張天穎Jaime全新廣東歌《低調》 籌備兩年父女合作

Jaime入行兩年以來最大製作的一次，完全是因為想同爸爸有個共同難忘的回憶作紀念

張天穎（Jaime）全新廣東歌《低調》3月28日上架，為突顯電子曲風揉合中國風元素，特別請來親爸爸為歌曲featuring彈奏琵琶！Jaime有歌曲《低調》的構思，是來自爸爸經常教她做人要「低調」，所以，她便有感而發，將學習「低調做人 高調做事」這個哲學寫成一首歌，並請爸爸一齊合作，「其實前後都搞咗兩年，爸爸好鍾意彈琵琶，我覺得佢彈得好叻，所以我就請佢合作，佢最初都會問『得唔得㗎？會唔會好難？』，我就同佢講，新歌前奏節錄咗《彝族舞曲》少少嘅片段，係爸爸識彈嘅，佢知道後就放心好多，接受咗我嘅邀請！」

張天穎（Jaime）全新廣東歌《低調》28日上架

特別請來親爸爸為歌曲featuring彈奏琵琶！

Jaime有歌曲《低調》的構思，是來自爸爸經常教她做人要「低調」

爸爸好鍾意彈琵琶

《低調》的MV，是Jaime入行兩年以來最大製作的一次，身為獨立歌手，自己投資拍攝，捨得投放在入，完全是因為想同爸爸有個共同難忘的回憶作紀念，「我覺得同爸爸好難得有個咁嘅合作，加上爸爸成日同我講，要做就要做到最好，所以今次我就曬冷，基本上我將賺到儲落嘅錢，都放咗喺呢首歌嘅製作同拍MV上面，畫面同音樂上都豐富咗好多，成為咗我同爸爸畢生難忘嘅project！」《低調》是由T-Ma監製，Jaime與PurpleNacho一同編曲，再由Jaime包辦作曲及填詞，最後成為一首由琵琶輪子彈奏出充滿少數民族的氣息，再穿梭到現代型格的電子舞曲。Jaime笑言：「我發覺曲、詞、編、監如果自己做晒嘅話，真係會慳好多錢，但係，而家有T-Ma幫我做監製，PurpleNacho同我一齊編曲，令我學到好多嘢，令到首歌更加立體，使多啲錢都係值得嘅。」

《低調》的MV，是Jaime入行兩年以來最大製作的一次

身為獨立歌手，自己投資拍攝，捨得投放在入，完全是因為想同爸爸有個共同難忘的回憶作紀念

Jaime花了近半年時間練舞，配合《低調》的電子舞曲，希望令樂迷耳目一新！拍攝MV當日，先於南生圍晚上取景拍Jaime與舞蹈員齊齊跳舞的部份，之後在灣仔租了一間富有特色的火鍋店拍通宵，拍足十七小時，一絲不苟。今次MV，Jaime找來波仔Boris操刀，爸爸有份參與拍攝，媽咪雖然沒有上鏡，但卻陪住Jaime父女捱通宵，令MV背後飽滿愛。

Jaime花了近半年時間練舞，配合《低調》的電子舞曲

先於南生圍晚上取景拍Jaime與舞蹈員齊齊跳舞的部份，之後在灣仔租了一間富有特色的火鍋店拍通宵

MV片段

MV片段

Jaime的新歌《doot doot》是講自愛，「人有高低起伏嘅時候，所以要擁抱情緒，認識自己需要啲乜，一切就會變好。」

張天穎（Jaime）今年3月推出跳唱歌曲《低調》，以電子曲風揉合中國風元素，更請來親爸爸為歌曲featuring彈奏琵琶，成功受到樂迷留意，Jaime很感恩見到樂迷喜歡。相隔4個多月，Jaime推出自己作曲、填詞、編曲及監製的全新歌曲《doot doot》，請來好友Y.Siu合作編曲，是首曲風Lofi、很chill，講自愛的一首歌，Jaime說：「好多時候我哋唔開心，我好需要一個人去消化，慢慢習慣咗一個人嘅節奏，一個人嘅生活，為咗去搵返個平靜，唔想有任何人或受任何嘢影響到，會驚改變或無端端有個人出現，我都會一律踢走佢哋。」

