梁諾妍卸貨在即親自操刀影孕照 大方分享「長胎不長媽媽肉」秘訣

梁諾妍在IG貼出一輯自己拍攝的大肚寫真，又大方分享「長胎不長媽媽肉」的秘訣！

洪永城（Tony）與梁諾妍（Inez）於2021年結婚，囡囡「Sir Face」洪靖嵐（Amber）於同年年尾出世。梁諾妍於去年老公生日當天宣布懷第二胎，將於今年4月就迎來「Sir Face 2.0」。卸貨在即的梁諾妍近日在社交平台貼出一輯大肚寫真，並大方分享「長胎不長媽媽肉」的秘訣！

一家五口好幸福。

梁諾妍卸貨在即。

梁諾妍陀第一胎時請來專業團隊到影樓拍攝，但今次因為時間倉促，所以無暇出去影孕照，但又難得有些想法，於是匆匆和好友買了日落燈及Bra Top，花了一小時在家中拍了一輯低成本的型格孕照。相中可見，雖然梁諾妍孕肚巨大，但四肢依然纖幼，上圍亦明顯升Cup，不少圈中好友和網民都留言大讚「索媽」、「型媽」！

梁諾妍分享親自操刀的孕照。

肥肚不肥人，四肢依然纖幼。

梁諾妍又表示，「陀2.0最多人同我講嘅係『嘩點解你一啲都唔腫唔肥，第一胎都明顯肉好多，你就好啦陀得咁輕鬆』。其實，陀BB都唔係大家想像咁輕鬆㗎，今胎的確比第一胎輕，現38週都係重咗差唔多22磅倒，比生Sirface時重量係30磅都差好幾磅，但係2.0長胎比家姐好～出世都會比家姐重。不過今胎比第一胎都辛苦幾多，成個孕期中咗3次流感、新年後再中埋covid（冇咩藥可以食，只可以自然療法），呢2日仲要腸胃炎係咁屙到脫水發燒。而今胎胎盤高啲，就成日頂住個胃，搞到食多少少就想嘔，但係撇除呢啲，當然我飲食習慣同第一胎係有分別嘅。」

梁諾妍分享陀「2.0」的過程。

直言今胎比第一胎辛苦幾多。

梁諾妍還大方分享「長胎不長媽媽肉」的秘訣，「今胎係行168+高蛋白質少碳水+適量運動！（所以今次真係長胎不長媽媽肉～）雖然成日都好想飲珍珠奶茶，但係我嘅珍奶都會嗌無糖/微糖，純粹過下口癮。」最後，她表示：「講咗咁耐，都係想讚美一下所有媽媽，媽媽真係好偉大，十月懷胎嘅辛苦感受到晒。不過所有野都係值得的，寶寶健康就係父母最想見到嘅，除咗要錫自己媽媽多啲，所有老公一定一定要再錫老婆多啲呀！！！！」

大方分享「長胎不長媽媽肉」的秘訣

之後，梁諾妍再分享多一輯親自操刀的孕照，今次連老公洪永城都有份影，仲扮老婆陀B，令梁諾妍爆笑的表示：「睇到最後有彩蛋！真係忍唔住，見1次笑10次#有feel有feel」。此外，梁諾妍又於IG Story分享Sir Face 2.0超聲波圖，可見洪永城基因強大，連她也忍不住再一次驚嘆「2.0無誤」！

梁諾妍再分享多一輯孕照。

梁諾妍再分享多一輯孕照。

梁諾妍再分享多一輯孕照。

洪永城都有份影，仲扮老婆陀B。

梁諾妍又分享了Sir Face 2.0超聲波圖。

梁諾妍就回覆老公：「跑步schedule入面有你」。

梁諾妍（Inez）與洪永城（Tony）結婚後先後誕下兩個「Sir Face」囡囡，平日除了工作和湊女，熱愛運動的梁諾妍一有時間就會外出跑步，但近日她就被猛烈的太陽「打敗」！

梁諾妍兩個囡囡都遺傳了爸爸洪永城的強勁基因。

梁諾妍熱愛運動，一有時間就會外出跑步。

老公都有一齊跑。

梁諾妍在IG貼出跑步照，並留言：「照顧女女同工作同跑步都一直努力manage中，今朝諗住plan好一早7點朝活嚟個120min LSD（長距離慢跑Long Slow Distance），6點Sirface唔知係咪發惡夢係咁叫媽咪，陪佢瞓返安撫完已經8點，8點其實太陽已經出來了，呀但係今朝唔跑就之後同明早冇時間跑，唔理啦出咗門口就當贏，目標都係120min嘅，開跑已經31度好似冇咗半條生命bar咁
最後，俾個太陽打低咗，100min已經係盡晒力，下次真係唔敢8點後開跑，而家努力敷返啲蘆薈補濕mask降返溫先，然後繼續湊女。」

梁諾妍原本計劃跑120分鐘，但被太陽「打敗」，只跑了100分鐘。

相中可見，梁諾妍穿著運動背心和短褲，大晒健康膚色，雖然戴著cap帽，但她仍被太陽曬到要瞇起雙眼，可想而知當日的太陽有多麼猛烈！不少網民看過梁諾妍的帖文後都紛紛留言為她加油打氣，但老公洪永城就呷醋老婆在帖文中沒有提及他，「你係咪唔記得咗我？」梁諾妍即氹返老公：「跑步schedule入面有你🤪」。

好曬啊！

老公洪永城呷醋。