林海峰、黃秋生及泰山化身住家廚神,聯同全新加入的3位人氣女神盧慧敏、林熙彤及許恩怡合作為外賣平台拍攝最新廣告。
為慶祝登陸香港8週年,戶戶送集合6位重量級名人及新晉星級嘉賓演出全新廣告!早前推出的「DeliveRule」廣告原班人馬林海峰、黃秋生及泰山3人再度出演,今次化身住家廚神,聯同全新加入的3位人氣女神盧慧敏(Amy Lo)、林熙彤(Hazel)及許恩怡(Natalie)合作演出,刷出新火花!3位青春女神與3位前輩合力準備生日派對,同場又唱又跳,精彩互動為戶戶送8週年廣告帶來嶄新亮點!
點擊看圖輯
戶戶送推出逾萬個優惠慶祝8週年,外賣自取低至全單半價。
雲集重量級名人及人氣女神開生日派對。
在廣告中,6位嘉賓獲邀出席神秘生日派對,並為慶祝活動一同做足準備;黃秋生、林海峰與泰山親自下廚,炮製生日大餐,3位女神為派對現場佈置,並忘我盡情享受氣氛!廚房只得3位大廚幫手預備大餐,場面近乎「倒瀉籮蟹」,搞笑又狼狽!在關鍵之際,醒目的泰山決定用戶戶送落單外賣自取,避免「蝦碌」又減少煩惱,將戶戶送的多款外送滋味準時送達現場,𣊬間解決大難題!最後,一眾藝人發現生日會主角是戶戶送,一同大跳大唱,將氣氛推至高潮,為戶戶送8週年送上祝福,向大家傳遞歡樂!
戶戶送推出逾萬個優惠慶祝8週年,外賣自取低至全單半價。
6位星級藝人首次合作為拍攝戶戶送週年廣告,3位前輩形容場面好玩又搞笑!黃秋生笑言自己好像和一班「孫女」一齊參加派對,而拍檔林海峰表示:「我本身都好期待今次再同秋生同泰山聚舊,今次有埋3位新朋友合作,仲教識咗我好多00後嘅潮語,簡直係『大癲』!成個拍攝似真係搞緊個Party好好玩、好開心!」;每個星期日都會叫戶戶送的泰山更大爆:「好開心今次因為戶戶送,可以同3位靚女後輩合作,拍完廣告覺得自己都後生咗。其實自己細個嗰陣好鍾意柏安妮,所以今次可以同到佢囡囡Natalie合作覺得好特別,覺得圓咗兒時夢!另外,記得我同Amy同場拍攝時,有一幕因為Amy太高,佢特登遷就我身高,場面好搞笑但都好多謝佢!」
3位後輩對於今次拍攝亦都獲益良多,Natalie表示初初拍攝時與重量級前輩合作十分緊張,但幸好有Amy及Hazel,笑言:「今次拍攝我地仲有個跳舞挑戰,要同大家不斷練舞,感覺融合成一個合作無間的TEAM!」;而Amy當被問到會想點甚麼外賣美食給前輩時,Amy就表示想點雲吞麵給秋生前輩,因為他有很多好出色的香港電影同舞台劇作品,而雲吞是一款香港好地道的食物,製作雲吞的餡料就好像演技一樣好講求經驗及內涵,覺得好適合他。
3位人氣女神盧慧敏、林熙及許恩怡開心加盟拍攝。
許恩怡希望向打女邁進!
許恩怡(Natalie)入行3年多,除了受到各大品牌與廣告客顧的愛戴,她更成了香港影壇矚目的新星,繼2021年憑電影《燃野少年的天空》奪得東京國際電影節「最佳新人獎」,Natalie去年先後拍攝了《二手傑作》、《但願人長久》、《爆裂點》、《久別重逢》、《贖夢》、《搖籃凡世》與《無名指》等多部電影,大部份電影將陸續上映,認真是現今炙手可熱的女新人!
許恩怡(Natalie)是80年代女神柏安妮女兒,近年繼承母業加入娛樂圈。
她盡得靚媽柏安妮的優良基因,高顏值之餘,更富有演戲細胞。
自小接受舞蹈與武術訓練的Natalie對兩項運動非常熱愛,當有空餘時間她總會自發進行練習,最近她更參加了「2024加州國際武術錦標賽」長拳、五步拳、24式太極與自選劍四項比賽,全部奪冠,非常厲害!Natalie說:「我小學時已經開始學習武術,之後加入校隊。決定參加「2024加州國際武術錦標賽」係好突然嘅,因為已經幾年冇練習,喺好近報名嘅時候,我同老師聯絡,見咗老師一次後就決定要報名,跟住我就日日喺屋企練習,因為我覺得唔日日練我嘅體能唔夠好。不過我發現其實有個底好快就會pick up返,我都唔知我原來都仲記得啲動作,當要做嘅時候就出晒嚟。」Natalie經歷這比賽後,體會到太極與劍術博大精心之奧妙,她說:「我好喜歡太極同劍,大個咗識得欣賞太極嗰種慢, 好珍惜呢五分鐘,等自己平靜落嚟,唔單止對身體好,短短嘅時間入面仲可以同心靈溝通;而劍我都好鍾意,風格同力量要平衡, 同跳舞好似,我會將耍劍比喻成水,剛柔並濟,好有美態。」
Natalie自小接受舞蹈與武術訓練。
最近她更參加了「2024加州國際武術錦標賽」長拳、五步拳、24式太極與自選劍四項比賽。
勇奪四金。
能夠一次過四項目奪冠,實在不容易,問到Natalie會否學以致用,向武打電影邁進?她說:「有機會我當然好想做!但係我都驚自己未夠好,其實我打嘅武術同武打片嗰種打法好唔同,雖然嗰種打法我係一路都好想學,希望我武術嘅skill可以幫到我,而電影武打訓練都好重要,最好加埋有靚仔對手,或者成班cool girls就好有型,哈哈。」而Natalie穿上的黃、白色武術服,原來是媽媽柏安妮的武術戰衣,Natalie笑說:「本來媽咪喺疫情前諗住去新加坡參加武術比賽,但係因為疫情所以去唔到,所以呢件黃色嘅服裝其實係佢嘅,我就話啱啱好喎!」
披媽媽武術服出戰。
Natalie性格乖巧聰穎的個性在行內深受前輩喜愛,其實她自小是品學兼優的學生,最後兩年的中學生涯更獲取了學校全額獎學金,但她為追求自己的演藝夢,不惜放棄獎學金而投身幕前。問她會否感到可惜?Natalie肯定的說:「完全冇後悔!做演員係我人生裏面其中一個最正確嘅決定!嗰陣時都有考慮獎學金呢一方面,不過我同爸爸、媽咪三個都覺得拍戲嘅機會真係好難得,所以就做咗呢個決定,向前行,唔會後悔同遺憾。入咗行後真係得到好多,成個生活變咗,係好多人一生都未必會經歷到嘅嘢,我認識到好好嘅人、去到好好嘅地方,接受好多唔同嘅挑戰,真係成長咗好多。」
Natalie能夠一次過四項目奪冠,實在不容易!