港女大埔搭小巴驚見成車曱甴 司機一句離譜解釋激怒網民

有曱甴出沒的地方乾淨極都有限，更何況是有很多曱甴！日前有港女在大埔搭小巴，驚見成車都是曱甴，無論坐咩座位都見到，司機得知後竟咁回應，令她感到非常無奈！

示意圖。設計圖片

事主不停調位都見到

事主日前於社交平台出帖表示，當日她在大埔搭了一架「曱甴車」，那架是來往大埔墟一帶的25A專線小巴。上車後，她驚覺「成車坐去邊都係曱甴」她表示當時已經好夜，車子裏包括她只有兩名乘客，雖然她當時不停調位子想避開曱甴，怎料去到邊都有，而且她形容是「好多」，非常可怕。

示意圖。《那夜凌晨，我坐上了旺角開往大埔的紅VAN》劇照。

司機竟然咁講......

當時司機見到，竟然向她做了以下解釋「曱甴都唔咬人，唔驚！」跟着又說「清潔唔係佢哋責任，所以唔會理」而且認為即使向公司反映，「都唔係佢既責任。」令她相當無奈。司機表明「唔會處理，亦唔會同公司講」。所以她只好出帖提醒各位「大家坐車，就睇清楚啦。」她還細心地在帖文中附上該小巴車牌的相片。

FB圖片

女事主忍無可忍最終舉報司機

好多網民都被司機一番解釋嚇倒「唔好黐線啦！」「唔係掛？！」「唔咬人唔驚，佢又知，睇嚟啲曱甴係佢養。」但有網民指其實曱甴是會咬人的，更分享了自身的經驗「我起餐廳畀曱甴咬過，好痛！」亦有網民指司機可能違法「運輸署有寫，保持車廂清潔，係司機責任。」有網民就擔心「最驚爬上身，跟埋返屋企」更有人建議女事主其實可以向運輸署舉報「呢D問題，見一次就要1823一次。」而其後女事主亦透過網上，舉報了該名司機，並附上截圖。

示意圖。《愛回家》劇照

保持車輛清潔是客運持證人的責任

其實香港法例第374D章《道路交通(公共服務車輛)規例》就講明「公共巴士或公共小巴的客運持證人及的士司機，須確保車輛保持整齊清潔。」所以這名司機的一番言論真是錯到極！

有網上求職平台分享了一個有趣個案，人事部問求職者：「你覺得一隻斑馬係黑底白條，定白底黑條？」雖然求職者當下有點錯愕，但最後他的答案卻令對方相當滿意，而且還立即獲取錄！

設計圖片

求職者冷靜回答HR職員嚇呆

社交平台搵工專頁近日分享了一個求職個案，指有求職者在面試期間，被人事部職員問了一條奇怪的問題「「你覺得一隻斑馬係黑底白條，定白底黑條？」他當下呆了，之後冷靜地回答到「無論乜底乜條，我嘅目標都係帶領佢跑第一！」職員被這個答案嚇呆了，但最後卻錄用了求職者，並讚他「應變力一流」！

平台總結：最緊要你嘅創意同機智！ 

然後平台總結這個個案所學到的智慧，指「職場問答未必真係要『標準答案』，最緊要係見到你嘅創意同機智！ 」

網友批評問題白痴：HR對唔住佢份「專業」

帖文引起網友熱議，大家似乎不太認同人事部以這種「無厘頭」的問題去考核應徵者，批評「個hr係代表公司請人，如果問得出呢d白痴問題，對唔對得住佢份「專業」」、「問呢條問題係有咩用？係用嚟access啲乜野？ 」「呢啲叫9唔搭8 」、更有網民嘲笑說「我就未見過賽馬有班馬喇，條友真係唔識㗎喎」 、「無端端做咩要斑馬跑第一 」、「個HR好似以為自己問得好有智慧咁」、「我想知個HR想聽咩答案」等，不過就有網友質疑個案的真確性。

示意圖。《愛回家》劇照