自認乜都認真搞到壓力大 李幸倪：而家識得work hard play hard

Gin Lee指「Work Hard Play Hard」非常重要！

Gin Lee李幸倪、黎展峯（Andy）、曾傲棐（Arvin）及女團VIVA日前到卜維廉中學及何明華會督銀鿋中學舉行「EEG x BlessVision School Tour 2024」，一眾歌手除了唱歌及跟同學玩遊戲，又分享面對壓力或困惑時的情緒處理，鼓勵同學。

Gin Lee與Andy、Arvin及女團VIVA日前到兩間中學舉行「EEG x BlessVision School Tour 2024」。

音樂會上，歌手們先跟同學玩遊戲，Gin、Andy跟Arvin一隊，VIVA一隊，在介紹自己隊名時，Andy十分識做，知道Gin日推出新歌《可惜我們沒有》，於是便將隊名改為「聽日出新歌隊」，為師姐預告兼宣傳，引來台下同學們大聲歡呼。演唱期間，VIVA亦首次現場演繹早前推出的新歌《Morning Call》，同學聽得十分投入。一眾歌手亦由台上唱到台下，走勻全場，同學們亦紛紛乘機爭取合照，歌手們又向同學大派心心、自拍等，氣氛熱爆。

Gin Lee

VIVA

Andy

Arvin

這次歌手們跟「幸福傳聲基金會」合作，到各大院校唱歌表演，目的為讀書壓力大的同學們加油打氣，歌手更以自身經歷，分享如何排解及面對逆境時的自處。Gin Lee坦言自己是一個對於任何事都很認真的人，這樣其實會為自己帶來不少壓力，所以她認為「Work Hard Play Hard」非常重要，「認真工作嘅時候就要全程投入，做完嘢返到屋企我會有個me time，me time你可以做啲伸展又得、影相又得、睇吓書、放空又得，搵一啲你喜歡同埋健康嘅小活動，等自己有個渠道可以抒發，聽音樂都係一個好好嘅方法。」她又謂屋企永遠是最強的後盾，「我覺得溝通非常之緊要，你要俾屋企人知道你經歷緊啲乜嘢，佢哋先可以知道點樣去幫你。」

Gin Lee自言是一個對於任何事都很認真的人，這樣其實會為自己帶來不少壓力。

所以認為「Work Hard Play Hard」非常重要。

問到Andy如果有人將他跟其他人比較，他會如何應對？Andy指最重要忠於自己，「就算身邊嘅人唔相信你都好，只要你相信自己，你就一定會成功。」至於Busking經驗豐富的Arvin坦言街頭表演時，少不免被人評頭品足，但經歷多後，他自有一套自處方式，「一開始Busking嘅時候會想切合大家想要的形象，但消化過後，其實唱歌都係一樣表達自己嘅工具，發現最誠實咁樣做自己係最緊要。」至於女團VIVA則寄語同學，「希望大家會珍惜喺中學嘅時間，因為我哋四個都係畢咗業之後，其實最掛住都係中學嘅時光。」

Andy

Arvin

VIVA

女團VIVA的「跳舞擔當」張鈊貽（VALC）昨日（4月17日）21歲生日，一班fans精心策劃為她送上驚喜，fans們於一間珍珠奶茶店為偶像舉辦生日應援活動，場內貼滿VALC與VIVA隊友的靚相，氣氛溫馨。早前VALC親自到場打卡，跟粉絲近距離互動，更即席化身「街頭畫師」幫fans畫畫，場面搞笑又感人！

VALC日前21歲生日，一班fans精心策劃為她送上驚喜。

今次是VALC出道後首次獲fans為她慶祝生日，回想當日仍難掩興奮，「第一次同fans咁近距離互動咁耐，感覺好親切，真係感受到大家嘅支持！」VALC又指原本以為只是簡單見面，但fans粉絲的熱情令佢驚喜萬分，「見到咁多人支持，超級開心！當然都希望大家玩得開心。」期間最搞笑的一幕，莫過於VALC突然被粉絲「點畫」！她笑着分享，「有個fans叫我畫嚿燒賣，之後個個都開始叫我畫，『可唔可以幫我畫個外星人呀？』、『可唔可以幫我畫隻貓呀？』」雖然自嘲畫功一般，但VALC仍然耐心滿足粉絲要求，更說：「突然之間變咗街頭畫師，真係好搞笑！」

VALC親自到應援店打卡。

期間VALC突然被粉絲「點畫」。

與粉絲合照。

談到生日願望，VALC坦言現時生活節奏太緊湊，「要兼顧返學、跳舞表演、工作同私人時間，真係好唔平衡。」她希望大一歲可以找回自己生活的平衡，更有效率分配時間，「鞭策自己唔好偷懶，減少時間碰撞。」事業方面，VALC最希望跟VIVA一齊接多點工作，尤其係大型演出，同隊友一齊繼續進步。問到生日正日（昨日）如何渡過，VALC透露行程相當「精彩」，「而家喺屋企做緊功課，今晚同屋企人食餐飯，之後就要排舞排到好夜，哈哈！」

VALC希望大一歲可以找回自己生活的平衡，更有效率分配時間。