Ian陳卓賢30歲生日應援展覽 「伊人森弦」空降銅鑼灣時代廣場

為慶祝陳卓賢 （Ian）將於6月9日迎來30歲生日，陳卓賢國際歌迷會（香港）由2023年5月22日至6月30日在銅鑼灣時代廣場2樓及5樓舉行「伊人森弦@Ian's Asteroid I609」展覽，除了必成一眾粉絲打卡熱點的1.5米高立體小卓賢外，展覽更首次展出Ian的創作手稿和歌曲Demo，並加入森林、海洋等大自然元素，全面展現出Ian創作的歌曲意境，帶領大眾踏上森弦之旅，了解唱作歌手Ian的創作心路歷程！

陳卓賢國際歌迷會為偶像慶祝30歲生日

銅鑼灣時代廣場2樓及5樓舉行「伊人森弦@Ian's Asteroid I609」展覽

以Ian 創作的歌曲歌詞製成的星空佈景及1.5米高立體樹熊小卓賢

以Ian所創作的歌詞拼砌而成的巨型Ian畫像及首次展出的Ian音樂創作手稿和Demo

以Ian歌曲《地球上的最後一朵花》及《鯨落》為主題的沉浸式體驗裝置

以Ian歌曲《地球上的最後一朵花》及《鯨落》為主題的沉浸式體驗裝置

「伊人森弦@Ian's Asteroid I609」展覽詳情

日期︰2023年5月22日至6月30日

時間︰上午10時至晚上9時 （首日將於晚上7時起開放）

地點︰銅鑼灣時代廣場2樓中庭及5樓517-519號舖

Ian希望樂迷入場純粹享受當下。

陳卓賢Ian一連七場的《IAN CHAN “TEARS” IN MY SIGHT SOLO CONCERT 2024》將於下星期五（7月19日）開鑼，Ian的排練亦進行最後倒數階段。演唱會將至，Ian趁機透露製作詳情，讓樂迷可以事先窺探當中玄機。

Ian個人演唱會排練進行最後倒數階段。

演唱會以「Tears」作為主題，顧名思義，就是以眼淚作主題，Ian詳細介紹道：「今次係以唔同嘅眼淚做主題，所以喜怒哀樂，各方面嘅眼淚、情緒都會存在，所雖歌曲安排都會係圍繞住呢啲情緒，希望大家唔好帶任何前設入場睇，嘗試一入場嗰一刻，就投入當刻環境。唔好諗住入去之前要準備啲咩，要聽啲咩歌做定功課，其實係唔使，純粹享受當下。」

Ian詳細介紹演唱會主題「Tears」的意思。

通常演唱會都會為觀眾帶來驚喜，Ian給大家的驚喜，是要讓大家的耳朵懷孕！Ian道：「編曲上相信會帶到俾大家幾震撼感覺，因為音樂班底陣容鼎盛，樂隊以外，亦有弦樂同管樂，所以好多歌曲，會因應我哋今次會合作嘅音樂班底，重新編曲同調整，相信會為大家帶來一次音樂盛宴體驗，而我自己亦會參與不同樂器演奏部分，大家敬請期待。」

Ian透露給大家的驚喜，是要讓大家的耳朵懷孕！

除了演奏樂器，Ian在今次音樂會當然亦會一展舞技，不過他覺得跳舞已經不是最難Handle的部分，他解釋道：「因為而家跳舞叫做進步咗少少，跳舞方面已經冇咁大壓力，但今次會多咗唔同嘅嘢要兼顧，係需要focus多啲。以往某啲演出淨係負責唱歌，但今次參與部分多咗，就要做每樣嘢都要應付得好啲，focus啲、專注啲。」

亦會在演唱會上一展舞技。

想全情投入Ian的音樂世界，Ian特別給大家點點提示，他說：「大家入場著舒適嘅衣服，最好帶條手巾仔，可能大家會有啲感動嘅。我唔係要迫到大家喊，而係希望大家會體會到當中想表達嘅message，然後relate到自己生活上嘅事情而有啲感受，純粹預備下手巾仔啦！」

Ian提醒大家入場著舒適的衣服，以及最好帶條手巾仔！