以新曲風展示廣東歌與自己多樣性 陳卓賢配合新歌《夜視鏡》展現壞男孩一面

2023年陳卓賢創作力大爆發，剛推出本年的第5首派台作品《夜視鏡》外！為配合歌曲，形象上更來個大革新，給人耳目一新的感覺。

《夜視鏡》的創作靈感來自夜行性動物、夜間動物等，就好像之前創作《鯨落》一樣，鯨魚為Ian帶來靈感，Ian分享道：「夜間動物的習性，就係大家瞓晒覺、休息緊嘅時候佢哋反而Stay Alert，視野清晰、廣闊，目標明確去搵獵物，而我好喜歡呢種特質，因為保持警醒係冇分晝夜、或者係咪有人睇住你，而係任何時候都有自覺性及警覺性。」

2023年陳卓賢創作力大爆發

形象上更來個大革新，給人耳目一新的感覺。

夜間動物的特性，Ian覺得也很合適套用於形容人性，於是與填詞人T-Rexx溝通，想出了夜觀世界的主題，慢慢同T-Rexx就發展到首歌講述一個人在晝夜、人前人後的分別，《夜視鏡》就是想帶出這種變化。

Ian覺得也很合適套用於形容人性，於是與填詞人T-Rexx溝通，想出了夜觀世界的主題

慢慢同T-Rexx就發展到首歌講述一個人在晝夜、人前人後的分別，〈夜視鏡〉就是想帶出這種變化。

今次《夜視鏡》帶來一首快歌，Ian分享道：「出道不經不覺已經五年，想透過今次曲風，展示自己創作上嘅多樣性，希望能夠將新元素帶到廣東歌，可能亦有人認為將廣東話帶入某啲曲風未係最完美，但我希望俾大家知道，其實係可以。」為配合《夜視鏡》的歌曲概念，Ian在形象上也作出了配合，變得帶點野性，拍攝單曲封面時，更按攝影師的要求，擺出帶點壞男孩的甫士。Ian笑言：「因為首歌講夜晚，好多人同動物野性都走咗出嚟，平時乖乖地嘅我又可以有唔同啲，可以俾到新鮮感大家，不過最主要係好迎合到首歌個畫面。」

Ian在形象上也作出了配合，變得帶點野性

擺出帶點壞男孩的甫士

有feel！

同以前大不相同！

Ian希望樂迷入場純粹享受當下。

陳卓賢Ian一連七場的《IAN CHAN “TEARS” IN MY SIGHT SOLO CONCERT 2024》將於下星期五（7月19日）開鑼，Ian的排練亦進行最後倒數階段。演唱會將至，Ian趁機透露製作詳情，讓樂迷可以事先窺探當中玄機。

Ian個人演唱會排練進行最後倒數階段。

演唱會以「Tears」作為主題，顧名思義，就是以眼淚作主題，Ian詳細介紹道：「今次係以唔同嘅眼淚做主題，所以喜怒哀樂，各方面嘅眼淚、情緒都會存在，所雖歌曲安排都會係圍繞住呢啲情緒，希望大家唔好帶任何前設入場睇，嘗試一入場嗰一刻，就投入當刻環境。唔好諗住入去之前要準備啲咩，要聽啲咩歌做定功課，其實係唔使，純粹享受當下。」

Ian詳細介紹演唱會主題「Tears」的意思。

通常演唱會都會為觀眾帶來驚喜，Ian給大家的驚喜，是要讓大家的耳朵懷孕！Ian道：「編曲上相信會帶到俾大家幾震撼感覺，因為音樂班底陣容鼎盛，樂隊以外，亦有弦樂同管樂，所以好多歌曲，會因應我哋今次會合作嘅音樂班底，重新編曲同調整，相信會為大家帶來一次音樂盛宴體驗，而我自己亦會參與不同樂器演奏部分，大家敬請期待。」

Ian透露給大家的驚喜，是要讓大家的耳朵懷孕！

除了演奏樂器，Ian在今次音樂會當然亦會一展舞技，不過他覺得跳舞已經不是最難Handle的部分，他解釋道：「因為而家跳舞叫做進步咗少少，跳舞方面已經冇咁大壓力，但今次會多咗唔同嘅嘢要兼顧，係需要focus多啲。以往某啲演出淨係負責唱歌，但今次參與部分多咗，就要做每樣嘢都要應付得好啲，focus啲、專注啲。」

亦會在演唱會上一展舞技。

想全情投入Ian的音樂世界，Ian特別給大家點點提示，他說：「大家入場著舒適嘅衣服，最好帶條手巾仔，可能大家會有啲感動嘅。我唔係要迫到大家喊，而係希望大家會體會到當中想表達嘅message，然後relate到自己生活上嘅事情而有啲感受，純粹預備下手巾仔啦！」

Ian提醒大家入場著舒適的衣服，以及最好帶條手巾仔！