周家怡和李靖筠都坦言一直都想開「86」，今次終於夢想成真了！
由兩位愛車之人周家怡及李靖筠（Gladys）拍攝的網上駕駛節目《恨駕女團》新一集近日上架，今集二人衝出香港，飛到日本，實行恨駕到大阪。
點擊看圖輯
家怡好奇Gladys有國際車牌。
笑指她是「專業乘客」，不需要申請。
二人在租車車行見到各式各樣的中古JDM車款。
二人坦言一直都想開「86」。
出發前，家怡不知死火燈在哪。
拍攝團隊上前解圍後順利出發。
家怡一路上大讚車輛保養得很好。
二人又了分享日本自駕遊經驗。
觀看相關影片按連結：https://youtu.be/aJfOoQGt_ME
出發前，家怡問Gladys到日本後想開甚麼車，Gladys表示想開JDM，即在日本境內販售日本版、日本規格的車。二人又晒出國際車牌準備就緒，不過當家怡見到Gladys的國際車牌便不懷好意地問：「咦？點解你要有嘅？」Gladys反問：「咩呀？」家怡即說：「你平時都係專業乘客，你駛乜申請呢個啫？」激到Gladys一度語塞，十分搞笑。
家怡好奇Gladys有國際車牌。
笑指她是「專業乘客」，不需要申請。
安全到達大阪後，二人立即去到租車車行，車行內陳列出各式各樣的中古JDM車款，從開篷車到經典車型，應有盡有，兩人興奮地參觀一輪後，最後選中動漫電影《頭文字D》中，男主角藤原拓海所開的「AE86」，二人坦言一直都想開「86」，「講咗好耐一路都揸唔到，一路都冇借到86，而家喺日本揸86！你明唔明嗰個感覺、嗰個儀式感！真係好感動呀！」
二人在租車車行見到各式各樣的中古JDM車款。
二人坦言一直都想開「86」。
雖然「恨駕」86，但由於車款是1983年出產，加上操作規格跟現代車有少許分別，以致一開車便出師不利，負責駕駛的家怡一開始便停泊在路邊，「個死火燈係喺…… 冇死火燈嘅？我唔知架車個死火燈喺邊。」最後拍攝團隊上前解圍，終於能夠順利出發。
出發前，家怡不知死火燈在哪。
拍攝團隊上前解圍後順利出發。
一路上，家怡大讚車輛保養得很好，「啲聲好實淨呀！駕駛感覺嚟講，佢堂軚好鬆、好輕、好多虛位，極力子好容易放，如果以四十年呢個condition，直程係好好！佢唔係淨係個樣好，我而家揸起上嚟我都覺得佢精神。」Gladys亦謂：「比我想像中紮實喎個感覺。我覺得呢架車同我哋之前咁多集嘅駕駛樂趣好唔同，第一因為係古董車啦，同埋我哋人生路不熟，哈哈。」
家怡一路上大讚車輛保養得很好。
二人又分享日本自駕遊經驗，「喺日本要用佢哋本身install咗嘅導航係準好多。」家怡十分贊同，「嚟親日本自駕，入導航嘅時候，我唔會將佢轉做英文，我一樣用番日文，反而一去咗英文，就好難睇，呢個都係俾觀眾嘅少少貼士。」
二人又了分享日本自駕遊經驗。
