《破．地獄》黃子華許冠文激罕合體宣傳 拍攝史上最華麗陣容戲院禮儀師

《破．地獄》將於11月14日上映。

英皇電影《破．地獄》為香港影壇罕有聚焦殯儀業的作品，由陳茂賢執導及編劇，兩大巨星——黃子華及許冠文（Michael），自《神算》後闊別32年再度傾力合演，搭配9大金像級陣容：衛詩雅、朱栢康、周家怡、秦沛、金燕玲、韋羅莎、梁雍婷、白只、鍾雪瑩，早前宣布落實於11月14日（星期四）公映，而兩大巨星海報及預告一出已旋即引起網絡話題，備受矚目。

朱栢康、梁雍婷

周家怡

金燕玲、衛詩雅

許冠文、朱栢康、梁雍婷

許冠文

雖然距離11月上映尚有一段時間，不過《破．地獄》團隊亦不敢怠慢，由陳茂賢導演聯同台前幕後親自製作一條史上最華麗陣容的「《破．地獄》戲院禮儀片」，除了有難得合體宣傳的兩大巨星黃子華及許冠文助陣飾演本尊，亦不少得片中演員衛詩雅、朱栢康、周家怡、金燕玲、梁雍婷及鍾雪瑩現身，分別飾演影迷最怕遇到的問題觀眾，一同迎接電影上映，同時為新一波宣傳揭開序幕！

黃子華、金燕玲、衛詩雅

黃子華、金燕玲、衛詩雅

黃子華

衛詩雅

鍾雪瑩

而這條《破．地獄》戲院禮儀片即將於7月24日起於英皇院線率先首播，片中提到子華以及Michael入戲院欣賞自己參演的《破．地獄》，卻遇到由片中其他演員飾演的問題觀眾，犯下一連串戲院場內不適宜的行為，片中開首先有開場後姍姍來遲的鍾雪瑩，影響準時入場的觀眾睇戲，再有朱栢康及梁雍婷拿出電話自拍留念，阻擋後方Michael的視線，逼得Michael好言相勸。另一邊廂，周家怡如入無人之境，興奮打電話給友人分享巧遇子華神，被子華友善勸喻保持安靜，而壓軸出場有曾於《不日成婚2》飾演兩婆媳的衛詩雅與金燕玲，二人今次關係不再緊張，忙「講戲」多過睇戲，金燕玲更爆出一句「好巴閉咩」，恍如前作的霸氣奶奶上身，非常爆笑！而雞啄唔斷的二人旋即亦被後方的子華提醒收細音量。經過黃子華及許冠文兩位「戲院禮儀師」的提醒下，最終眾人都專心欣賞電影，畫面猶如《破．地獄》提早首映，更令人為之期待電影中眾星迸發之火花！

首度參演戲院禮儀片又一向鬼馬的Michael大呼好玩，他笑言：「我覺得幾好玩呀，一班演員喺戲院入面詐帝睇返自己，感覺好好玩呀。」問到Michael對於新片《破．地獄》的期望，Michael希望最緊要觀眾享受電影：「希望上映嗰陣，觀眾好似我哋咁嘻嘻哈哈笑緊，呢個係我希望啫，不過多數都唔可能，因為戲入面都好多喊嘅場面。」Michael亦預告新片拍出人生的五味雜陳，開心有時，悲傷亦有時，相信會為觀眾帶來共鳴。

Kenny豪言：「揀啦！」

衛詩雅（Michelle）近日除了密密為叫好叫座的電影《破．地獄》四出宣傳、謝票，將於出年二月結婚的她同時亦忙於籌備婚禮，早前她已經試過婚紗、裙褂及婚宴菜式，日前便孖住關智斌（Kenny）到英皇珠寶試首飾。二人身為婚嫁系列的全新代言人，作為師兄的Kenny表示要送上小禮物，更豪言：「揀啦！」Michelle純時心花怒放。

觀看相關影片按連結：https://youtu.be/v14sKL7Oi6A

二人在店舖邊選購首飾邊傾偈，Kenny問Michelle她的準老公周醫生有沒有送過禮物給她時，Michelle表示沒有，不過卻有比送禮物更浪漫的事，「佢送俾我嘅禮物係好有心思，佢會自己作詩。我講真㗎！佢作英文詩，我睇唔明，又要翻譯又唔知佢寫乜，哈哈。佢開始get到我唔識，就轉咗寫中文，但係寫中文我都唔明，哈哈。」在旁Kenny大叫浪漫，又問：「你覺得佢對你做過最浪漫嘅嘢係乜嘢？」Michelle即一副冧樣道：「佢完全唔識剪片，我覺得最勁係佢會特登剪片俾我，每日剪一條好短嘅，有啲英文、有啲中文咁樣寫落去。」

Michelle戴到成身金飾，笑指自己似「美少女戰士」。

Kenny都試埋一份。

隨後畫風一轉，Michelle分享了一件趣事，「有一年生日，佢送咗一個好大嘅盒俾我，你以為係嗰啲唔知乜嘢包包啦，我開心揭開，係一架Lego車。我唔明點解送一架Lego車俾我，我個表情真係控制唔到，一揭開我本來係笑住，仲要係一架唔知乜嘢嘅跑車，如果係送我揸緊嗰個型號我都明，我笑住問：『點解？』佢話：『冇呀，我好鍾意呢架Lego車，想你幫我砌，所以送俾你』。」二人即笑翻天。

Michelle又分享了一件未婚夫的趣事。

隨後，Kenny又問他們二人有否love language？Michelle指自己每次見到周醫生時，都會主動「攬住佢」，「我係嗰啲好陽光，佢冇我咁正能量，所以我見到佢我就會攬住佢。我同佢講有研究顯示情侶攬八秒，身體就會分泌一樣嘢令你開心，我就會咁樣攬住佢，呢個係我嘅love language 。」Kenny解說love language的重要性，Michelle即笑說Kenny十足婚前諮詢專家。

Kenny解說love language的重要性。

二人由金器揀到珍珠，Michelle將揀出來的首飾全都戴上身，不捨得除下，Kenny說：「我已經好多錢，亦都想再搵多啲錢。」Michelle即打蛇隨棍上，「咁我可以揀份大啲嘅結婚禮物。」Kenny即大笑：「揀啦！」

二人由金器揀到珍珠，揀得好開心！