黃貫中為延續大飛的心願，今次歌曲會印製3000隻CD於本月16、17日作慈善義賣。
LMF成員陳匡榮（大飛）去年因病突然離世，消息震驚音樂圈，為紀念亡友，黃貫中（Paul）為大飛創作了一首新曲《一夥》，並找來大飛生前好友鄭中基、何超儀、鄧建明及LMF成員：陳偉雄（阿肥）、麥文威（老占）、梁偉庭（阿庭）、梁永傑（阿傑）及陳廣仁(MC仁)一起灌錄歌曲，而歌曲的打鼓部份，更由C.Y. Kong把大飛的錄音作品剪輯而成，令大飛在這首歌亦參與其中，成為大家的「一夥」。
點擊看圖輯
Paul找來大飛生前好友鄭中基、何超儀、鄧建明及LMF成員：陳偉雄（阿肥）、麥文威（老占）、梁偉庭（阿庭）、梁永傑（阿傑）及陳廣仁(MC仁)等一起灌錄歌曲。
為延續大飛心願，《一夥》會印製CD於本月16、17日作慈善義賣。
黃貫中（Paul）為亡友大飛創作新曲《一夥》。
新歌《一夥》紀念亡友大飛。
捐收益救毛孩
新曲《一夥》MV於今天（1日）在Paul的YouTube頻道首播，Paul表示大飛生前有個心願，希望LMF舉辦一場慈善演唱會，並將所有收益撥捐拯救貓狗的慈善組織，為延續大飛的心願，今次歌曲會印製3000隻CD於本月16、17日作慈善義賣，部份參與製作的單位更會身體力行出席慈善義賣，而義賣收益將不扣除成本，全數撥捐香港拯救貓狗協會、SAA保護遺棄動物協會及毛守救援等三個機構。
對於今次創作新曲《一夥》，Paul直言對於大飛離世，感到十分痛心，他希望透過歌曲抒發心情，在《一夥》中加入大飛的打鼓部分，代表大飛無論在那一個世界，他們仍能繼續夾Band，Paul表示：「佢走咗，我先計數同佢識咗幾耐呢？我係透過細佬介紹而認識對方，佢好有音樂才華，原來我同佢識咗30幾年。」Paul指大飛的音樂才華，令他自己的音樂生色不少，而在Paul即將推出的大碟中，大飛亦是監製之一，Paul遺憾對方未能看到大碟的成績。
Paul找來大飛生前好友鄭中基、何超儀、鄧建明及LMF成員：陳偉雄（阿肥）、麥文威（老占）、梁偉庭（阿庭）、梁永傑（阿傑）及陳廣仁(MC仁)等一起灌錄歌曲。
Paul集合兄弟，成就亡友行善遺願。
難忘一起打拳
提到與大飛的生活點滴，Paul形容對方是無所不談的好兄弟，除了音樂，二人亦會一起打拳，他謂：「就連我搬屋，佢都會嚟幫手，好有義氣，我哋一齊打拳，一齊成為拳館榮譽會長，一齊參加拳賽，呢段時間真係好開心。」
問到在推出《一夥》的過程中，可有遇上困難？Paul表示非常順利，所有事情都一呼百應，而在印製CD的成本上，各人亦各自「籌旗」，未有遇到任何難題，Paul說：「大飛嘅朋友全部都係行動派，我哋一班兄弟就話，邊個『離開』，我哋就會為『離開』嗰個寫隻歌，如果走最尾嗰個就冇人寫歌，所以大飛係幸福嘅。」
為延續大飛心願，《一夥》會印製CD於本月16、17日作慈善義賣。
樂隊Nowhere Boys五子在復活節假期最後一日（4月21）到旺角T.O.P商場舉行Mini Live，為新歌《給失敗者的一封信》進行宣傳。雖說是Mini Live，但Nowhere Boys一共準備了九首歌與在場樂迷分享，更邀請了兩隊年輕的Busker擔任嘉賓，與他們一起分享舞台。
Nowhere Boys在復活節假期最後一日到旺角商場舉行Mini Live。
並邀請了兩隊年輕的Busker擔任嘉賓。
