張致恒又遭老婆公開鬧「廢」 雯雯透露將「行最後一步」：都係一個行業

不過，大部分網民對雯雯的訴苦並不賣帳，並認為只是想引人討論，更指她與張致恒兩公婆明顯是一唱一和扯貓尾，根本就是騙子！

39歲的張致恒（Steven）與區燕雯（雯雯）婚後一直是話題人物，又「熱愛」在社交平台公開家事，先有因不時鬧離婚而被稱為「離婚界KOL」，近期兩公婆又因為經常呻財困，更帖收款QR code向網民求助，再被封為「離婚財困界KOL」。母親節當天，雯雯再在IG Story鬧爆老公「廢」，更透露即將要行「最後一步」。

一家六口

兩公婆「熱愛」在社交平台公開家事。

張致恒上月初曾在IG分享打工生活，當大家以為他終於生性時，老婆雯雯就在月中透露家中因欠電費被斷電，之後更要PO QR code向網民借錢解決，令很多網民都疑惑張致恒不是有工作嗎？其實，雯雯曾透露他們一家六口加三隻狗的每月平均開支約需要三萬多元，張致恒早前在IG上開直播與網民互動時透露因年幼時父親曾經領取過綜援，所以令他對申請政府綜援比較抗拒，至於有很多網民提議他跟吳浩康做地盤賺錢，他卻堅拒地說：「你哋唔好個個成日同我講跟阿邊個做地盤啦！做地盤就係真男人？做地盤就搵到食？做乜都搵到食啦！」並自言一直都有做part time，但並不是有工作就能應付屋企開支。

張致恒上月初曾在IG分享打工生活。

月中雯雯就透露家中因欠電費被斷電。

張致恒早前在IG上開直播與網民互動時拒絕跟吳浩康做地盤。

不過，在母親節當天，雯雯就再次在IG Story發文數臭老公張致恒，爆對方揀工返，「搵晒工、問晒資料、安排晒，都可以咁多藉口唔去見，其實根本就係揀工，永遠都一堆廢話，解決自己點解冇錢，《廢》！」

雯雯又發文數臭老公張致恒。

之後，雯雯再出PO談及自己的苦况，「要在兩日內變大錢，除非中六合錢（彩），如果唔係，只有行最後一步，只有行到呢一步，就可以重新生活，加油！一定冇事，只有捱過一次，一切就解決」更表示：「為咗兒子和狗狗，我一定得，甚麼都不怕，只要唔係殺人放火，其實都係一個行業。」不過，雯雯沒有透露做什麼行業，以及怎樣在兩日內賺大錢。

透露要「行最後一步」。

又指「其實都係一個行業」。

而大部分網民對雯雯的訴苦並不賣帳，並認為只是想引人討論，「其實咪又係特登咁講引人討論」、「『捱過呢關一切就解決』呢句說話都唔知講咗幾多次」、「究竟佢係要搵錢生活，定係要變大錢，咁大個人唔識腳踏實地」、「佢地兩公婆好明顯就完全冇諗過降低生活質素，一唱一和扯貓尾，當係上演離婚連續劇咁樣貼個QR CODE乞食」、「佢講野同佢老公一樣，咩搵急錢，過左呢關一定得，根本兩個就係騙子，兩個鬧交其實扮嘢」。

雯雯指大家可以唔認同，可以唔理解，但無需要批評。

有「離婚界KOL」之稱的張致恒（Steven）與太太區燕雯（雯雯）四年抱四，一家六口長期經濟困難，經常要向網民借錢解決，雯雯又不時在社交平台放負，上月初曾自爆一家的食飯錢被呃，直言有尋死念頭，日前又揚言「唔會再求人，唔會再問人借」，更表示：「要死一齊死」，令人憂心四個小朋及的安危。今日（11月13），雯雯繼續放負，並罕有承認自己生四個又無錢養是不負責任。

張致恒與太太雯雯四年抱四。

一家六口長期經濟困難。

雯雯不時在社交平台放負。

早前出PO自爆被呃錢。

兩日前又再放負。

雯雯今日在IG Story連出兩個PO，她先表示希望大家能諒解他們的「苦況」，更罕有承認自己生四個又無錢養是不負責任，「成日講人地邊個邊個可以一個照顧4個，你自己有冇試過？以前條街都冇咁多車，以前小朋友自己留係屋企都唔會比人告，宜家小朋友有少少野都叫疏忽照顧，要報警。我係好不負責任咁生左4個，但自問都已經盡力照顧緊，D人成日講同鬧，但又有幾多個人真正做到？」她又表示：「你可以唔認同，你可以唔理解，但無需要批評。」

今日罕有承認自己生四個又無錢養是不負責任。

之後，雯雯繼續放負，「世界好現實，你冇錢，等如你乜都唔係，你要求人借錢，你更加變得一文不值。我窮，養唔起4個，更加代表我唔洗生存。我努力過、盡力過，但既然過唔到，都無謂勉強。」

然後繼續放負。