張天穎Jaime全新廣東歌《低調》 籌備兩年父女合作

Jaime入行兩年以來最大製作的一次，完全是因為想同爸爸有個共同難忘的回憶作紀念

張天穎（Jaime）全新廣東歌《低調》3月28日上架，為突顯電子曲風揉合中國風元素，特別請來親爸爸為歌曲featuring彈奏琵琶！Jaime有歌曲《低調》的構思，是來自爸爸經常教她做人要「低調」，所以，她便有感而發，將學習「低調做人 高調做事」這個哲學寫成一首歌，並請爸爸一齊合作，「其實前後都搞咗兩年，爸爸好鍾意彈琵琶，我覺得佢彈得好叻，所以我就請佢合作，佢最初都會問『得唔得㗎？會唔會好難？』，我就同佢講，新歌前奏節錄咗《彝族舞曲》少少嘅片段，係爸爸識彈嘅，佢知道後就放心好多，接受咗我嘅邀請！」

張天穎（Jaime）全新廣東歌《低調》28日上架

特別請來親爸爸為歌曲featuring彈奏琵琶！

Jaime有歌曲《低調》的構思，是來自爸爸經常教她做人要「低調」

爸爸好鍾意彈琵琶

《低調》的MV，是Jaime入行兩年以來最大製作的一次，身為獨立歌手，自己投資拍攝，捨得投放在入，完全是因為想同爸爸有個共同難忘的回憶作紀念，「我覺得同爸爸好難得有個咁嘅合作，加上爸爸成日同我講，要做就要做到最好，所以今次我就曬冷，基本上我將賺到儲落嘅錢，都放咗喺呢首歌嘅製作同拍MV上面，畫面同音樂上都豐富咗好多，成為咗我同爸爸畢生難忘嘅project！」《低調》是由T-Ma監製，Jaime與PurpleNacho一同編曲，再由Jaime包辦作曲及填詞，最後成為一首由琵琶輪子彈奏出充滿少數民族的氣息，再穿梭到現代型格的電子舞曲。Jaime笑言：「我發覺曲、詞、編、監如果自己做晒嘅話，真係會慳好多錢，但係，而家有T-Ma幫我做監製，PurpleNacho同我一齊編曲，令我學到好多嘢，令到首歌更加立體，使多啲錢都係值得嘅。」

《低調》的MV，是Jaime入行兩年以來最大製作的一次

身為獨立歌手，自己投資拍攝，捨得投放在入，完全是因為想同爸爸有個共同難忘的回憶作紀念

Jaime花了近半年時間練舞，配合《低調》的電子舞曲，希望令樂迷耳目一新！拍攝MV當日，先於南生圍晚上取景拍Jaime與舞蹈員齊齊跳舞的部份，之後在灣仔租了一間富有特色的火鍋店拍通宵，拍足十七小時，一絲不苟。今次MV，Jaime找來波仔Boris操刀，爸爸有份參與拍攝，媽咪雖然沒有上鏡，但卻陪住Jaime父女捱通宵，令MV背後飽滿愛。

Jaime花了近半年時間練舞，配合《低調》的電子舞曲

先於南生圍晚上取景拍Jaime與舞蹈員齊齊跳舞的部份，之後在灣仔租了一間富有特色的火鍋店拍通宵

MV片段

MV片段

大方晒愛！

遊樂園是大家心中的夢幻之地，不論年齡和國界，它都滿載着一段段動人回憶。聖誕將至，ELEMENTS圓方呈獻「DELIGHT-GO-ROUND」聖誕遊樂園，讓大家在濃厚聖誕氣氛包圍下，感受美好歡樂時光。由即日起至2025年1月1日，燈火閃亮五光十色的聖誕遊樂園在ELEMENTS圓方登場，誠邀大家約定身邊人前來 -- 與友人重拾兒時無拘無束的簡單歡樂；與戀人重溫在旋轉木馬上的甜言蜜語；與家人重編天倫之樂的難忘片段。在流連忘返的旋轉木馬及閃耀奪目的摩天輪下，盡情投入醉人的聖誕氣氛，寫下一段又一段的美好回憶，祝願大家既感受聖誕的溫暖，更不忘與摯愛一起刻畫愉悅回憶「ELEMENTS. Always A Delight」。

