為樂迷炮製音樂盛宴 陳卓賢呼籲帶毛巾拭乾感動眼淚

Ian希望樂迷入場純粹享受當下。

陳卓賢Ian一連七場的《IAN CHAN “TEARS” IN MY SIGHT SOLO CONCERT 2024》將於下星期五（7月19日）開鑼，Ian的排練亦進行最後倒數階段。演唱會將至，Ian趁機透露製作詳情，讓樂迷可以事先窺探當中玄機。

Ian個人演唱會排練進行最後倒數階段。

演唱會以「Tears」作為主題，顧名思義，就是以眼淚作主題，Ian詳細介紹道：「今次係以唔同嘅眼淚做主題，所以喜怒哀樂，各方面嘅眼淚、情緒都會存在，所雖歌曲安排都會係圍繞住呢啲情緒，希望大家唔好帶任何前設入場睇，嘗試一入場嗰一刻，就投入當刻環境。唔好諗住入去之前要準備啲咩，要聽啲咩歌做定功課，其實係唔使，純粹享受當下。」

Ian詳細介紹演唱會主題「Tears」的意思。

通常演唱會都會為觀眾帶來驚喜，Ian給大家的驚喜，是要讓大家的耳朵懷孕！Ian道：「編曲上相信會帶到俾大家幾震撼感覺，因為音樂班底陣容鼎盛，樂隊以外，亦有弦樂同管樂，所以好多歌曲，會因應我哋今次會合作嘅音樂班底，重新編曲同調整，相信會為大家帶來一次音樂盛宴體驗，而我自己亦會參與不同樂器演奏部分，大家敬請期待。」

Ian透露給大家的驚喜，是要讓大家的耳朵懷孕！

除了演奏樂器，Ian在今次音樂會當然亦會一展舞技，不過他覺得跳舞已經不是最難Handle的部分，他解釋道：「因為而家跳舞叫做進步咗少少，跳舞方面已經冇咁大壓力，但今次會多咗唔同嘅嘢要兼顧，係需要focus多啲。以往某啲演出淨係負責唱歌，但今次參與部分多咗，就要做每樣嘢都要應付得好啲，focus啲、專注啲。」

亦會在演唱會上一展舞技。

想全情投入Ian的音樂世界，Ian特別給大家點點提示，他說：「大家入場著舒適嘅衣服，最好帶條手巾仔，可能大家會有啲感動嘅。我唔係要迫到大家喊，而係希望大家會體會到當中想表達嘅message，然後relate到自己生活上嘅事情而有啲感受，純粹預備下手巾仔啦！」

Ian提醒大家入場著舒適的衣服，以及最好帶條手巾仔！

Ian自言不懂表達望作品引起共鳴！

陳卓賢Ian今年以故事串連推出的單曲，來到最後一首作品〈玩偶奇遇記〉，終揭曉他在故事中所飾演的主角，原來是一隻玩偶熊仔，他更投射自己的個性到這隻玩偶熊仔身上。

陳卓賢（Ian）今年推出第5首派台歌《玩偶奇遇記》。

Ian包辦新歌曲詞。

自去年年尾開始，Ian便開始構思創作一個故事，並透過歌曲及MV呈現出來，Ian說：「我喺上年年尾開始構思同創作今年呢五首歌，但歌曲、故事劇情，以至MV細節，都係一路製作一路微調，而主角其實係一隻熊仔，喺每個章節都有熊仔出現。」玩偶熊仔見證著一段愛情的開始、發展到終結，隨後亦有他自身的經歷，不過熊仔既無話語權，亦未能表達自己的意願。

年度企劃最終回故事揭盅。

坦言自己不擅表達愛意。

為何會揀選玩偶熊仔做故事主角呢？Ian解釋道：「因為人畜無害，同埋好似好多公仔都係熊仔，大家可能好多時會忽略咗佢，覺得佢嘅存在係理所當然，睇呢個故事嘅時候，亦唔覺得隻熊仔係關事，純粹係好表面覺得熊仔係定情信物，見到熊仔就好似見到你嘅另一半，但慢慢就帶出比較深層嘅意思，緊扣返主題：其實熊仔喺MV裡面有唔同形態出現，亦都係代表每一種心情，不過熊仔有很多無能為力嘅事，譬如佢都好鍾意主人，但言語上、肢體上都表達唔到自己。」透過今年這個故事，到〈玩偶奇遇記〉將故事揭盅，Ian最希望能給大家一點提醒，Ian說：「呢一連串故事，希望可以提醒大家，其實生活上唔係所有嘢都理所當然，可能有時要諗闊少少諗遠少少，所有嘢得來不易，要多啲喺唔同角度去諗。」Ian透露，玩偶熊仔亦是他個人的個性投射，說：「我都係一個唔太會表達自己嘅人 ，所以出一個咁嘅故事，睇下會唔會都有啲有共鳴嘅朋友。」

Ian化身玩偶熊仔！

Ian又相信，萬物皆有生命，亦有思想，千萬別漠視他們的感受。他說：「〈鑿〉裡面小女孩擁有一隻熊仔，佢冇諗過熊仔其實有佢自己嘅思想，喺小女孩心目中純粹係好簡單嘅物件存在喺佢生活。其實我哋喺日常生活中，忽略咗身邊好多大大小小嘅人或物件，我嘅歌好似〈留一天與你喘息〉裡面嘅石頭有生命、〈地球上的最後一朵花〉嘅花又有生命、〈鯨落〉嘅鯨魚都係有生命，但大家唔好忽略咗，佢哋亦都係有自己嘅思想。」

提醒大家多角度思考。

望新歌能引共鳴。