x/wp-content/uploads/hongkong/2022/11/20221108_渣男-1.jpg.webp)
示意圖。設計圖片