爆唐文龍借啲意換緊身衫晒震波 王祖藍扮健美先生形神俱似笑爆全場

「獎門人」曾志偉要養病未能參與錄影，但氣氛依然熱鬧搞笑，除繼續有「獎老」錢嘉樂、阮兆祥、金剛、麥美恩和林秀怡擔任主持，嘉賓陣容亦請來了「前獎老」王祖藍助陣！

特備節目《鄰住買特約：獎門人中秋感謝祭》於9月3日九點翡翠台播映，節目播畢後，網購平台「鄰住買」將於晚上10點起、陸續開售感謝祭貨品，包括1蚊雞1公斤白米、減至HK$ 9,998的按摩椅，及HK$499蚊平板小新Pad等。

Super～

爛Gag硬銷鄰住買＋福祿壽演唱會

今集「獎門人」曾志偉雖然要養病未能參與錄影，但氣氛依然熱鬧搞笑，除繼續有「獎老」錢嘉樂、阮兆祥、金剛、麥美恩和林秀怡擔任主持，嘉賓陣容亦請來了「前獎老」王祖藍助陣，與李思捷、麥長青、黃智賢、唐文龍、曹永廉、游莨維組成「思家損友」隊，另一隊「你好，我的大夫」有何廣沛、蔡思貝、游嘉欣、吳偉豪、許俊豪、孔德賢，被抬住出場的廣沛，嗌口號時施展驚人腰力，半空挺身兼以女高音嗌出新劇名，神乎其技！

何廣沛出場呢一吓半空坐番直個人，其實好考腰力。

「思家損友」隊

今晚亮點完全落在祖藍身上，單是出場部分，當祖藍見到「大夫隊」如此青春，即搞笑自嘲：「我估我哋加埋嘅年紀係隔籬嘅一倍呀！」之後又搞爛Gag宣傳福祿壽演唱會及鄰住買：「你知唔知演唱會飛點解要一站一站咁買？因為要『輪』住買！」抵死度令全場拍爛手掌。 到了遊戲環節，祖藍又大晒轉數及扮嘢扮聲真功夫，首先在「開心無敵搵啖食」，「損友隊」邀請現場觀眾落場幫手唧忌廉，豈料當現場觀眾唧完一大輪，祖藍竟問對方：「你有冇聽過害人終害己？」，隨即拉該名觀眾落水一起受Cream刑；之後又大爆唐文龍玩「搵啖食」專誠整污糟自己，方便換過件緊身衫震波兼晒肌，相當奀皮。

福祿壽合體宣傳演唱會

王祖藍100%神還原跑馬聲嚇窒黃智賢

本集重頭遊戲絕對是「開心無敵以訛傳訛」，思捷演繹「代客泊車」時，大晒直逼默劇功架，獲錢嘉樂大讚：「你一次過做晒20集出嚟喎！」可惜因遇上豬隊友曹永廉未能成功搶分。另一條「健美先生」題目，唐文龍見到即把握時機瘋狂晒肌，引發麥美恩連環尖叫，至於「冇肌人士」黃智賢、思捷及祖藍，則以搞鬼表情搭救，當中祖藍的「百變健美Style」笑爆全場，無論表情及肢體動作都100%倒模健美先生，獲嘉樂即場要求加碼：「你畀佢做多少少！」出名扮聲有一手的祖藍，又全情投入演繹「跑馬聲」100%神還原程度令接棒的黃智賢有壓力：「我搵唔到個Key！ 」 另一搞笑遊戲推介為「開心無敵乒乓波」，祖藍與孔德賢應戰題目為「矮嘅好處」，祖藍一嚟即擺總經理上枱：「直視曾志偉！」，至於孔德賢則九唔搭八謂：「行花市唔會焗親」，事後遭祖藍秋後算帳，祖藍更一度肉緊搞笑揼地高呼：「你寸我！」祥師兄見狀即接招大玩爆料：「你知唔知佢每次行花市，都係李亞男舉起佢行架！」