主音阿Van說：「今日搵咗兩隊busker上台表演，其中一隊1AMJAM，仲唱咗我哋嘅新歌《給失敗者的一封信》，佢哋仲重新編曲，我冇諗過首歌可以咁chill，最終我哋都忍唔住，逐個走埋去同佢哋一齊jam，尤其開場前我幫其中一位成員孭起支結他嘅時候，突然有一種傳承嘅感覺。」
主音阿Van
到Nowhere Boys正式出場，他們連串唱出多首經典作品，包括《我們的航海時代》、《放飛之旅》、《票房毒藥》、《地心吸力》以及《地球候機室》，替在場樂迷熱身，接著唱出輕快作品《掹藤》，全場一起歡呼跟著唱，將現場氣氛推上高峰，阿Van續說：「今日最大感受最好玩嘅歌係《掹藤》，開場一連幾首慢歌，當一唱《掹藤》，現場嘅energy好大，我feel到成個商場都震，有一種去咗紅館開show嘅感覺，所以好開心。」
唱出多首經典作品
唱出多首經典作品。
接著唱出《我們的移動城堡》、新歌《給失敗者的一封信》以及壓軸的《天外飛仙》，樂迷興奮得不斷揈毛巾，就連Nowhere Boys底音結他手Hansun的4歲囡囡Eunice，也跟着音樂起舞。場內氣氛高漲，樂迷跟本唔捨得走，不斷嗌encore，最後Nowhere Boys額外送上《無處遊人》，為Mini Live劃上完美句號，「今日算係acoustic嘅演出，但我哋首新歌《給失敗者的一封信》太重型，當要用木結他去演繹，需要重新編曲，保持番佢原有嘅energy同時，又不失acoustic嘅感覺，其他歌都係，今日最後玩咗十首歌，但呢個都係我哋最擅長，喺冇電腦、冇program底下，用大家手上嘅樂器、用人聲造出聲效，用最真嘅聲音去演繹。」
Hansun的4歲囡囡Eunice都跟着音樂起舞。
樂迷逼爆商場。
不斷嗌encore。
提到近日Beyond成員黃貫中在社交網站發文，感謝Nowhere Boys結他手阿Ken，幫他尋回並維修已失去超過三十年的結他，阿Ken解釋在他發現、維修、物歸原主這個長達一年半的過程，彷彿一切都是冥冥之中，「支結他係我一個同我夾開band嘅村民俾我，但送到我手嘅時候已經好多零件壞晒，連螺絲都甩埋，即使我學過整結他，但呢支估計喺1987年出產嘅Steinberger結他，裡面嘅零件我當年冇學過，最後好好彩搵到間廠肯同我重新生產，但啲零件寄到嚟，我都唔識整，要再花好長時間上網搵呢支結他嘅設計圖，再搵師傅整咗四個月。」
黃貫中日前發文感謝Nowhere Boys結他手阿Ken，幫他尋回並維修已失去超過三十年的結他。
阿Ken解釋在他發現、維修、物歸原主這個長達一年半的過程。
雖然重新更換了零件，但結他的音色還未達標，阿Ken坦言心裡很著急，他希望Nowhere Boys可以與阿Paul的結他做一個紀錄，即使音色未盡完美，阿Ken最後還是將這支結他，帶到五子去年十月在西九舉行《US》演唱會的尾場，阿Ken攞起阿Paul的結他上台彈奏《推石頭的人》以及《逃出阿卡拉》，而身為Beyond歌迷的他，更唱出Beyond作品《海闊天空》。
阿Ken（右一）
阿Ken說：「我當日學結他都因為Beyond，好清楚一支結他對結他手有幾咁重要，所以我花咗好長時間再幫支結他調音，希望可以喺阿Paul三月三十一日生日之前，將支結他交番俾佢，因為好多Beyond嘅經典作品，都係用呢支結他彈出嚟，所以能夠完成呢件事，我覺得好感動。」
Nowhere Boys與粉絲合照
Nowhere Boys與粉絲合照
