細女3個月大同家姐Sir Face餅印一樣梁諾妍：一屋洪永城

娛圈事

細女3個月大同家姐Sir Face餅印一樣梁諾妍：一屋洪永城

2024年06月27日 19:00 最後更新：06月28日 14:48

兩姊妹都好可愛！

洪永城（Tony）與梁諾妍（Inez）於2021年結婚，同年誕下大女洪靖嵐（Amber），由於囡囡與洪永城似足餅印，更被工人姐姐戲稱「Sir Face」，今年3月尾再添細女Beryl，但Beryl未出世就被媽媽梁諾妍稱為「Sir Face 2.0」，梁諾妍近日就在IG分享兩個囡囡的照片，證實「一屋洪永城」。

點擊看圖輯

洪永城一家四口合照。

Sir Face好錫妹妹。

三姊妹。

一屋洪永城！

梁諾妍分享兩個囡囡同樣是三個月大的對比照片。

兩姊妹幾乎一模一樣！

同樣遺傳了洪永城的單眼皮及豆豉眼。

不過，妹妹Beryl甜笑時就較似媽媽梁諾妍。

網民留言

梁諾妍在IG分享兩個囡囡同樣是三個月大的對比照片，並留言：「呀妹3個月了，睇返Sirface 3個月同呀妹嘅3個月，有啲又好似得嚟，又有啲唔同～但係2個就算有幾似/幾唔似樣，點解2個都係200% Sirface無誤！睇落呀妹仲似呀Sir多過家姐。Any肥，2個加大家姐Molly健健康康就好足夠了，繼續活躍下去繼續開開心心笑多啲！大家又分唔分到左邊/上邊係Sirface定呀妹呢？#其實一定分到#一屋洪永城」。

相中可見，同樣三個月大的Sir Face與妹妹Beryl樣子幾乎一模一樣，二人亦同樣遺傳了洪永城的單眼皮、豆豉眼，但妹妹Beryl甜笑時則較似媽媽梁諾妍。不少網民看過兩姊妹的對比照都表示分辨得出兩姊妹，更紛紛笑指兩姊妹都是「Sir face」，「一模一樣的孩子為什麼要生兩次」、「兩個Sirface都好可愛」、「Sirface太明顯了」、「Sir個基因好強大啊，兩個都係sirface」、「複製架？咁似樣嘅？」

不過，也有不少網民指家姐比較似爸爸洪永城，妹妹則較似媽媽梁諾妍，「家姐似阿sir多好多呀！唔使擔心」、「覺得家姐好似爸爸，妹妹兩個都唔太似，似返佢自己！但睇到最尾張相，原來妹妹係似媽咪㗎」、「覺得呀妹無咁似Sir喎」、「妹妹似媽咪」、「妹妹有啲似媽媽，大女似爸爸，但兩位千金都可愛和得意，洪生洪太，好好照顧孩子，加油」。

往下看更多文章

美食新聞報道｜「港版士林夜市」太安樓掃街洪永城未紅時獲麵檔老闆娘加料接濟

2024年11月21日 14:30 最後更新：17:11

飲食節目《美食新聞報道》今晚（11月21日）的「星級飯腳」請來洪永城（Tony），他會同蔡景行（行仔）到西灣河的太安樓掃街。

太安樓位處西灣河港鐵出口、就近小巴四通八達，夜歸或轉車的市民都喜歡在此搵食，吸引各類型食店在此開店，由車仔麵檔、串燒店及茶餐廳應有盡有，慢慢發展成港島區消夜好去處，贏得「港版士林夜市」的稱號。

Tony自小學時期已開始「掃街」，逾30年經驗令他悟出道理，「掃街」能力同銀包深度掛勾。二人首站是Tony由小食到大的車仔麵檔，店外長期有人龍。Tony推介豬大腸、冬菇、肉餅、咖喱魷魚及韮菜豬紅，賣點是入味好食。Tony提到與此店的淵源，始於少年時代，他說︰「以前錢唔多，試過有次得20蚊嚟幫襯，同老闆娘講『盡執』。點知老闆娘照樣畀滿晒餸，仲問我夠唔夠。」好有愛的老闆娘笑言Tony現在每次幫襯，都會放下錢不找續就走。