新歌《Morning Call》擺脫韓風 VIVA自揭「上癮」瘋狂行徑

女團VIVA第三首派台作品《Morning Call》正式上架！

《Morning Call》全新曲風令四位成員Ada（姜咏鑫）、Carina（李晞彤）、Macy（馬思惠）跟VALC（張鈊貽）的聲音辨析度提升不少，港式清新風格的編曲輕快有力，甜蜜中帶點青春活力。

VIVA第三首派台作品《Morning Call》正式上架！

觀看相關影片按連結：https://youtu.be/diFj8Ne1IUY

新歌曲風明顯跟之前在韓國錄製的兩首作品《Topic Killa》及《DTR》有不同，四人表示唱法亦有所改變，以sweet為主，Ada大爆錄音時自己長期被監製「督促」，「佢成日叫我：「笑！開心！唔夠sweet ！ 」咁樣，哈哈，所以我長期喺錄音室入面，我真係諗住一個開心嘅早餐，然後笑住去演繹呢首歌。」

新歌曲風跟之前兩首作品不同，今次是港式清新風格的編曲輕快有力，甜蜜中帶點青春活力。

舞蹈方面，四人坦言有進步，隊中主音Macy向來跳舞比較弱，這次不少網民大讚她有進步，為她打了一支強心針，「我見到有人comment話我第三隻歌跳舞有進步，希望大家下一年再讚我唱歌又好咗、跳舞又好咗啦、表現力又好咗啦，所有嘢都好啦。」

四人坦言在舞蹈方面都有進步。

向來跳舞比較弱的Macy更獲網民大讚有進步。

歌曲簡單直接描述戀愛時忐忑的少女心事，又以咖啡因比喻對喜歡的人上癮，問到VIVA有否試過對人上癮，Ada曾對《怪獸公司》的角色「毛毛」上癮，「可能因為一開始佢嘅形象好嚇人，但其實佢內心係好溫暖嘅人，佢好細心，呢一個係我俾佢charm到嘅一個位，所以我大個咗之後，我對人或者睇嘢都唔會淨係睇表面。」

而從小喜歡Taylor Swift的Carina曾試過即日來回飛新加坡看她演唱會，「嗰陣時準備去韓國training，Taylor Swift嘅演唱會都係同一段時間舉行，同公司溝通後有檔期，於是我就飛咗去新加坡度睇，即日來回咁返嚟香港。」

不過，最瘋狂要說是VALC，曾有一段時間對漫畫《排球少年》的主角之一「月島」上癮，更對他無限FF，「我會上網買佢件波衫，但唔知點解要買，因為我冇乜着過；我又唔知點解夜晚真係會係咁諗住如果呢個『月島』係一個真人嘅話會係點樣，希望佢可以變真，哈哈！我係咁諗住佢，覺得我喺呢個咁嘅situation嘅話佢會點樣做呢？好多呢啲FF，哈哈。」

而歌曲當中Rap的部份，再次由VALC主理，靈感亦全憑她的FF，「我係Imagine如果有一個伴侶同我一齊起身嘅話，我會想點樣講呢？但同時間我又想型型地講呢句說話出嚟。同埋我個Invision就係佢要返工啦，但走之前你都要記住輕鬆啲，就係Before you leave, please celebrate，即係我希望就算今日有乜嘢工作、有幾攰都好，我哋都記住要開心、要玩。」

歌曲當中Rap的部份由VALC主理，靈感亦全憑她的FF。

臨近年尾，總結一下過去一年的表現，VIVA直言有不少得着，唱歌及跳舞都有進步空間。Ada直言感覺比之前輕鬆，因為開始熟習錄音模式；Carina表示未入公司前所有事情是自己一手一腳去做，加入公司後，最初以為很多事情需要公司作主導，「但原來公司係會俾好多空間我哋去自主處理、好願意聽我哋00後嘅意見，亦有好多parties幫忙，再學識team work要放手俾人哋一齊做，唔可以自己一個做晒。」

