【TVB台慶】首參與台慶跳唱《跳舞街》 陳慧嫻錄音偶遇盛讚炎明熹「好得」！

陳慧嫻在《萬千星輝賀台慶》中演唱經典名曲《跳舞街》及去年推出的新歌《回家》。

陳慧嫻今晚（11月19日）現身《萬千星輝賀台慶》作表演嘉賓，首次參與TVB台慶的她表示：「從來台慶都係，我覺得好似係畀電視藝員多啲，因為以前我哋有一個叫《翡翠歌聲賀台慶》，咁嗰個關於歌聲嘅就多次嘅。」雖然是首次參與TVB台慶，但她表示現場與多位藝員一同在台上又唱又跳，所以並不覺得緊張。

影片截圖

影片截圖

影片截圖

影片截圖

影片截圖

影片截圖

影片截圖

問到有否與借着台慶與久未見面的朋友重聚，陳慧嫻表示：「有！好多幕後㗎啦，幕後高手當然有好多啦，好多監製、導演咁......一路錄緊《中年好聲音2》我哋都喺五廠，即係好似細啲嗰個廠，咁我就已經好耐無去過一廠，都唔記得咗一廠係咩樣，咁今日見返個一廠，原來一廠咁深、咁大嘅，咁然之後芷珊（黎芷珊）啦，好耐無見芷珊，另外就係阿姐（汪明荃）啦，我好耐無見阿姐啦、叻哥（陳百祥）啦好耐無見佢。」

影片截圖

陳慧嫻身為《中年好聲音2》評審之一，她透露早前因要登台，所以向TVB請假，短暫離開節目，但現在已經回歸。問到睇好哪位參賽者，陳慧嫻直言：「我有太多睇好啦」，因為每一集每位參賽者的表現都不同，就算一直是大熱，都可能被跑出黑馬取代，所以她希望每位參賽者都能帶給大家有進步、有驚喜的表演！不過，她坦言覺得今季的男參賽者表現更，有幾位女參賽者原本不錯，但臨場發揮失準，導致被淘汰。

影片截圖

提到日前在社交平台貼出與Gigi炎明熹的合照，陳慧嫻透露當時在錄音與對方偶遇，亦是她第一次見Gigi，笑指，「呢個唔係小朋友，我第一次見佢（感覺）：『咁鬼高嘅』，好高啊，我唔知佢咁高㗎原來。咁啊，我覺得佢唱歌唔使講㗎啦，大家都知係好㗎啦！我覺得佢好清秀，咁我鍾意女仔係清秀嘅，我唔鍾意係嗰啲好濃艷咁樣嗰種，我係鍾意清秀型，我心目中我覺得佢係『好得！』」並希望之後有合作的機會。

陳慧嫻IG圖片

寧願一世冇高潮定一日一百次？23號晚話你知慧嫻私密秘密

陳慧嫻《The Fabulous 40 Priscilla LIVE IN HONG KONG 陳慧嫻演唱會》宣布加開1月26日一場！未撲到飛的歌迷，或者想撲尾場飛的，記得12月23日準時上城市售票網買飛啦。

宣布加開1月26日一場！

陳慧嫻將於2025年1月21日開始於紅館舉行40週年《The Fabulous 40 Priscilla LIVE IN HONG KONG 陳慧嫻演唱會》，9年沒有舉辦演唱會，門票反應非常熱烈，為滿足不停求加場的歌迷，慧嫻決定再加開1月26日一場！又為答謝歌迷對她的支持，特別於12月23日晚上，製作了份聖誕禮物送給大家 ，聖誕禮物是 : 《Priscilla Chan The Intimate Live》，23號晚上將於其個人及十多個YouTube、Facebook等等平台上播放。慧嫻會為大家演唱經典歌曲之餘，更會有同今次演唱會音樂總監何丙兩人的私密搞笑傾心事，節目將令大家看到一個意想不到鬼馬又可愛的陳慧嫻。

製作了份聖誕禮物送給大家

今次這個《Priscilla Chan The Intimate Live》，講到 Intimate (私密)，問到慧嫻有幾私密呀？慧嫻表示，何丙係節目入面，問我好多奇怪私密問題，係我從來冇答過。「例如佢問我，寧願一世冇高潮定係一日一百次.....重有咩放屁呀，唔沖涼定唔洗頭呀...我都唔記得咁，剩係記得大家一齊笑到肚痛。23號晚上九點，記得睇啦，到時大家咪知囉。」

今次這個《Priscilla Chan The Intimate Live》，講到 Intimate (私密)

談到演唱會籌備，慧嫻表示，演唱會除左40年以來經典金曲之外 ，還有好多嘢準備中，「一定要唱嘅歌，從來未唱過嘅歌，好努力練緊歌詞，重有好努力排舞中！因為音樂總監何丙嘅編曲非常之咁....勁！咁就搞到舞步都要好多囉。哈哈，咁我都多謝何丙，個編曲係一定令到大家覺得好正嘅。」

談到演唱會籌備，慧嫻表示，演唱會除左40年以來經典金曲之外 ，還有好多嘢準備中

問到慧嫻最期待演唱會時見到什麼畫面？慧嫻話，「我睇人哋啲演唱會，見到歌手叫觀眾開電話燈，一齊燈海咁陪住唱歌。咁多年來我自己演唱會，我冇試過叫觀眾開燈咁做。我其實好鐘意呢種溫馨令人感動場面，我好希望，如果我開騷個日，由頭到尾...由第一隻歌開始，大家搖住個電話燈到最後一首歌，咁我可能真係會開心到喊，哈哈...我知咁搖隻手會好攰，但係我四十週年喎，歌迷大家做啲嘢啦，當送比我，哈哈。」

想要一齊燈海咁陪住唱歌