香港搞「綠色+健康」特色遊有得諗 再拓中東客打造「穆斯林友好」目的地

旅發局在今次財政預算案中獲得支持，政府俾足資源去推動旅遊，但要做的內容亦多咗好多。

煙火、無人機表演將於5月開始推出。

大家都比較關心的煙火、無人機表演，預計5月份響頭炮，旅發局更致力拓展多元旅遊。

幾百人同時在維港兩岸做瑜伽，體驗都幾特別。

活動仲有星級 KOL 導師坐陣。

近日旅發局就成功推出「HK Great Outdoors Festival」，將運動教學、城市體驗、郊遊結合為一，逾200名南韓遊客參加香港主題遊，體驗在維港兩岸瑜伽和夜跑，又到石澳龍脊遠足，城市郊遊一網打盡。活動亦邀得星級 KOL 導師坐陣，同時委聘專業攝影師，替團友打卡留念。

香港很適合搞運動、健康主題旅遊。

Sebastian聽業內人士講，這類特色深度旅遊吸引的大多都是高消費的遊客，而針對如今好興的運動、健康主題旅遊，其實香港是一個好適宜的旅遊目的地，可以大大力推廣「綠色+健康」的特色旅遊項目。

旅發局將進一步推廣香港成為「穆斯林友善」旅遊目的地。

另一方面，旅發局亦不斷開拓新的客源，包括跟業界合作進一步加強穆斯林旅遊的基礎設施，進一步推廣香港成為「穆斯林友善」旅遊目的地，以及開拓具潛力的市場。

旅發局將進一步推廣香港成為「穆斯林友善」旅遊目的地。

「一帶一路」沿線共有65個國家，其中近半數為伊斯蘭國家。據透露，旅發局邀請認證機構制訂穆斯林認證準則，並邀請穆斯林地區媒體代表親身訪港，參觀本港的「穆斯林友善」設施。

旅發局網頁上，亦會整合一系列為穆斯林旅客而設的香港資訊，包括美食、酒店住宿、本地文化以至適合穆斯林旅客參與的活動。另外還將邀請本地穆斯林組織為業界舉行簡報會，協助業界掌握更多清真友善的體驗。

Sebastian

** 博客文章文責自負,不代表本公司立場 **

社區無小事，關愛隊秉持以人為本的精神，服務社區，贏得市民肯定之餘，更吸引受助者加入，為社區奉獻一份力量，助人助己。

民青局副局梁宏正同民政事務總署署長杜潔麗早前帶埋黃大仙民政專員胡鉅華同埋區議員雷啟蓮，聯手新蒲崗關愛隊舉辦「以塑換植」大行動。過70位街坊齊齊落泥種盆栽，有公公婆婆、一家大細，連少數族裔家庭都玩埋一份。

今次活動，最抵讚係關愛隊今次搵嚟生力軍Jackie幫手。原來後生仔Jackie早排先至係受助人，佢住嗰幢大廈電錶箱燒咗，成棟樓黑掹掹。關愛隊即刻殺到，喺地下擺檔報料，仲孭住樽裝水同餅乾逐家拍門，行動不便嘅長者飯盒都親自送埋上樓，仲安排街坊去體育館沖涼，非常周到。

因為得到關愛隊嘅協助，受到隊員無私奉獻嘅精神影響，Jackie繼而加入關愛隊嘅行列服務社區。

化身「街坊充電寶」嘅Jackie話，宜家成為一名關愛隊義工，為呢個社會出返小小力，可以得到人哋嘅讚賞同埋認可。「我會慢慢學習幫助別人，為他們帶來溫暖。」

講開又講，新蒲崗關愛隊嘅服務真係相當貼地。區內多舊樓，佢哋定期幫街坊整水喉、補牆身；見到少數族裔搞唔掂證件同健康檢查，關愛隊即刻搵埋翻譯，安排義工幫手填表申請通行證。

參與現場活動嘅Numan話，上年關愛隊幫咗佢哋好多次，關愛隊嘅存在令到大家開心、安心。

新蒲崗居民王婆婆大讚：「關愛隊經常來探訪，就像子女一樣關心老人家。」

關愛隊凝聚每一區嘅力量，呢股互相守望相助嘅暖風，正吹勻十八區。

民青局副局Clarence樂見有街坊由受助者變為義工，加入關愛隊為地區服務。