游嘉欣呢個亂髮Look正呀！

孔德賢呢一吓其實係出咗貓。

何廣沛好腰力又一鐵證。

蔡思貝玩到變咗花臉貓。

游嘉欣投入到連心口「生鬍鬚」都唔知。

連現場觀眾都攞嚟玩，呢班「思家損友」真係大膽。

王祖藍搞笑話唐文龍呢一吓係有陰謀，因為佢之後會換過件乾淨嘅白色緊身衫出場。

今集「開心無敵一齊吹」，管中物繼續有水曱甴及蚱蜢等，而思貝及何廣沛更先後中招遭對手九秒九將蟲蟲吹入口，不過二人反應卻大相逕庭，思貝吃了水曱甴後仍面不改容，更當著全場觀眾大啖食，盡顯「女漢子」風範；至於慘吞蚱蜢的廣沛不但面容嚇至扭曲，更一度嚇至跪地，與思貝相映成趣。

「開心無敵一齊吹」，有曹永廉對戰游嘉欣。

麥長青對戰蔡思貝

思貝硬食水曱甴。

但佢只係震驚咗一秒就拎住隻水曱甴大啖食，好大膽。

祖藍對戰廣沛。

廣沛明顯冇思貝咁大膽。

孔德賢真係好大膽呀！

祖藍掩晒嘴扮男人最痛，笑死。

仲要扮嬲豬。

思貝對戰李思捷同樣爆笑料。

思貝因為講錯羅蘭姐個名，畀祖藍係咁追住嚟窒。

呢題，係思捷嘅表演題。

呢題係文龍嘅晒冷題。

不過黃智賢。

同李思捷都各有各搞笑。

但最搞笑，絕對係似到離晒譜嘅祖藍。

祖藍扮跑馬聲技驚四座。

游嘉欣同思貝玩遊戲時好投入，游游更加係搞笑擔當。

游游吳偉豪

祖藍喺「彈遮遮」環節係咁順便洗頭，激死！

濕身文龍勁搶。

思貝、廣沛

估唔到黃智賢會同祖藍互相洗頭。

孔德賢、許俊豪

由中國銀行（香港）（「中銀香港」）冠名贊助、中國香港田徑總會主辦的第二屆「中國銀行（香港）港珠澳大橋（香港段）半馬拉松」（「中銀港珠澳半馬」）今日圓滿舉行，約8,000名參賽者於宏偉的港珠澳大橋上馳騁。

中銀港珠澳半馬全長約21公里，是首個在全球最長的跨海大橋和隧道進行的長跑賽事。賽事吸引來自世界各地頂尖運動員，以及本地健兒參加。中銀港珠澳半馬的起跑點位於港珠澳大橋香港口岸，參賽者起跑後沿著港珠澳大橋香港連接路一直奔跑，盡情欣賞香港國際機場的壯麗美景。不少參賽者都把握這個千載難逢的機會，在大橋上「打卡」拍照留念。

各界社會賢達及演藝精英雲集2公里「中銀榮譽盃」

各界社會賢達及演藝精英齊參與「中銀榮譽盃」

今屆賽事更首次設立兩公里的「中銀榮譽盃」，廣邀社會各界賢達、合作夥伴、演藝精英，一同參與今次盛事。香港特別行政區政府律政司司長林定國、香港特別行政區政府文化體育及旅遊局局長羅淑佩、中銀香港副董事長兼總裁孫煜和中國香港田徑總會主席關祺為賽事揭開序幕，為一眾健兒打氣。除了霍啟剛與太太郭晶晶，演藝界的眾多明星也積極參與「中銀榮譽盃」，其中包括邵氏兄弟控股有限公司執行董事樂易玲、陳瀅、陳山聰、胡鴻鈞、阮浩棕、李爾晨、朱敏瀚、孔德賢等一眾藝員，為賽事增添星光。