ELEMENTS圓方邀請到陳毅燊（ANSONBEAN）和張天穎（Jaime）以情侶檔身份甜蜜現身商場活動。

二人今次首度以情侶身份為商場活動拍攝宣傳短片，把握機會寓工作於娛樂，鏡頭前後均十分甜蜜！

今日ELEMENTS圓方邀請到ANSONBEAN 陳毅燊和張天穎（Jaime）以情侶檔身份甜蜜現身商場活動。一向愛得公開大方的ANSONBEAN與女友Jaime將迎來拍拖後的首個聖誕，拍攝時亦難掩開心笑容！二人今次首度以情侶身份為商場活動拍攝宣傳短片，把握機會寓工作於娛樂，鏡頭前後均十分甜蜜！在外國讀書的Jaime指一向喜歡充滿節日氣氛的聖誕節:「細細個開始就已經好鍾意聖誕節！呢個節日一直都帶到俾我好浪漫好甜蜜嘅感覺，周圍都會充滿住好靚嘅聖誕裝飾，特別係聖誕樹。今次ELEMENTS圓方嘅裝置周圍都有大大小小、唔同造型嘅聖誕樹，再配搭埋呢個咁夢幻嘅旋轉木馬，大家都記得去影吓相感受吓，許個聖誕願望。」ANSONBEAN聽到後表示十分同意：「頭先都己經同佢（Jaime）驚嘆咗好多次，真係未見過商場有旋轉木馬，聖誕過嚟影相打卡真係啱晒！仲有人生四格照相館，可以留低同另一半或者朋友嘅珍貴回憶，希望大家可以一齊支持吓！」二人續指十分高興能獲邀參與活動：「呢段時間大家都忙，所以好開心今次商場邀請一齊出席活動，都叫做一齊提早迎接聖誕節！」

ELEMENTS 圓方金區中庭內設有「TAKE A CHRISTMAS SNAP」照相館，到訪聖誕遊樂園之際，跟摯愛及親朋好友一同拍下趣味鬼馬的瞬間，留下今年聖誕專屬回憶。

兩位亦藉機鼓勵現場人士記得要趁住聖誕帶同另一半和小朋友來ELEMENTS圓方來一場甜蜜約會。

至於被問到是否有計劃如何度過聖誕佳節，Jaime就指為自己安排了「重要任務」：「就係斷捨離！每近年尾就好想留喺屋企，最好嘅活動就係執屋！同埋都想多啲時間陪屋企人、見吓外國返嚟嘅朋友。」ANSONBEAN就指自己未有特別計劃，但就會趁放假捉埋Jaime來ELEMENTS圓方睇戲二人世界。男方亦首度透露來年的工作計劃：「除咗固定嘅音樂工作，同時間嚟緊下年年頭會有部喜劇（集）播出街，同埋之前拍嘅動作戲都會即將喺下年上映，所以過咗2024年都會有好多刺激嘢發生，大家可以期待吓！」至於身為人氣唱作女團Beanies一份子的Jaime除了團隊工作，亦積極活躍於個人發展，最近推出全新音樂作品《唯獨我是不可取替》的她就希望大家可以多多支持：「由搵靈感、創作到推出已經用咗好長時間，嚟緊都會同朋友合作出一首聖誕歌，希望大家鍾意。」最後兩位亦藉機鼓勵現場人士記得要趁住聖誕帶同另一半和小朋友來ELEMENTS圓方來一場甜蜜約會，除了體驗今次以夢幻遊樂園為主題的特色裝置之外，亦可潮玩場內的「TAKE A CHRISTMAS SNAP」照相館，與摯愛親朋留下愉快回憶。

在外國讀書的Jaime指一向喜歡充滿節日氣氛的聖誕節。