黎芷珊成《QK玉瑛室》首位喜賓 獲譚玉瑛讚努力兼親力親為

黎芷珊為《QK玉瑛室》打頭陣！

新城知訊台推出全新節目《QK玉瑛室》，由譚玉瑛、何基佑、麥皓兒和黃筠兒擔任節目主持，從多角度探討生活細節，更邀請城中名人作為嘉賓，探討嘉賓不為人知的一面。

黎芷珊

黎芷珊成為《QK玉瑛室》打頭陣的第一位訪問嘉賓，在場幾位主持都表示回憶湧現。譚玉瑛表示認識黎芷珊多年，她是一個既即興而且走得比較前衛的人。黎芷珊：「當年做《430 穿梭機》節目主持，監製成日都話我曬得太黑；又問我可唔可以唔好成日着黑、白、灰色嘅配搭，應該着多啲粉色嘅系列，感覺親民一啲，但我最後都冇妥協！」被問到有關為什麼一眾影壇巨星願意接受黎芷珊的訪問，黎芷珊回應：「因為我做主持人太耐，同埋有好多影壇巨星都係識於微時，佢哋知道我嘅訪問習慣，唔會專登揭佢哋嘅瘡疤，所以建立咗互信嘅關係。」

左起：何基佑、譚玉瑛、麥皓兒

左起：何基佑、譚玉瑛、麥皓兒

《QK玉瑛室》

《QK玉瑛室》

譚玉瑛表示黎芷珊是一個很努力工作的人，做事親力親為，黎芷珊回應：「四月即將會推出一個全新嘅訪問節目，我會成為監製，改變舊時對談式嘅訪問。今次會專注訪問唔同類型嘅歌手，仲會跟埋佢哋去唔同地方巡迴演唱，一邊做訪問。」被問到在訪問過程當中的一些趣聞，黎芷珊：「有一位歌手臨開show前幾日就會唔講嘢，對我嚟講係一個好大嘅挑戰，係邊位我就同大家賣個關子先！」大家都一直討論，想知道主角是誰？！黎芷珊及譚玉瑛玉均表示有計劃與各位戰友再合作：「同阿Ben（黃智賢），麥包（麥長青）成日都講，不如大家再合作，以主持方向或飲食方向一齊做一啲搞作出嚟！」

走進當今世界戰火最激烈的兩個戰場—烏克蘭以色列/巴勒斯坦聆聽戰爭故事

台慶全新綜藝節目《戰場上》，由曾獲最佳節目主持的黎芷珊擔任主持，一共十集逢周一至五晚上10點半翡翠台播映。今晚（5日）《戰場上》播出第二集，主持黎芷珊去到烏克蘭的博羅江卡、伊爾平及基輔，以第一身視覺探索被戰火摧毁了的建築物現況，並訪問了因戰爭受到嚴重影響的烏克蘭家庭，當中不但有原本充滿希望的年青人，還有天真無邪的小朋友，及被逼「落單」的已婚女性。面對眼前被炸至體無完膚的民居及建築、一個又一個滿地頹垣敗瓦、但同時又充滿生活痕跡的荒廢單位，芷珊按捺不住內心的激動說：「對我嚟講呢個畫面好震撼。」除了眼前瘡痍滿目的景象，歷盡戰火之苦的烏克蘭平民的心聲，亦令芷珊為之動容。

21歲Olena：我冇計劃，因為我唔知道今日我計劃咗，聽日我仲有冇命喺度

現年21歲的Olena，在戰爭爆發前過著自由自在的獨居生活，但一場戰爭不但摧毁了她的家園、還摧毁了她對未來的希望及對生活的熱誠。Olena憶述在戰火爆發一刻，她沒有選擇逃亡、反而是獨留在伊爾平的家，經歷了為期九天被炸彈密集式炮轟的日子。Olena邊向芷珊展示當時實時拍下的大型建築物及民居被炸畫面外，還展示了於2022年3月某天凌晨、記錄的炸彈發射時間，短短一、兩個小時內，有十至二十個轟炸記錄。Olena指出對炸彈聲的熟悉程度，足以令她區分得出「射埋嚟」及「射出去」的分別。經歷了驚心動魄的九天後，Olena感嘆有感人生經已停擺，每天能有命醒來已是最大的感恩：「我冇計劃，因為我唔知道今日我計劃咗，聽日我仲有冇命喺度。你去瞓覺，然後起身擘大眼之後，你會（深呼吸一口氣）：『我仲喺度，好好』。」戰爭亦令Olena覺得身外物不重要：「我唔想再買嘢，因為我唔需要，如果你再去一次布查或伊爾平，你會知道你真正需要嘅係護照同電話。」

炮火中的家 年青的Olena

炮火中的家 年青的Olena

炮火中的家 年青的Olena

曾經歷逃亡的9歲Vova：很高興回到烏克蘭，即使什麼都爆炸，我也要留在家

芷珊另外還訪問了單親媽媽Olexandra及只有9歲的小男孩Vova及其母親。Olexandra的丈夫是軍人，戰爭爆發後，Olexandra與當時只有六歲的女兒長時間躲在地下室，她說：「有我識嘅人炸死咗，真係好得人驚，啲經歷過二次世界大戰嘅老人家，甚至話馬里烏波爾嘅情況更為惡劣，城市四周圍都有人被埋葬。」並謂女兒現在聽到行雷聲會恐懼：「佢仲好驚行雷，以為係轟炸。」苦等2年終等到丈夫回來的Olexandra，想不到丈夫竟以「想生活得更充實，想有更加多女人」為由提出離婚。

現已返回烏克蘭的Vova，六歲時因逃避戰亂與媽咪一起逃亡往愛爾蘭，他憶述難忘出境當日現場媽媽與其他人都在哭，並謂當時離開烏克蘭後，每日都很掛念爸爸和嫲嫲：「每一日我都好掛住佢，我喊咗好多次，我好掛住屋企人，我打好多電話畀嫲嫲，我哋會傾兩個鐘頭電話。」對於相隔兩年多終可與最愛的家人團聚，Vova坦言很開心：「很高興回到烏克蘭，即使什麼都爆炸，我也要留在家。一日有幾多次警報都冇所謂，我都想留喺度，因為我屋企人喺呢度，我啲朋友喺呢度。」Vova更應要求即場示範現在如何每次見到爸爸，都會高興地飛撲往對方身上，畫面溫馨。

*攝製隊在安全的地域進行採訪，目的是實地反映戰爭讓人民帶來的災難，我們期望戰爭終止，實現世界和平。