樂易玲

樂易玲

朱敏瀚 陳瀅 陳山聰

向來是跑步發燒友的視帝陳山聰，去年曾到上海挑戰半馬拉松，今次參與2公里「中銀榮譽盃」當然能輕鬆完成，最難得是將港珠澳大橋的美景盡收眼底。他說：「第一次在港珠澳大橋跑步，『腳踏實地』的一刻感覺新鮮，而且沿途風景優美、海天一色，簡直是『快樂不知時日過』，希望下次能夠跟Crazy Runner成員如袁偉豪、胡定欣及單立文等一起參加半馬賽事，大家也要趁青春留倩影呢，哈哈！」身為「廿四孝嗲哋」的山聰，除了愛與兒子Jaco父子裝出行外，閒時亦會帶兒子跑步強身健體，對今年新增設的「兒童田徑運動會」大為欣賞，並說：「等Jaco仔再大一點，6歲時便可以參加『兒童田徑運動會』，將體育精神傳承給下一代，齊齊跑出個未來！」

陳瀅讚「跑步男」加分  寄語有心人「跑快啲」

至於女神陳瀅近年同樣愛上跑步，除了可以消水腫外，更能keep fit，所以每日一跑已成為生活習慣。她說：「自從去年跟佘詩曼在馬來西亞拍攝《家族榮耀之繼承者》後，獲前輩提點做幕前要努力維持身型，加上同劇的陳靜與王敏奕不時相約自己做運動，令我漸漸愛上運動，今次更有機會踏上港珠澳大橋跑步，絕對是成就解鎖之一，希望將來可以跑向國際，到更多地方體驗跑步的愉悅。」陳瀅又笑指愛做運動的男生絕對會加分：「我最近越跑越快，想追我也不是輕易的事，真的要加把勁呢！」

阮浩棕人氣急升  被途人認出勁感動

而最近憑《異空感應》的「靚仔法醫」助手一角人氣急升的阮浩棕，同時入圍《萬千星輝頒獎典禮2024》的「最佳男配角」與「飛躍進步男藝員」，呼聲甚高，但同時為他帶來不少壓力，正好趁今次參與「2公里榮譽賽」減壓。他說：「大家以前認識我可能因為我是梁舜燕的孫子，最近因為劇集反應好，多了途人認得我，甚至知道我是誰，叫得出我的名字，這種感覺跟初次踏上港珠澳大橋一樣新鮮有趣。得到觀眾支持當然開心，但同時要提醒自己做得更好，加上臨近頒獎禮，若我說不想得獎也是騙人的，正好趁這個機會一邊跑步一邊享受海風吹拂，紓緩一下緊張心情，抖擻精神迎接頒獎禮！」

「兒童田徑運動會」首度登場 陳敏之爆兒子遺傳長腿及運動天份

今年，主辦方更首次增設「兒童田徑運動會」，邀請6至9歲的小朋友參與競技運動，與新一代分享運動的樂趣。「索腿靚媽」陳敏之帶同現年8歲的兒子雷子樂參加，挑戰速度跨欄、前拋藥球、十字跳、來回節奏跑、立定跳遠、擲火箭及A級方程式等項目，玩得不亦樂乎！敏之說：「子樂遺傳了我的長腿，長得比同齡小朋友高，運動天份也不錯，上月一家三口到日本滑雪幫他慶生，教練也讚他平衡力好！最開心是完成比賽的『小跑手』除了可以獲贈完成獎牌及電子證書外，更可額外獲贈賽事巴士模型，子樂從小都熱愛汽車，收到巴士模型時笑到見牙唔見眼，更嚷著說要將獎牌及巴士模型放在床頭，認真可愛！」

敏之坦言閒時愛與兒子一起做運動，強身健體之餘，也是很好的親子時間，並說：「父母可以透過一起運動跟小朋友溝通，同時灌輸正確的價值觀，例如『勝不驕、敗不餒』、『公平公正』的精神，始終言教不及身教，做運動正正是身教的好機會，所以我跟老公只要有空便跟子樂一起跑步、打波，才能像朋友一樣好好相處呢！」