VIVA指在過去一年有不少得着，唱歌及跳舞都有進步空間。

VALC對今年的表演滿足，「見到大家對跳唱嘅成長，可能大家一開頭跳唱係唔夠氣，而家好好多，穩定好多。希望下年會更好，繼續各自發掘自己擅長嘅曲風、擅長嘅style。」Macy笑言自己最大的進步是身體健康，「對於第三隻歌嚟講，我係冇病冇痛。因為之前成日腳痛、頭痛，唔知邊度痛，但嚟到第三隻歌我好健康，我最大嘅進步就係身體健康，所以喺度祝大家身體健康，哈哈。」

張敬軒真係好愛錫後輩！

由姜咏鑫（Ada）、李晞彤（Carina）、馬思惠（Macy）及張鈊貽（VALC）組成的女團VIVA今年五月出道，四人出道半年，為了讓成員之間磨合得更好，一向愛錫後輩的師兄張敬軒決定化身「軒社監」借出自己當年的發跡屋，讓VIVA入住一個月。

張敬軒借出當年的發跡屋給師妹VIVA入住。

展開一個月熟成計劃。

軒仔的「發跡屋」位於在天后廟道、樓齡過半百的千呎唐樓，是他搬到港島區後，第一間租住的屋。VIVA入住前，軒仔特意添置不少新傢具及裝修，包括：拆窗花、做廚櫃、翻新牆身、換地板及大門。借出發跡屋，軒仔坦言考慮了一段時間，「四個互相唔太熟嘅女仔變成一個組合，係一件唔容易嘅事，自己亦都同佢哋做過幾次嘢，見到仲有好多嘢需要磨合。所以會想佢哋『同居』一個月，或者一齊住仲會更加多磨擦，但係亦都係對佢哋自身嘅關係會更鞏固，更加了解大家。」

軒仔的「發跡屋」是位於在天后廟道、樓齡過半百的千呎唐樓。

軒仔特意為VIVA添置不少新傢具及裝修。

軒仔特意為VIVA添置不少新傢具及裝修。

軒仔希望VIVA「同居」後關係會更鞏固，更加了解大家。

「軒舍監」親手寫下十大宿社規條：和睦相處、不能帶異性朋友過夜、節約用電安全用電、注意個人衛生、注意鄰舍關係、培養自己的生活習慣、注室友感受、觀察這個社區、注意房間清潔及學會照顧自己，幽點之餘又充滿愛。舊地重遊，軒仔回憶返晒嚟，「呢間屋承載咗好多回憶，包括第一次上紅館、成張《No. ELEVEN》、同埋《酷愛》有啲歌嘅Demo，都係喺呢度唱，《故園花茶》都係喺呢度寫。」

「軒舍監」的話

「軒舍監」的話

觀看相關影片按連結：https://youtu.be/apPZpeQgJto

雖然VIVA早前於韓國集訓時已有同居經驗，但這次正展展開同居生活，四人都有點擔心，「喺韓國因為始終未係咁熟，大家包容度高好多。但而家熟咗啦喎，係咪好多嘢都可以直接講呢？哈哈。」隨後節目組分配各自的家務擔當：「廁所長」Carina負責廁所、吸塵及抹地；「廚房長」VALC負責廚房、煮飯及洗碗；「客廳長」Macy負責客廳、買餸及倒垃圾；「飯廳長」Ada負責飯廳、洗衫及熨衫。

觀看相關影片按連結：https://youtu.be/UFDHPD6MULY

正式入住第一日已經迎來挑戰，就是自己搬行李行樓梯上單位，只見Ada一手將行李箱托起，然後一鼓作氣搬上去，當Ada已經到達單位門口時，其他三位成員仍只是剛開始上樓梯，最後Ada跑落樓梯，幫忙隊員搬篋，認真唔話得。入屋後，問到VIVA希望會有一個怎樣的經歷，VALC坦言想玩，「長期有班friend喺度同我玩會係乜嘢感覺呢？」Carina好奇道：「柴娃娃一齊玩一齊做mission其實係非常之簡單，但係坐喺度講一啲內心嘅說話，先至係最難。」Ada希望想找一個溝通的出口；Macy想大家再熟絡點，「希望我哋私底下都可以變到係friend嘅friend。」

正式入住第一日已經迎來挑戰。

搬行李是一大難題。

Ada自己搬完行李，便跑落樓梯，幫忙隊員搬篋。