黃智雯宣布加盟凱藝娛樂 做朱茵蔡少芬師妹

黃智雯離巢無綫後終宣布新動向。

上月約滿離巢無綫的黃智雯（Mandy），宣布正式加盟「凱藝娛樂」，成為神級花旦朱茵與Ada蔡少芬的同門師妹，日前Mandy為新一年拍攝造型照，對於加盟新公司大叫興奮，表示抱正面開放態度，迎接新挑戰。

黃智雯與無綫結束16年合作關係，馬不停蹄展開新工作。

黃智雯宣布加盟凱藝娛樂。

加盟新公司開拓自我
踏入2024年，Mandy即有新動向，回首過去的2023年，對她來說的確是特別的一年，成為人妻，身份改變，亦因這個身份變化，令她深感要展開人生的新階段，她說：「好想突破自己，跳出框架，嘗試一啲以前未試過嘅嘢！好多人問我係咪會去演多啲舞台劇，當然舞台劇喺我呢兩年嘗試後，畀到我另一種滿足感，我都想繼續開拓舞台劇上嘅自己，不過我覺得自己有更加多可能性，好想同多啲唔同嘅演員合作，多啲火花，對電影、綜藝節目、真人騷等所有嘢抱開放態度，以樂觀、開放，迎接新挑戰！」

黃智雯加盟新公司，為新一年拍攝造型照。

大讚女神Keep得好
加盟新公司，跟朱茵與Ada蔡少芬作為同門，Mandy笑言跟她們早有淵源：「佢哋兩位真心係我好欣賞嘅藝人、女神，其實我哋三個不約而同有相同之處，我同Ada都係Miss HK出道，佢係我師姐，朱茵就係我演藝學院嘅師姐，所以我哋有啲淵源；佢哋又係偶像派，又係女神，非常期待將來我哋可以有更加多合作火花。」問到朱茵與Ada貴為美魔女、神級花旦，作為她們的同門師妹，可有壓力？Mandy說：「好大壓力，點解佢哋兩個可以keep得咁好、咁靚，我自己都要繼續努力學跳舞同唱歌，令自己更fit，keep更好狀況。」

黃智雯成為朱茵與蔡少芬的同門師妹，迎接新挑戰。

老公和好姊妹亦給予支持。

老公姊妹給予支持
老公和好姊妹對於Mandy的新動向亦給予支持，她指：「另一半好支持自己，一步一步走來，佢沿途都畀好多意見，我覺得佢係一個好聰明嘅人，成日都會幫我分析，亦係好好嘅聆聽者及心靈伙伴；而姊妹們更加係唔使多講，我哋姊妹間無論大家有咩決定、有咩去向，都會在心中互相支持。」此外，有網民對於Mandy早前「離巢」感傷感一事，Mandy感激所有支持她的人：「唔使傷感，我仲喺度，好多謝大家喺社交平台留言支持及祝福，每一留言我都有睇，好感動。」

想挑戰拍電影、真人騷。

黃智雯希望透過今次企劃宣揚正能量！

黃智雯（Mandy）自去年底離巢無綫後，近期活躍於個人社交平台，最近更宣布在她的YouTube頻道播出半真人Show企劃，內容以追夢、勇氣及情緒宣洩等為題，她希望透過今次企劃宣揚正能量，將自己在演藝生涯累積的一點一滴回饋支持她的人。

黃智雯（Mandy）自資追夢企劃，發放正能量。

今次神秘派對，黃智雯可謂絞盡腦汁，為粉絲帶來既驚喜又窩心的感覺。

網上徵集題材
一直以來，黃智雯都有一個夢想，就是自主拍一個節目，將正能量帶給身邊的人，然而過去忙於拍劇的她，遲遲未能實踐夢想，如今機會終於來臨，Mandy決定自資企劃拍攝半真人Show節目，並暫定一連五集，早前她在網上作公開招募有關夢想及勇氣等故事，她說：「今次企劃可以話係由零開始，由籌集故事到拍攝，都係落手落腳去搞， 自主性好高嘅拍攝，過程中，最大困難係挑選故事，因為收集咗好多不同類型，每個故事內容都好好，但又唔可以全部拍出嚟，所以係好傷腦筋。」

黃智雯派驚喜，令Fans Leader非常感動。

黃智雯為Fans Leader（右二）送生日驚喜。

半真人Show企劃開始前，黃智雯決定先為支持她多年的Fans Leader實踐夢想，發放驚喜，為對方籌辦神秘生日派對，作為是次企劃嘅前傳！她表示：「咁多年嚟嘅Fans Meeting都係佢哋為我準備、畀驚喜我，我哋可以話係一齊成長，有部分fans更加係我睇住佢哋長大，好似今次Fans Leader咁，佢好似我嘅縮影，佢由以前驚驚青，到而家成為Leader，好似我以前都好冇自信，但為追夢竟然有勇氣放棄空姐入行，入行後亦要有勇氣面對好多人、挑戰好多新角色。」

黃智雯為粉絲親自下廚。

下廚笑料百出
為了今次神秘派對，Mandy可謂絞盡腦汁，除了為粉絲們親自下廚外，亦即場開金口獻唱多首歌曲，當中包括由Fans作曲、填詞的《慢遞》，令粉絲既驚喜又窩心，她說：「呢首歌係粉絲送畀我，當時佢哋用咗我啲角色名去填詞，不過今次我就將啲歌詞再填過送畀佢哋，因為有啲說話都想透過歌詞講畀佢哋知！希望可以憑歌寄意，亦係我第一次嘗試填詞！」Mandy續說，為了今次的驚喜，事前準備了一個月，認真有心。而且係第一次落手落腳，絕對係一個好「黃智雯」嘅節目。

為Fans獻唱之前，黃智雯認真排練歌曲。

黃智雯為粉絲作現場獻唱。

不過難得下廚的Mandy，落廚時卻笑料百出，她笑言：「我係唔熟架步啫，加上對住鏡頭煮嘢食會特別緊張。」Mandy自言平時在家入廚定必關門，老公亦不敢騷擾：「我煮嘢食好似冥想咁，要好寧靜，我通常都會關門，然後上網睇住食譜，自己一個人沉醉喺廚房，唔可以畀人騷擾。」問到老公對她廚藝有何評價？Mandy笑說：「婆婆同媽咪煮嘢食都好叻，我一問，佢哋就會教我點煮，所以我深受佢哋影響，老公可以食到家傳味道，佢係好感激嘅。

黃智雯感激粉絲們多年支持。