Jaime推出自己作曲、填詞、編曲及監製的全新歌曲《doot doot》。

《doot doot》是首曲風Lofi、很chill，講自愛的歌。

曾經害怕期待，怕會失望，Jaime說：「其實睇番轉頭，呢啲情緒只不過係過雲雨，嚟一嚟就會走，所以我唔使驚咁多，想喊就喊，有人嚟拍下你膊頭，咪一齊笑下囉，可能係part of healing嘅過程。我相信一切都會變好，人有高低起伏嘅時候，所以要擁抱情緒，認識自己需要啲乜，一切就會變好。」

觀看相關影片按連結：https://youtu.be/rNKYDBYEZoM

去年底開始，Jaime開始了一個名為「本故事不純屬虛構」的project，而《doot doot》是project第一集的第一首歌，Jaime說：「首歌都作咗幾耐，但一直都冇詞，之前去台北旅行時，有幾日一個人周圍行，唔做嘢好唔自在，諗住作咗呢首詞，坐咗喺一間咖啡店度避雨，就完成咗呢份詞。」而《doot doot》這首歌，是Jaime第一次去做街訪，問路人畀幾粒音時得到的，「問路人畀幾粒音，再將佢延伸落去，當時好多人留言話想聽個原整版，而佢好似我一個成長，我以前好驚行出街同陌生人講嘢，但呢個project令我打破咗個關口。」

《doot doot》是「本故事不純屬虛構」第一集的第一首歌。

《doot doot》亦是Jaime第一次做街訪得到的「幾粒音」。

「本故事不純屬虛構」令Jaime打破伯行出街同陌生人講嘢咗個關口。

至於飛去台北拍MV，是因為《doot doot》份詞是在台北完成，所以，Jaime才特意安排到台北拍攝歌曲MV，講到難忘事，Jaime說一定是人生第一次租水車拍MV，「上次去台北因為落雨，所以去咗間咖啡店避雨，當時將呢個情景寫咗份歌詞，咁拍MV時，導演租咗架水車，拍我要避雨，所以拍嘅時候係濕住身大半日去拍。」Jaime指拍攝組的工作人員很好，每次見她濕透身，會立即拿毛巾不停為她抹身，令她感到很窩心。

今次更是Jaime人生第一次租水車拍MV。

與工作人員合作愉快！

因為MV拍攝得比較moody一點，為配合當中的情節，Jaime需要流眼淚，拍之前她一直擔心自己流不出眼淚，拍攝組亦為她準備定眼藥水，隨時製造假眼淚，但結果卻令她很意外，她說：「原來越來越入戲，現場咁多工作人員，我好難喺咁多人面前喊，但我喊到，唔使用支眼藥水！」

MV中Jaime需要流眼淚，拍之前她一直擔心自己流不出眼淚，但結果卻令她很意外。

Jaime笑言：「唔使用支眼藥水！」

另外，8月22日生日的Jaime，歌迷會日前為她慶祝搞生日派對，近年Jaime因為工作忙少了與fans聚會，所以，特別抽了半日時間與他們見面，一齊玩遊戲、唱歌、簽名及合照，收到不少fans送的禮物，Jaime說：「佢哋好錫我，收到佢哋寫畀我嘅信最感動，我返屋企睇，睇到眼濕濕。」不過，最令fans喜出望外的，是估不到Jaime真的將三粒音project的第一首歌，創作成為一首完整歌曲，紛紛向Jaime表示，這個project要一直做落去。

歌迷會日前為Jaime搞生日派對。

Jaime特別抽了半日時間與fans見面。

Jaime最感動到是收到fans寫的信，更「睇到眼濕濕」。