淘寶訂購木傢俬生蟲 買家以滅蝨彈滅蝨反被叮咬 網民教路要咁做

有男子於淘寶購買木製傢俬發現有蟲，用滅蝨彈滅蝨反被叮咬，網民指做法錯誤，還分享有效滅蟲方法。

淘寶圖片

有一名男子於Facebook群組發帖分享，稱自己早前在淘寶買入數件木製傢俬，惟到貨後發現其中一件傢俬藏有「木蝨BB」，慘被叮咬後，隨即就將其丟棄，並放「煙霧蛋」滅蝨，豈料蝨患更加嚴重，形容「點知第二日咬得仲勁」。

淘寶圖片

事主表示：「同日即買DE粉（成份為矽藻土的專業級滅蟲用品）全屋灑，噴左天鹽清水」，直到第6日終沒有再被蝨蟲叮咬。不過事主稱，由於全屋都仍未尋找到蝨蟲的屍體蹤跡，感到非常擔心，形容「被嚇到連上床都怕」，指「我仲未見到佢地條屍，總覺得佢地未死」，因此發文詢問各大網友滅蝨心得，並向網民求救「我仲要做啲咩？」。

淘寶圖片

對於事主「引蝨入屋」的情況，引來不少網民熱議。有網民表示「如果真係木蚤，放煙霧蛋係極大錯誤。殺唔死之餘，仲走到成屋都係」，建議事主暫時購買熱風槍「吹下」；有網民建議「用千赤士（Chinchex滅床蝨粉／滅蟲劑）斷到尾」。有人則建議用手提蒸氣熨斗近距離噴窗簾、床褥、床架及其他可疑地方，其他衣物清洗後則用高温乾衣機烘焗，強調「要做多幾次殺盡免後患」。

此外，有曾經成功滅蚤的網民分享，指自己當時以DE粉及熱風槍，大概持續2至3個月後才能確定蝨蟲完全消滅。不過網購木製傢俬始終存在風險，奉勸大家購買前都要留意清楚！

淘寶圖片

如果有外賣員肚痛問你借廁所，你又會唔會借呢？1網友在threads上發問，引起網民熱烈地討論。

threads截圖

網友誠心問「有冇人真係會唔介意」

有網民在Threads發問，表示外賣員送到外賣後問「介唔介意借個洗手間？我有啲肚痛」。但網民較難接受有陌生人在自己家中解決大事，所以直言「唔得，你去樓下公園啦」。事後在網上分享經歷，吸引不少人留言。

示意圖

網民留言一面倒話唔得

有網民認為「叫得外賣即係已經準備食嘢」、「借係人情，唔借係道理」、「唔借，整污糟又係自己執屎」，有人直言無法接受吃飯時有解決大事的聲音傳出。

示意圖

網民分享經歷：發誓無下次

亦有網民分享自己借廁所經歷，「對方仲要着鞋踩入廁所，仲痾到周圍都係」、「但佢痾到廁板有尿，地下都滴左幾滴尿，我之後要開滴露水抹廁，我發誓無下次」。

有網民用私補打比方

有網民則以自己私補打比方，「我做私補，係直接問『廁所喺邊』預設咗對方可以」，不過有網民則認為「外賣員」與「私補老師」不能比較，畢竟「去得污糟咪無咗份job，唔同嚟一次嘅人。」

示意圖