陳豪又指加上獎項是由老婆陳茵媺頒發，所以更有意義。
《萬千星輝頒獎典禮2023》圓滿結束，所有獎項都名花有主，陳豪憑《破毒強人》以大熱姿態第四度奪得視帝殊榮，並在老婆陳茵媺接過獎項，陳豪表示：「我諗乜人試過喺自己太太手上面，仲要頒個獎項畀自己，仲要嗰個係叫最佳男主角，咁啊由太太頒畀我嘅話，有多咗份意義，可以話係最佳老公。」
視帝視后分別由陳豪及佘詩曼奪得。（本網記者攝）
本網記者攝
視帝獎項由陳茵媺頒發。（TVB截圖）
問到事前有沒有想過得獎，陳豪坦言：「我係有信心嘅，即係我已經對自己有信心，但係就我唔知上天會唔會畀呢個獎項我，咁今日印證咗，上天都畀埋呢個獎項嘅話，咁咪我覺得成件事好完美。」提到相隔16年再奪視帝，陳豪笑言：「其實今日佢哋唔講我都唔知原來已經係16年定17年前，同埋提名過最佳男主角都有成28次。哇～我諗我呢個紀錄都冇乜人可以破到㗎啦，但調反轉，起碼我隔16年之後，依家證明咗我對做戲嘅熱愛嘅追求係正確嘅，咁我覺得係，呢個就一個獎勵囉。」
本網記者攝
至於老婆陳茵媺會否都想得獎，陳豪就表示：「佢唔同，佢始終都啱啱先返出嚟拍戲，我覺得任何演員都係，佢只要再繼續拍，不斷咁喺度追求，任何演員都一樣，我都話大家都有一個成功嘅點，就大家肯唔肯花時間同埋精神同埋同埋犧牲去等待嗰個成功點嘅來臨。」問到會否繼續支持老婆拍戲，向視后邁進？陳豪表示：「我係支持Aimee繼續去追求自己做演員嗰個道路㗎，咁我覺得最緊要係，唔係下下都係我去同佢一齊拍囉，我希望佢同多啲唔同嘅演員，同好多隊唔同嘅導演、唔同嘅監製，咁先可以打開佢嗰個演員之路。」
本網記者攝
本網記者攝
本網記者攝
《破毒強人》失落最佳劇集，問到會否失望？陳豪坦言有少少，其實我係好鍾意《破毒強人》呢套劇集嘅，我覺得佢好有電影感啊，成部戲，我坦白講，我係覺得唔會有個演員都得好好，因為佢畀大家嘅角色呢，係喺觀眾眼前亦係眼前一亮，咁變左已經好少劇集可以做到呢一個point嘅，其實我上台講嗰兩個點都係一樣，佢可以將一班觀眾好耐冇睇電視嘅人再返嚟睇電視，呢個係佢成功焦點。」
本網記者攝
由徐正康及新晉監製林瑋澄聯合監製、翁善瑩編審的純愛小品劇集《大灣區航空德島米子仙台航線呈獻：虛擬情人》，逢周一至周五晚八點半翡翠台播映，主要演員有王敏奕、朱敏瀚、黃子恆、譚嘉儀、林景程、袁文傑、鄧智堅、楊卓娜、倪嘉雯及周志康等。
視帝陳豪降臨《虛擬情人》，仲要暖男指數爆燈！
視帝陳豪降臨《虛擬情人》，仲要暖男指數爆燈！
《虛擬情人》昨晚（5月1日）播出第四集，劇情講到心地善良、思想單純的Adam（朱敏瀚飾）走出現實世界後，感覺到三名鐵粉心心公主（吳文懿飾）、Audrey（楊卓娜飾）及歐陽潔伊（鄧伊婷飾）似乎各有難處及奇怪點，遂嘗試深入了解三人…其中長期備受肥胖及自卑問題困擾的心心，因暴飲暴食兼亂食減肥藥昏迷送院，因而遇上李文信醫生（陳豪飾）…李文信醫生不忍心心自暴自棄，嚴厲地教訓了心心一餐，最後更給了心心愛的抱抱，場面溫馨。
探班現場
吳文懿IG圖片
場口拍攝當日，無綫娛樂新聞台有派員採訪，陳豪受訪時談到場口有「愛的抱抱」時，佻皮地回應：「我諗我嘅角色就係要畀人攬攬。」又坦言再次穿起《白色強人II》戲服回憶返晒嚟：「我今次主要係要演到醫者父母心嘅感覺，我會教訓同埋鼓勵心心，我都好期待自己可以喺劇入面發揮到咩作用。」而有幸與陳豪同場演戲的，是2022年藝訓班學員吳文懿，對於當時仍是新人的自己有幸與視帝同場演戲，吳文懿坦言一度興奮到手震，她在社交網留言：「記得當初考入藝訓班，已經casting呢個角色，作為咩都唔識、新人演員嘅我，真係好緊張！
好多謝瑋澄監製願意畀機會我，仲要同我細細個睇電視就好鍾意嘅陳豪合作！當收到劇本嗰刻，我攞住電話足足尖叫咗三分鐘（阿媽以為我撞邪XD）記得同Moses哥對戲，對手仲震過打冷震機，佢真係好好人，唔會畀壓力，好Nice咁同我傾偈，畀我好放鬆咁樣去做戲。」
吳文懿演得落力，新人嚟講算係唔錯。
對於陳豪昨晚以《白色強人II》角色李文信醫生客串劇集，網民大表驚喜：「嘩！突然有陳豪，Surprise！」、「片尾字幕寫佢嘅角色真係李文信醫生」、「心心入住咗明城北醫院喎」，亦有網民大讚陳豪抽空客串夠晒畀面！據知，由於劇情監製瑋澄曾為《白色強人II》擔任導演，因而認識陳豪；由於《虛擬情人》是瑋澄處男監製作品，遂膽粗粗邀請陳豪以彩蛋身份客串，豈料陳豪爽快答應演出，認真有情有義。據知，瑋澄還邀請了另一位曾在《白色強人II》中合作過的演員在《虛擬情人》結局周中客串，到底是誰，就要留意接下來的宣傳。
雷雄德客串都好有驚喜
雷雄德客串都好有驚喜
仲有阿Rock何晉樂。
何晉樂雷Sir亦有驚喜客串
其實除了陳豪，《虛擬情人》第二集及第三集亦有藝人驚喜客串演出，分別是第二集的何晉樂及第三集的香港運動科學學者雷雄德雷Sir；雖然是次是雷Sir首度參演劇集，但演出自然又生鬼，相當有Talent，而大感驚喜的網民，則笑言只要是與運動有關的，就會見到雷Sir。至於參加《聲夢傳奇》前曾做過街頭歌手的Rock，對於是次在劇中飾演街頭歌手同樣「回憶返晒嚟」，他接受娛樂新聞台訪問時說：「今日天氣好好，又好有回憶，所以好開心。因為揸住結他唱歌，好近距離咁接觸觀眾，對於雙方都係好深刻嘅感受。」
昨晚一集另外兩大亮點，是王敏奕教朱敏瀚如何放生電，以及楊卓娜在劇中大跳鋼管舞。（這部分將於明天新聞稿再作詳盡報道）對於敏奕以甜美姿態示範如何單眼放電，網民大感受落，笑言「畀家嫂電死咗」。
王敏奕示範「單眼放電」魅力。
娜姐為咗今次跳鋼管舞場口付出咗好多時間同努力架，詳情密切留意聽日發布嘅新聞稿喇。
