VIVA 備受力捧。
英皇新女團「VIVA」今日（27日）首次現真身在新城接受昆頓「音樂五重奏」節目訪問，宣傳出道歌《Topic Killa》。「金牌經理人」霍汶希（Mani）)親自領軍並全程傍實，而新城廣播首席營運總監馬浚偉亦親自迎接Mani，兩大高層與VIVA合照。
新城高層馬浚偉親自迎接Mani
由姜咏鑫（Ada）、張鈊貽（ValC）、李晞彤（Carina）及馬思惠（Macy）組成的VIVA各有專長，Ada愛照顧隊員、ValC是跳舞擔當，而Macy則是唱歌擔當。不過4人坦言要時間磨合，Carina說：「一定要，因為我哋4個嘅性格都幾唔同，Ada相對係沉穩啲、冷靜啲，ValC有時好鍾意同人玩，有時比較外向啲，但有時又好需要獨處嘅空間，Macy就比較失魂啲，而我就陽光啲。」
姜咏鑫（Ada）鍾意照顧成員
ValC跳舞擔當
Carina是大腦發言兼負責康樂
Macy則是唱歌擔當
而其出道歌終於面世，VIVA表示期待已久，並很想食蛋糕慶祝。Macy急不及待表示有有芝士蛋糕慶祝，ValC續說：「今朝Carina話好想要一個出道蛋糕，但Mani同我哋講『淨係可以要一個用紙做嘅蛋糕』。」Carina接著表示：「其實我都預計得到，因為Mani都係叫我哋減肥多，所以我諗住偷偷地食，但我哋食晏嘅時候，突然出現一個芝士蛋糕，仲要係Mani捧入嚟，所以非常之驚喜。」對於Mani要求4人減肥，ValC指因要上台演出，故一定要保持狀態。
4人被下令減肥
Mani親自帶團
張敬軒真係好愛錫後輩！
由姜咏鑫（Ada）、李晞彤（Carina）、馬思惠（Macy）及張鈊貽（VALC）組成的女團VIVA今年五月出道，四人出道半年，為了讓成員之間磨合得更好，一向愛錫後輩的師兄張敬軒決定化身「軒社監」借出自己當年的發跡屋，讓VIVA入住一個月。
張敬軒借出當年的發跡屋給師妹VIVA入住。
展開一個月熟成計劃。
軒仔的「發跡屋」位於在天后廟道、樓齡過半百的千呎唐樓，是他搬到港島區後，第一間租住的屋。VIVA入住前，軒仔特意添置不少新傢具及裝修，包括：拆窗花、做廚櫃、翻新牆身、換地板及大門。借出發跡屋，軒仔坦言考慮了一段時間，「四個互相唔太熟嘅女仔變成一個組合，係一件唔容易嘅事，自己亦都同佢哋做過幾次嘢，見到仲有好多嘢需要磨合。所以會想佢哋『同居』一個月，或者一齊住仲會更加多磨擦，但係亦都係對佢哋自身嘅關係會更鞏固，更加了解大家。」
軒仔的「發跡屋」是位於在天后廟道、樓齡過半百的千呎唐樓。
軒仔特意為VIVA添置不少新傢具及裝修。
軒仔特意為VIVA添置不少新傢具及裝修。
軒仔希望VIVA「同居」後關係會更鞏固，更加了解大家。
「軒舍監」親手寫下十大宿社規條：和睦相處、不能帶異性朋友過夜、節約用電安全用電、注意個人衛生、注意鄰舍關係、培養自己的生活習慣、注室友感受、觀察這個社區、注意房間清潔及學會照顧自己，幽點之餘又充滿愛。舊地重遊，軒仔回憶返晒嚟，「呢間屋承載咗好多回憶，包括第一次上紅館、成張《No. ELEVEN》、同埋《酷愛》有啲歌嘅Demo，都係喺呢度唱，《故園花茶》都係喺呢度寫。」
「軒舍監」的話
「軒舍監」的話
觀看相關影片按連結：https://youtu.be/apPZpeQgJto
雖然VIVA早前於韓國集訓時已有同居經驗，但這次正展展開同居生活，四人都有點擔心，「喺韓國因為始終未係咁熟，大家包容度高好多。但而家熟咗啦喎，係咪好多嘢都可以直接講呢？哈哈。」隨後節目組分配各自的家務擔當：「廁所長」Carina負責廁所、吸塵及抹地；「廚房長」VALC負責廚房、煮飯及洗碗；「客廳長」Macy負責客廳、買餸及倒垃圾；「飯廳長」Ada負責飯廳、洗衫及熨衫。
觀看相關影片按連結：https://youtu.be/UFDHPD6MULY
正式入住第一日已經迎來挑戰，就是自己搬行李行樓梯上單位，只見Ada一手將行李箱托起，然後一鼓作氣搬上去，當Ada已經到達單位門口時，其他三位成員仍只是剛開始上樓梯，最後Ada跑落樓梯，幫忙隊員搬篋，認真唔話得。入屋後，問到VIVA希望會有一個怎樣的經歷，VALC坦言想玩，「長期有班friend喺度同我玩會係乜嘢感覺呢？」Carina好奇道：「柴娃娃一齊玩一齊做mission其實係非常之簡單，但係坐喺度講一啲內心嘅說話，先至係最難。」Ada希望想找一個溝通的出口；Macy想大家再熟絡點，「希望我哋私底下都可以變到係friend嘅friend。」
正式入住第一日已經迎來挑戰。
搬行李是一大難題。
Ada自己搬完行李，便跑落樓梯，幫忙隊員搬篋。
