兩邊都唔抵幫⋯
網上不時都有乘客投訴的士司機拒載之事，不過今次連乘客都被圍攻？近日一乘客於社交平台發文，指上了一架的士，告訴司機目的地後，司機立即表示「唔識路」而拒載，由於他難忍司機拒載及態度惡劣，於是拿出手機拍下影片，片中男乘客與女司機不斷爭吵，指控對方拒載，而女司機則表示自己不熟悉路線，要求乘客指路。雖然不少人批評司機拒載行為，但亦有網民認為男乘客態度惡劣，尤如「西客」。
有男乘客於社交平台上載影片，公審女司機拒載。
該乘客於Facebook群組「舉報拒載（的士）群組」發文，表示當他上的士後，司機以「唔識路」為由拒載，樓主不忿司機拒載及極差的態度，於是舉起手機開始錄影，影片可見女司機不斷說「唔識路」，樓主則回應「唔想去就車我去差館，得一樣嘢揀啫」，司機則反駁「要去你自己去！」。
根據影片顯示，的士由灣仔沿堅尼地道前往半山區方向行駛，沿途雙方在車內不斷爭吵，司機多次要求乘客指路，表示「唔好講廢話，條路點行？」、「自己帶路」，而樓主則回應指「得一條直路，點行錯路呢？唔該妳靜啲，我係乘客，OK？唔該妳讀熟香港嘅法律先」、「堅尼地道都唔識啊？」。
女司機表示「唔識路」，男乘客則回應「唔想去就車我去差館」，雙方沿途不斷爭吵。
最後的士抵達目的地，車資顯示為27元。樓主對司機拒載行為表示憤怒，於是上載影片公審「的士亞嬸，我上左車你先拒載話唔去？到我話唔去就車我去警處，你咪又去。何必呢？現今社會，有智能手機，你惡吾過佢嘅。重有呀，你個的士証連名都睇吾到嘅？你重咁大聲？」。
此帖一出引起網民熱議，雖然有不少人批評司機揀客拒載的行為「害群之馬，影衰的士行業」、「唔識路，可以用導航掛，連導航都唔識用咁仲學咩野人揸的士啫」、「唔識路學乜人揸的士 乘客只係提供路線 唔係一定要埋教你點行」。
有不少網民負評男乘客態度惡劣「27蚊玩咁盡」。
但亦有不少人應認為樓主在片中的態度令人反感「男人老狗蝦女人，正宗西客」、「還睇掂睇都係樓主你似西客多D」、「27蚊玩咁盡」、「個女司機話唔識你又唔信以為人哋呃你！或者嗰個女司機揸開九龍區真係唔識路呢！小小嘢都包容唔到人哋正一係小人！正宗西客」。
有網民留意到，女司機證件上的資料被蓄意隱藏，認為相當可疑。
帖文來源：Facebook群組「舉報拒載（的士）群組」
