《東張西望》23.9點重奪榜首位置 《逆天奇案2》連升四周22.1點居次席

翡翠台上周（4月29日至5月5日）收視出爐！

根據CSM媒介研究及YOUBORA收視資料數據顯示，資訊節目《東張西望》跨平台直播收視最高23.9點（155萬觀眾），重奪本周榜首位置；處境劇《愛‧回家之開心速遞》最高收視20.9點（136萬觀眾）；由劉家豪總監製，陳展鵬、林夏薇、馮盈盈、黃智賢主演《逆天奇案2》連續4周收視上升，最高收視22.1點（144萬觀眾），較上周增加一萬五千觀眾。

《東張西望》

《愛‧回家之開心速遞》

《逆天奇案2》

外購古裝劇《命轉皇后》最高收視16.5點（107萬觀眾）；由洪永城、宋宛穎、何沛珈及魏韵芝擔任主持，全新健康資訊節目《位元堂安宮牛黃丸特約：早D知早D醫》最高收視12.4點（81萬觀眾）；由陳自瑤、賴慰玲、黎諾懿及羅天宇擔任主持的綜藝節目《香港婚後事》最高收視12.5點（81萬觀眾）。

《早D知早D醫》

《香港婚後事》

周六晚特備節目《永遠在乎 鄧麗君》最高收視18.4點（120萬觀眾）；美食節目《去到邊食到邊》最高收視15.7點（102萬觀眾）；周日晚阮兆祥、李思捷、王祖藍主持的《象牙世家古象牙工藝品呈獻︰福祿壽訓練學院》最高收視19.8點（129萬觀眾）。緊接播映黎芷珊主持的《澳娛綜合呈獻：芷珊約您》，芷珊親臨高雄跟草蜢三子做訪問，同時直擊他們在當地舉行的演唱會，最高收視15.4點（100萬觀眾）。

《福祿壽訓練學院》

《芷珊約您》

在TVB處境劇《愛·回家之開心速遞》中飾演「書蟲」的33歲無綫男藝人林浩文，今日（3月20日）在IG宣布離巢，正式結束與公司的賓主關係。

林浩文宣布離開無綫。

現年32歲的林浩文於2017年入讀第29期無綫電視藝員訓練班，以《愛．回家之開心速遞》「書蟲」一角最為人熟悉。

林浩文感謝公司曾經帶來的所有，讓他學習到一生受用的技能：「呢7年半亦有好多貴人幫助同比機會呢位小朋友，而呢位小朋友亦衷心感激曾經幫助過佢嘅人，雖然佢好少掛係口邊，但佢默默記住曾經幫過佢嘅人。」他感慨地表示：「去一個充滿問號嘅環境，佢唔知將來會好會壞...但經歷過嘅所有嘢都會放在心中，佢好希望有機會再同大家喺一個更好嘅時光再相遇。」

去年他自爆趁空檔時兼職做的士司機。

但指拍劇永遠是他的首選，希望演藝事業可以一直做到老。

林浩文IG全文：
係2006年有一位小朋友冇夢想冇目標，只係識得係屋企打機🎮，
但一次機緣之下比佢接觸左舞蹈，當時佢亦都冇諗過要有任何目標，只係純粹鐘意跳舞，但命運就係咁，冥冥中總有安排。

佢一直有好多貴人教佢比機會佢，慢慢係佢17歲果年迎來第一次在TVB表演嘅機會，佢拼盡全力去練習，唔想白費呢次機會，而佢嘅努力冇白費到，好順利咁完成表演，亦帶來第二次…第三次…甚至更多機會，而佢不知不覺係TVB愉快咁渡過3年，係呢3年亦學習到好多技巧，但如此同時呢3年所學習嘅技巧原來係為咗將來嘅一個轉變，而呢個轉變就係要去一個更大舞台，而佢呢次要挑戰嘅係有「舞台王者」之稱嘅郭富城演唱會。

而佢得到呢個機會，佢比之前更努力更用心，亦成功站穩陣腳，亦開始在演唱會呢個大舞台發光發亮，直到2017年某一日係佢耳邊有把聲音同佢講，不如試吓演戲，去報藝員訓練班啦。

佢相信呢個聲音立即填表提交，好幸運地又一次再返TVB呢個大家庭，但今次嘅身份唔再係舞蹈員，而係演員。

以前佢以為演戲係一件容易嘅事，入訓練班用返以前學過嘅嘢就搞掂啦，但入左訓練班後先發現，原來曾經所學嘅技巧好似全部都用唔到，但又唔係完全用唔到，所以佢不斷去跟身邊不同嘅人學習，希望能夠好似以前咁做每一件事都充滿信心揮灑自如，而係呢個過程中佢亦學識唔好自滿。

而不知不覺又已經過左7年半了，呢7年半亦有好多貴人幫助同比機會呢位小朋友，而呢位小朋友亦衷心感激曾經幫助過佢嘅人，雖然佢好少掛係口邊，但佢默默記住曾經幫過佢嘅人。🙏🏻🙇🏼‍♂️

命運又一次要佢轉變啦！去一個充滿❓嘅環境，佢唔知將來會好會壞…但經歷過嘅所有野都會放在心中，佢好希望有機會再同大家係一個更好嘅時光再相遇。

再見TVB，再見我嘅貴人們，我哋江湖見👋🏼🔥。

未來一定會更好！