《毒舌大狀》獲金像獎10項提名黃子華王丹妮齊爭影帝影后

娛圈事

《毒舌大狀》獲金像獎10項提名黃子華王丹妮齊爭影帝影后

2024年02月06日 21:00 最後更新：21:24

《毒舌大狀》導演吳煒倫表示：「所有演員獎都入晒，我好開心。」

第42屆香港電影金像獎今日（2月6日）公布提名名單，《毒舌大狀》獲10項提名，包括「最佳電影」、「最佳導演」、「最佳編劇」、「最佳攝影」、「最佳剪接」、「最佳美術指導」、「最佳服裝造型設計」、「最佳動作設計」、「最佳音響效果」及「最佳視覺效果」。

點擊看圖輯

《毒舌大狀》

《毒舌大狀》劇照

首度入圍「最佳男主角」的黃子華表示：「好開心，多謝大家支持！」而獲提名「最佳女主角」的王丹妮則表示：「剛剛收到消息，喺今屆金像獎獲得最佳女主角嘅提名，我自己冇估到，覺得好驚喜。今年有好多好出色嘅電影同角色，自己好榮幸可以同咁多位出色嘅人一齊獲得提名，我好感恩。一定要多謝安樂電影，多謝江老闆，多謝監製Ivy，同埋導演Jack（吳煒倫），好多謝佢比呢個機會我，去演呢個咁有挑戰性嘅角色，好多謝拍攝團隊嘅每一位，我好感恩可以同團隊裡面嘅每一位一齊共事。毒舌大狀能夠有咁好嘅成績好多謝每一位入戲院支持嘅觀眾。毒舌嘅每一位都好努力，能夠拎到咁多個提名，我好希望導演、子華，Fish（廖子妤），Renci（楊偲泳），君豪哥都可以攞到獎，另外亦都好期待可以同毒舌嘅團隊一齊行紅地毯，去感受今次嘅盛事。依家嘅我正身處多明尼加共和國，雖然好遠，但都感受到大家滿滿嘅愛同支持，毒舌係我第二部電影，大家見證住我嘅成長。所以好多謝大家，我會繼續努力。」

入圍「最佳女配角」的楊偲泳表示：「感恩！希望大家可以一齊上台，我真係好愛好愛毒舌呢個family！！」同樣憑《毒舌大狀》入圍「最佳女配角」的廖子妤就自言興奮到語無倫次，「呢部戲真係對我嚟講係其中我演藝事業一個幾重要嘅里程碑，《毒舌大狀》除咗喺票房上面得到好好嘅成績，同埋我哋依家喺金像獎又得到咁多項嘅提名。因為真係好開心，我哋團隊當時拍攝嘅時候個合作嘅氣氛都係好開心，每日就係返去就係講緊個劇情，點樣去做得好啲、點樣去完成個角色，咁大家嘅相處又非常之開心。我覺得首先我真係要多謝江老闆，因為佢已經畀咗好好幾次機會我，好幾次都係好好嘅角色，上次我攞獎《梅艷芳》，咁今次毒舌，咁我都好多謝安樂電影，好多謝導演Jack，佢可以有提名係我真係非常之開心，因為同導演係合作得好愉快，我喺導演身上係得到好多力量嘅，同埋要多謝我啲對手，我真係好開心子華可以有個影帝嘅提名，跟住my friend、我嘅好姊妹王丹尼，同埋Renci，即係我哋合作都真係非常之開心，所以我唔知，我好期待我哋一齊著得靚靚，一齊去行紅地氈，一齊去享受金像獎嗰一日囉。」

而獲提名「最佳男配角」謝君豪就表示：「好開心！多謝所有投票俾「金遠山」的電影人，《毒舌大狀》喺舊年年初上映時得到很好的成績，之前亦剛剛亦憑呢個角色拿到新時代國際電影節最佳男配角，多謝大家支持！好開心，另一方面好刺激，因為今年男配角提名高手如雲，能夠有份提名，與有榮焉。多謝導演吳煒倫寫左一個咁好嘅劇本，同埋俾一個咁好嘅機會我去演繹呢個角色，今次《毒舌大狀》獲得10項提名！真系好開心！我會繼續努力，多謝！」至於《毒舌大狀》導演吳煒倫就同時獲提名「最佳導演」、「新晉導演」，他表示：「所有演員獎都入晒，我好開心。」

Tags:

