老公洪永城40歲生日正日報喜 梁諾妍宣布陀第二胎：Sirface no.2出年4月頭見！

恭喜！洪永城梁諾妍再做爸爸媽媽、Sir Face榮升做姐姐！

洪永城（Tony）與梁諾妍（Inez）於2021年結婚，囡囡洪靖嵐（Amber）於同年年尾出世，由於爸爸的強大基因，所以囡囡與洪永城似足餅印，更被工人姐姐戲稱「Sir Face」，加上精靈活潑的性格，深受網民喜愛！日前洪永城被爆再度榮升做爸爸，但當時只笑言「未宣布得住」，並透露，應該好快可以宣布，結果在洪永城40歲生日正日（12月6日），老婆梁諾妍就在社交平台宣布報喜！

洪永城與梁諾妍結婚時，梁諾妍已懷孕4個月。

囡囡於同年12月19日出世。

因為太似爸爸而被工人姐姐戲稱做「Sir Face」。

不過Amber越大越似Mom Face。

梁諾妍在IG貼出拿着超聲波照的溫馨「全家福」及兩公婆的溫馨合照，並留言：「洪爸爸今年嘅生日禮物😌👶🏻唔知道，你上年嘅生日願望係唔係三年抱兩呢？如果係嘅，恭喜你，你願望成真啦🥰決定喺你生日同大家分享呢個喜訊，夠晒meaningful呢。祝你生日快樂，身體健康，健健康康照顧我，照顧Molly 同Sirface，同埋Sirface no2😂相信你嘅基因真係好強大，超聲波嘅寶寶已經覺得好似你😂多謝大家嘅祝福！Sirface no2 ，我哋喺出年4月頭見🥰#babyno2ontheway #一家四口變五口」。

而洪永城亦貼出相同的照片，並然言：「40歲，我嘅生日願望，我嘅家可以成為幸福窩，所有小朋友快高長大，健健康康。@inez_leong 辛苦晒媽咪，嚟緊又多一件啦。」

已經見肚。

其後，梁諾妍又開IG live與網民互動，不少網民都立即留言恭喜，當中有人追問BB的性別，但梁諾妍就表示：「我同洪生都唔知，除咗醫生之外，暫時得契媽先。對上一次陀sir face係 well prepare，好多嘢都係計足晒，唔係意外，等佢出現，但係呢胎反而冇，嗰陣跑完馬拉松，喺3、4月開始試，冇特別去計，係好自然咁自己嚟。」聞言，不少網民都加入討論sir face no.2的性別，梁諾妍似乎就估今胎都是囡囡，笑言陀sir face時肥了、鼻大了、又覺得自己醜了，和現在情況一樣，而媽媽陀她時同樣鼻大了，但陀哥哥和弟弟時肚則是圓的，「所以真係好難講，我哋都冇乜所謂，最緊要係健健康康，BB好活躍，成日都踢我。」此外，又有網民留言問Sir face是否知道自己即將做姐姐？梁諾妍笑說：「我有同佢講媽咪有baby，佢有摸摸我個肚。」

一家四口即將變一家五口！

梁諾妍IG圖片

梁諾妍IG圖片

十分可愛。

洪永城(Tony)與梁諾妍(Inez)日前為大女Amber洪靖嵐（Sirface）慶祝3歲生日，二人在IG分享多張當日派對照，當中大部分是Amber可愛特寫，有網民大讚Amber萌爆。

生日派對好溫馨

擁有洪永城強大基因的Sirface話咁快就3歲，今年洪永城與梁諾妍為她舉辦了一場以恐龍為主題的生日派對，現場更設有魔術表演和波波池，Inez寫﹕「時間過得真快，你是一個很特別的女孩子，當大家萬聖節扮Elsa，你卻說要做巫婆」更希望Amber健康快樂。

好多萌樣

有好多小朋友參加

Amber在生日會上被拍下多張近照，尤其是一張認真許願的特寫照片，令媽媽Inez都忍不住好奇：「#Sirface究竟許緊咩願？」。

好認真許願

食咩食到舔舔脷

小恐龍好可愛

一向愛動物的洪永城與梁諾妍更鼓勵參加派對的朋友可以Sirface的名義捐款支持服務流浪動物的機構以代替禮物，希望將這份善心，由細教導兩位女兒去幫助更多有需要的人和小動物。