廖子妤戲院

往下看更多文章

破．地獄｜黃子華專業還原殯儀業幕後金燕玲煞科感觸落淚盛讚衛詩雅表現大躍進

2024年11月16日 18:00 最後更新：11月17日 12:27

《破·地獄》票房勢如破竹，上畫6日火速衝破3500萬！

英皇電影2024鉅作《破．地獄》現正上映，由陳茂賢執導兼編劇，黃子華及許冠文（Michael）攜手主演，並搭配9大金像級陣容衛詩雅（Michelle）、朱栢康（朱康）、周家怡、秦沛、金燕玲、韋羅莎、梁雍婷、白只及鍾雪瑩等。自上映以來，《破．地獄》票房成績斐然，打破香港電影開畫日多項紀錄，包括史上香港電影開畫日最高票房、最高累積票房、最高入場人次、最多場次，以及2024中西片單日最高票房。上畫6日票房已經迅速衝破3500萬大關，氣勢如虹。

《破．地獄》聚焦殯儀題材，上映而來掀起全城討論，觀眾透過子華飾演的魏道生一角，了解這個充滿神秘感的行業。近日釋出的幕後花絮中，見到子華戲中親自為猝逝的「蓮姐」金燕玲化妝，子華為求演出逼真，埋位前跟專業化妝師了解每一個步驟，並在拍攝時細心完成消毒、上妝及梳頭等過程，展現一絲不苟的態度。

子華今次開拍前已經做足準備功夫，跟劇組研究大量禮儀師資料，由死人化妝、起回骨殖、安排喪禮等都熟悉箇中流程，子華笑言可以轉行：「我係好慶幸，我參與咗一部好真實，好多research嘅戲，如果我有一日冇得撈，我覺得我都比一般人優勝，去應徵禮儀師呢個崗位。」

此外，子華也提到與秦沛一同拍攝的和合石場景，二人專業地還原整個「執骨」過程，由起墓到打開金塔，為屍塊頭骨消毒等程序都一一展現在大銀幕，子華在現場更跟有關的專業人士交流，驚嘆殯儀業的專業和嚴謹，「執骨係一個好專業嘅工作，佢要從先人執返齊咁多件骨，呢啲係我哋平日睇唔到嘅嘢，我喺呢套戲真係長知識。」子華又讚電影美術組製作，屍塊頭骨等都相當迫真。

金燕玲在拍攝「蓮姐」扮演遺體的場景中亦表現敬業，親自躺入棺木，忍氣不敢大幅動作，力求逼真完成演出。此場戲也是金燕玲的煞科，她特別感觸落淚，並表示：「我係一個好感性嘅人嚟嘅，可以參與到今次工作，我哋付出少少，同到後生一輩合作幫到佢哋，我都覺得係一件好值得嘅事。」

金燕玲更在現場大讚Michelle的出色表現，指自跟對方合作《不日成婚2》後，見證其進步及成長「佢係一個好努力，同希望有成長嘅演員，我會特別珍惜呢種演員。」Michelle在煞科時亦特別向金姐姐獻吻，足見二人感情。今次在戲中Michelle以細膩內斂的演技詮釋文玥一角，演活在停屍間面對「蓮姐」遺體時的動容神情，不少觀眾看得心酸落淚，為其真摯表現深受感動。

此外，隨着電影話題熱度不斷攀升，《破．地獄》海報劇照展繼早前於海港城展出吸引眾多戲迷力撐後，有見反應熱烈，海報劇照展即將於11月16日起強勢回歸，假銅鑼灣羅素街22-24號0 e:ffect Concept Store二樓舉行，再度展出美術大師張叔平親自操刀設計的電影海報和由著名海報設計師方序中的設計的國際版海報。

當然不少得由劇照攝影師小雲拍攝的多張電影劇照、前導及正式角色海報。當中多張從未曝光的電影劇照及製作背後的資訊亦將於展覽期間陸續新增展出。此外，不得不提整個展覽最矚目的，莫過於戲中一件大型紙紮汽車道具，經後期修復後首度在是次展覽中公開，絕對有潛質成為最新熱門打卡點。

同場更有限量精美電影紀念品可供影迷選購，包括特別版紀念郵票、內附全套角色紀念咭的人生黑盒及明信片等，如此精彩的內容，影迷們萬勿錯過！

展出期間：
2024年11月16日至12月8日

營業時間：
星期一至星期五， 12:00-21:00
星期六、日及公眾假期，10:30-21:30

你或有興趣的文章

《毒舌大狀》獲金像獎10項提名黃子華王丹妮齊爭影帝影后

娛圈事